កីឡាជាតិ
×![]()
ក្រុមកីឡាបាល់ទាត់ជម្រើសជាតិកម្ពុជានឹងចាកចេញពីប្រទេសសិង្ហបុរីធ្វើដំណើរមកកាន់ប្រទេសកំណើតវិញនៅថ្ងៃនេះ បន្ទាប់ពីទទួលបានការហ្វឹកហាត់ពង្រឹងសមត្ថភាព និងបច្ចេកទេស ដើម្បីត្រៀមធ្វើជាម្ចាស់ផ្ទះរៀបចំព្រឹត្តិការណ៍ប្រកួតជម្រុះ AFF Suzuki Cup ឆ្នាំ២០១៦ នៅទីនោះអស់រយៈពេលជាច្រើនថ្ងៃកន្លងមកនេះ។
ក្រុមកីឡាបាល់ទាត់ជម្រើសជាតិកម្ពុជាបន្ទាប់ពីចាកចេញពីប្រទេសកំណើតតាំងពីថ្ងៃទី២១ ខែកញ្ញា ដើម្បីទៅហ្វឹកហាត់ពង្រឹកសមត្ថភាព និងបច្ចេកទេសនៅប្រទេសសិង្ហបុរី សម្រាប់ត្រៀមរៀបចំព្រឹត្តិការណ៍ប្រកួតជម្រុះ AFF Suzuki Cup ឆ្នាំ២០១៦ ដែលកម្ពុជាធ្វើជាម្ចាស់ផ្ទះ។ ក្រុមតំណាងកម្ពុជាមួយនេះនឹងចាកចេញពីប្រទេសសិង្ហបុរី ដោយគ្រោងនឹងមកដល់មាតុប្រទេសនាវេលាម៉ោង១នឹង៣០នាទីរសៀលថ្ងៃទី៣០ ខែកញ្ញានេះ។
ក្នុងអំឡុងពេលហ្វឹកហាត់នៅប្រទេសសិង្ហបុរី ក្រុមជម្រើសជាតិកម្ពុជាបានប្រកួតមិត្តភាពជាមួយក្រុមដែលលេងនៅក្នុងលីកសិង្ហបុរី៣លើកផងដែរ។ ដោយទល្ធផលក្រុមជម្រើសជាតិកម្ពុជាបានយកឈ្នះក្រុម Albirex Niigata ២-១ ក្នុងជើងទី១ និងបន្តយកឈ្នះក្រុមជម្រើសជាតិសិង្ហបុរី ១-០ ក្នុងជើងទី២។ ហើយកាលពីម្សិលមិញក្រុមជម្រើសជាតិកម្ពុជាបានយកឈ្នះក្រុម Geylang International FC ក្នុងលទ្ធផល១ទល់នឹង១។
គួរបញ្ជាក់ថា កម្ពុជានឹងធ្វើជាម្ចាស់ផ្ទះរៀបចំព្រឹត្តិការណ៍ប្រកួតជម្រុះ AFF Suzuki Cup ឆ្នាំ២០១៦ ពីថ្ងៃទី១៥ ដល់ថ្ងៃទី២១ ខែតុលា ដោយត្រូវទទួលស្វាគមន៍ឡាវ ទីម័រខាងកើត និងព្រុយណេ។ ក្រុមដែលទទួលបានពិន្ទុខ្ពស់ជាងគេ នឹងទទួលបានកៅអីក្នុងពូល B សម្រាប់ការប្រកួតជុំចុងក្រោយនៅក្នុងប្រទេសមីយ៉ាន់ម៉ា ដែលមានក្រុមម្ចាស់ផ្ទះមីយ៉ាន់ម៉ា ម៉ាឡេស៊ី និងវៀតណាម នៅរង់ចាំ៕
Tag:
បាល់ទាត់
ក្រុមជម្រើសជាតិ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
