កីឡាជាតិ
ជាតិ
យ៉ានតាមដងផ្លូវ
កីឡាករ វ៉ាន វ៉ុន រំពឹងទទួលបានមេដាយនៅលើកក្រោយបន្ទាប់ពីអាចបំបែកកំណត់ត្រាខ្លួននៅ Rio
×![]()
ដោយ: នាយយ៉ាន
កីឡាករប៉ារ៉ាឡាំពិក វ៉ាន វ៉ុន ក្រោយពីអាចបំបែកកំណត់ត្រាចាស់តាមរយៈការប្រើថេរវេលា១៥.៤៤វិនាទីលើវិញ្ញាប្រណាំងរទេះចម្ងាយ១០០ម៉ែត្រលើប្រភេទពិកា T54 ក្នុងព្រឹត្តិការណ៍កីឡាប៉ារ៉ាឡាំពិក នៅទីក្រុង Rio ប្រទេសប្រេស៊ីល នាពេលកន្លងមក។ កីឡាកររូបនេះមានក្តីរំពឹងថា សម្រាប់ការចូលលើកទី២ ឬលើកទី៣នាពេលខាងមុខ ខ្លួននឹងអាចដណ្តើមបានមេដាយពីព្រឹត្តិការណ៍កីឡាប៉ារ៉ាឡាំពិកនេះ។
សូមស្ដាប់សំឡេង៖
កីឡាករប៉ារ៉ាឡាំពិក វ៉ាន វ៉ុន ក្រោយពីទទួលបានការដកស្រង់បទពិសោធន៍ និងបច្ចេកទេសល្អៗពីកីឡាករលំដាប់ពិភពលោកសម្រាប់ការចូលរួមលើកដំបូងក្នុងព្រឹត្តិការណ៍កីឡាប៉ារ៉ាឡាំពិក នៅទីក្រុង Rio ប្រទេសប្រេស៊ីល នាពេលកន្លងទៅថ្មីៗនេះ។ បានធ្វើឲ្យកីឡាករកម្ពុជារូបនេះមានទំនុកចិត្ត និងជឿជាក់យ៉ាងមុតមាំលើសមត្ថភាពរបស់ខ្លួន។ ហើយរូបគេរំពឹងថា នឹងអាចដណ្តើមបានមេដាយពីព្រឹត្តិការណ៍ប៉ារ៉ាឡាំពិកនេះសម្រាប់ការចូលរួមលើកទី២ ឬលើកទី៣នាពេលខាងមុខ។
ក្នុងបទសម្ភាសជាមួយអ្នកសារព័ត៌មាននៅអាកាសយានដ្ឋានអន្តរជាតិភ្នំពេញនាពេលកន្លងទៅថ្មីៗនេះ កីឡាករ វ៉ាន វ៉ុន បានបញ្ជាក់យ៉ាងដូច្នេះថា៖«ការចេញទៅប្រកួតនៅប្រេស៊ីលនេះខ្ញុំសប្បាយចិត្តណាស់ ព្រោះកម្រិតបច្ចេកទេសរបស់ខ្ញុំក៏ឡើងល្អ។ ម្យ៉ាងទៀតខ្ញុំទទួលបានចំណេះដឹងល្អពីមិត្តរួមអាជីពមកពីប្រទេសទូទាំងពិភពលោក។ អ៊ីចឹងក្រោយត្រឡប់មកពីចូលរួមព្រឹត្តិការណ៍នេះ ខ្ញុំនឹងខិតខំប្រឹងប្រែងហ្វឹកហាត់ឲ្យកាន់តែខ្លាំងជាងមុន។ នេះជាលើកទី១សម្រាប់ខ្ញុំ ដូច្នេះខ្ញុំសង្ឃឹមថា ការចូលរួមលើកទី២ និងលើកទី៣ខ្ញុំនឹងទទួលបានមេដាយ ព្រោះខ្ញុំមានបទពិសោធកាន់តែខ្លាំង»។
ទោះបីជាកីឡាករ វ៉ាន វ៉ុន មិនអាចដណ្តើមបានមេដាយពីព្រឹត្តិការណ៍កីឡាប៉ារ៉ាឡាំពិក នៅទីក្រុង Rio ប្រទេសប្រេស៊ីល សម្រាប់ការចូលរួមលើកដំបូងក៏ដោយ។ ប៉ុន្តែ លោក យី វាសនា អគ្គលេខាធិការនៃគណៈកម្មាធិការជាតិប៉ារ៉ាឡាំពិកកម្ពុជា និងជាប្រធានប្រតិភូ បានកោតសរសើរពីសមត្ថភាព និងបច្ចេកទេសរបស់កីឡាករ វ៉ាន វ៉ុន ដែលបានបង្ហាញពីភាពអស្ចារ្យតាមរយៈការបំបែកកំណត់ត្រាផ្ទាល់ខ្លួនក្នុងព្រឹត្តិការណ៍លំដាប់ពិភពលោកមួយនេះ។
លោកអគ្គលេខាធិការនៃគណៈកម្មាធិការជាតិប៉ារ៉ាឡាំពិកកម្ពុជារូបនេះបានរៀបរាប់ដូច្នេះថា៖«សម្រាប់ការប្រកួតកីឡាប៉ារ៉ាឡាំពិកនៅ Rio លោក វ៉ាន វ៉ុន ស្ថិតក្នុងល្បឿនមួយដែលខ្ញុំសុំកោតសរសើរ បើតាមកំណត់ត្រាចាស់នាការប្រកួតខ្នាតអាស៊ី និងអាស៊ានកាលពីលើកមុនៗ គឺលោក វ៉ាន វ៉ុន ប្រើថេរវេលាជាង១៧វិនាទី។ ប៉ុន្តែនៅពេលនេះ លោក វ៉ាន វ៉ុន ប្រើថេរវេលា១៥.៤៤វិនាទី»។
លោកបានបន្ថែមថា ៖«ដូច្នេះទោះបី លោក វ៉ាន វ៉ុន មិនអាចទទួលបានចំណាត់ថ្នាក់លេខ១ ឬលេខ២ និងនិទ្ទេសល្អ ដើម្បីឡើងទៅកាន់វគ្គបន្តផ្តាច់ព្រ័ត្រក៏ដោយ ប៉ុន្តែ លោក វ៉ាន វ៉ុន អាចបំបែកឯកត្តកម្មលើរបាយការណ៍ចាស់របស់ខ្លួនលើប្រភេទវិញ្ញាសា១០០ម៉ែត្រនេះ»។
គួរបញ្ជាក់ថា កីឡាការប៉ារ៉ាឡាំពិក វ៉ាន វ៉ុន បានបញ្ចប់ត្រឹមចំណាត់ថា្នក់៦ក្នុង Heat 3 ដែលមានប្រទេសចំនួន៧ចូលរួម ពោលគឺឈរលើកីឡាករ MWENGANI MABONZE Jhon មកពីប្រទេស DR Congo បន្ទាប់ពីរូបគេបានប្រើថេរវេលា១៥:៤៤វិនាទីលើវិញ្ញាសា១០០ម៉ែត្រ/T54។ ប៉ុន្តែលទ្ធផលជារួមក្នុងចំណោមអត្តពលិក២១នាក់ វ៉ាន់ វ៉ុន ឈរចំណាត់លេខ១៥ ក្នុងព្រឹត្តិការណ៍ប៉ារ៉ាឡាំពិកនៅទីក្រុង Rio ប្រទេសប្រេស៊ីល។
ការបញ្ចប់ត្រឹមថេរវេលា១៥:៤៤វិនាទីនេះ ធ្វើឲ្យកីឡាករ វ៉ាន វ៉ុន មិនអាចបន្តការប្រកួតរបស់ខ្លួននៅវគ្គបញ្ចប់នោះឡើយ។ ប៉ុន្តែលទ្ធផលនេះជួយឲ្យរូបគេឈរលើប្រទេសចំនួន៦ រួមមាន សហរដ្ឋអាមេរិក, បួគីណាហ្វាសូ, អ៊ុយរូហ្គាយ, ហ្គាបុង, ហ្គំប៊ី និងប្រទេស DR Congo៕
សូមស្ដាប់សំឡេង៖
កីឡាករប៉ារ៉ាឡាំពិក វ៉ាន វ៉ុន ក្រោយពីទទួលបានការដកស្រង់បទពិសោធន៍ និងបច្ចេកទេសល្អៗពីកីឡាករលំដាប់ពិភពលោកសម្រាប់ការចូលរួមលើកដំបូងក្នុងព្រឹត្តិការណ៍កីឡាប៉ារ៉ាឡាំពិក នៅទីក្រុង Rio ប្រទេសប្រេស៊ីល នាពេលកន្លងទៅថ្មីៗនេះ។ បានធ្វើឲ្យកីឡាករកម្ពុជារូបនេះមានទំនុកចិត្ត និងជឿជាក់យ៉ាងមុតមាំលើសមត្ថភាពរបស់ខ្លួន។ ហើយរូបគេរំពឹងថា នឹងអាចដណ្តើមបានមេដាយពីព្រឹត្តិការណ៍ប៉ារ៉ាឡាំពិកនេះសម្រាប់ការចូលរួមលើកទី២ ឬលើកទី៣នាពេលខាងមុខ។
ក្នុងបទសម្ភាសជាមួយអ្នកសារព័ត៌មាននៅអាកាសយានដ្ឋានអន្តរជាតិភ្នំពេញនាពេលកន្លងទៅថ្មីៗនេះ កីឡាករ វ៉ាន វ៉ុន បានបញ្ជាក់យ៉ាងដូច្នេះថា៖«ការចេញទៅប្រកួតនៅប្រេស៊ីលនេះខ្ញុំសប្បាយចិត្តណាស់ ព្រោះកម្រិតបច្ចេកទេសរបស់ខ្ញុំក៏ឡើងល្អ។ ម្យ៉ាងទៀតខ្ញុំទទួលបានចំណេះដឹងល្អពីមិត្តរួមអាជីពមកពីប្រទេសទូទាំងពិភពលោក។ អ៊ីចឹងក្រោយត្រឡប់មកពីចូលរួមព្រឹត្តិការណ៍នេះ ខ្ញុំនឹងខិតខំប្រឹងប្រែងហ្វឹកហាត់ឲ្យកាន់តែខ្លាំងជាងមុន។ នេះជាលើកទី១សម្រាប់ខ្ញុំ ដូច្នេះខ្ញុំសង្ឃឹមថា ការចូលរួមលើកទី២ និងលើកទី៣ខ្ញុំនឹងទទួលបានមេដាយ ព្រោះខ្ញុំមានបទពិសោធកាន់តែខ្លាំង»។
ទោះបីជាកីឡាករ វ៉ាន វ៉ុន មិនអាចដណ្តើមបានមេដាយពីព្រឹត្តិការណ៍កីឡាប៉ារ៉ាឡាំពិក នៅទីក្រុង Rio ប្រទេសប្រេស៊ីល សម្រាប់ការចូលរួមលើកដំបូងក៏ដោយ។ ប៉ុន្តែ លោក យី វាសនា អគ្គលេខាធិការនៃគណៈកម្មាធិការជាតិប៉ារ៉ាឡាំពិកកម្ពុជា និងជាប្រធានប្រតិភូ បានកោតសរសើរពីសមត្ថភាព និងបច្ចេកទេសរបស់កីឡាករ វ៉ាន វ៉ុន ដែលបានបង្ហាញពីភាពអស្ចារ្យតាមរយៈការបំបែកកំណត់ត្រាផ្ទាល់ខ្លួនក្នុងព្រឹត្តិការណ៍លំដាប់ពិភពលោកមួយនេះ។
លោកអគ្គលេខាធិការនៃគណៈកម្មាធិការជាតិប៉ារ៉ាឡាំពិកកម្ពុជារូបនេះបានរៀបរាប់ដូច្នេះថា៖«សម្រាប់ការប្រកួតកីឡាប៉ារ៉ាឡាំពិកនៅ Rio លោក វ៉ាន វ៉ុន ស្ថិតក្នុងល្បឿនមួយដែលខ្ញុំសុំកោតសរសើរ បើតាមកំណត់ត្រាចាស់នាការប្រកួតខ្នាតអាស៊ី និងអាស៊ានកាលពីលើកមុនៗ គឺលោក វ៉ាន វ៉ុន ប្រើថេរវេលាជាង១៧វិនាទី។ ប៉ុន្តែនៅពេលនេះ លោក វ៉ាន វ៉ុន ប្រើថេរវេលា១៥.៤៤វិនាទី»។
លោកបានបន្ថែមថា ៖«ដូច្នេះទោះបី លោក វ៉ាន វ៉ុន មិនអាចទទួលបានចំណាត់ថ្នាក់លេខ១ ឬលេខ២ និងនិទ្ទេសល្អ ដើម្បីឡើងទៅកាន់វគ្គបន្តផ្តាច់ព្រ័ត្រក៏ដោយ ប៉ុន្តែ លោក វ៉ាន វ៉ុន អាចបំបែកឯកត្តកម្មលើរបាយការណ៍ចាស់របស់ខ្លួនលើប្រភេទវិញ្ញាសា១០០ម៉ែត្រនេះ»។
គួរបញ្ជាក់ថា កីឡាការប៉ារ៉ាឡាំពិក វ៉ាន វ៉ុន បានបញ្ចប់ត្រឹមចំណាត់ថា្នក់៦ក្នុង Heat 3 ដែលមានប្រទេសចំនួន៧ចូលរួម ពោលគឺឈរលើកីឡាករ MWENGANI MABONZE Jhon មកពីប្រទេស DR Congo បន្ទាប់ពីរូបគេបានប្រើថេរវេលា១៥:៤៤វិនាទីលើវិញ្ញាសា១០០ម៉ែត្រ/T54។ ប៉ុន្តែលទ្ធផលជារួមក្នុងចំណោមអត្តពលិក២១នាក់ វ៉ាន់ វ៉ុន ឈរចំណាត់លេខ១៥ ក្នុងព្រឹត្តិការណ៍ប៉ារ៉ាឡាំពិកនៅទីក្រុង Rio ប្រទេសប្រេស៊ីល។
ការបញ្ចប់ត្រឹមថេរវេលា១៥:៤៤វិនាទីនេះ ធ្វើឲ្យកីឡាករ វ៉ាន វ៉ុន មិនអាចបន្តការប្រកួតរបស់ខ្លួននៅវគ្គបញ្ចប់នោះឡើយ។ ប៉ុន្តែលទ្ធផលនេះជួយឲ្យរូបគេឈរលើប្រទេសចំនួន៦ រួមមាន សហរដ្ឋអាមេរិក, បួគីណាហ្វាសូ, អ៊ុយរូហ្គាយ, ហ្គាបុង, ហ្គំប៊ី និងប្រទេស DR Congo៕
Tag:
វ៉ាន វ៉ុន
Rio Paralympic 2016
© រក្សាសិទ្ធិដោយ thmeythmey.com
