ជាតិ
សេដ្ឋកិច្ច
មូលនិធិ IMF និងធនាគារពិភពលោកបានឲ្យដឹងថា ការប្រឆាំងនឹងការធ្វើពាណិជ្ជកម្មគំរាមកំហែងដល់ការលូតលាស់នៃសេដ្ឋកិច្ច
×![]()
ដោយ: ថ្មីៗ
ផលចំណេញពីការធ្វើពាណិជ្ជកម្មចាំបាច់ត្រូវតែចែកចាយឲ្យបានទូលំទូលាយ បើមិនដូច្នោះទេ ការកើនឡើងនៃការការពារសេដ្ឋកិច្ចក្នុងស្រុក និងធ្វើឲ្យខូតខាតដល់សេដ្ឋកិច្ចពិភពលោក នេះបើតាមសម្តីរបស់ប្រធានមូលនិធិរូបិយប័ណ្ណអន្តរជាតិ IMF និងធនាគារពិភពលោក។
នាយិការអង្គការ IMF លោកស្រី Christine Lagarde ថ្លែងថាការធ្វើពាណិជ្ជកម្ម នាំមកនូវផលចំណេញយ៉ាងច្រើន ដែលបានសង្គ្រោះមនុស្សរាប់លាននាក់ចេញពីភាពទីទាល់ក្រ ប៉ុន្តែលោកស្រីថ្លែងប្រាប់អ្នកកាសែតនៅរដ្ឋធានីវ៉ាស៊ីនតោន កាលពីថ្ងៃព្រហស្សតិ៍ថា មានមនុស្សជាច្រើនដែលមានអារម្មណ៏ថា ពួកគេត្រូវគេបោះបង់ចោល នៅចំពេលដែលមានសេដ្ឋកិច្ចពិភពលោក មានភាពទន់ខ្សោយ។ លោកស្រីអំពាវនាវឲ្យមានចំណាត់ការលើគោលនយោបាយដែលជួយដល់មនុស្សគ្រប់រូប។
ប្រធានធនាគារពិភពលោក លោក Jim Yong Kim ថ្លែងថា មានវិសមភាពច្រើនពេក ដែលរារាំងដល់ការលូតលាស់ ហើយជំរុញឲ្យមានអស្ថិរភាព។
អត្ថាធិប្បាយទាំងនេះធ្វើឡើងខណៈដែលក្រុមមន្ត្រីសេដ្ឋកិច្ចជាន់ខ្ពស់ថ្នាក់ជាតិ ពីជុំវិញពិភពលោក ប្រជុំគ្នាក្នុងរដ្ឋធានីវ៉ាស៊ីនតោន ស្វែងរកវិធីដើម្បីបង្កើនការលូតលាស់សេដ្ឋកិច្ច ទប់ទល់នឹងឱនភាព ព្រមទាំងលើកទឹកចិត្តដល់ការធ្វើពាណិជ្ជកម្ម៕
ដោយ VOA News
ដោយ VOA News
© រក្សាសិទ្ធិដោយ thmeythmey.com
