ជាតិ
សម្តេចឪ តែងបទ «ស្រណោះប្រទេសចិន» ដើម្បីស្ញប់ស្ញែងមហាមិត្ត
× ក្នុងចំណោមបទចម្រៀងជាច្រើន ដែលជាព្រះរាជនិពន្ធរបស់ព្រះបរមរតនកោដ្ឋ នរោត្តម សីហនុ ព្រះអង្គក៏បាននិពន្ធបទ«ស្រណោះប្រទេសចិន»ដែរ។ បទនេះត្រូវបាននិពន្ធក្នុងអំឡុងដើមទស្សវត្សរ៍១៩៧០។ នេះបើតាមការបញ្ជាក់របស់លោក ជា ច័ន្ទបរិបូរណ៍ ដែលជាអតីតសមាជិកក្រុមតន្ត្រីរបស់ព្រះបរមរតនកោដ្ឋ។
លោក ជា ច័ន្ទបរិបូរណ៍ បានរំឮកប្រាប់សារព័ត៌មានថ្មីៗយ៉ាងដូច្នេះ៖«ព្រះអង្គបានប្រាប់ខ្ញុំក្នុងអំឡុងឆ្នាំ២០០៤ នៅរាជដំណាក់ប៉េកាំង ថាព្រះអង្គតែងបទនេះឡើង ដើម្បីអរគុណ និងស្ញប់ស្ញែងមហាមិត្តចិន។ ហេតុដូច្នេះហើយទើបលោកសរសេរថា ចម្រៀងមិត្តភាព-ភាតរភាព»។
សូមលោកអ្នកស្តាប់ និងទស្សនាបទចម្រៀង ស្រណោះប្រទេសចិន ខាងក្រោមនេះ
សូមស្តាប់ភ្លេងសុទ្ធ
សូមស្តាប់សំនៀងដែលច្រៀងបែបអូប៉េរ៉ា
សូមស្តាប់ព្រះរាជសូរ្យសៀងផ្ទាល់របស់សម្តេចឪ
ស្រណោះប្រទេសចិន
ឱ! ប្រទេសចិនជាទីស្នេហ៍
ហ្ឬទ័យខ្ញុំពុំប្រែ
រមែងតែនឹករឭកអ្នក
ឱប្រិយមិត្រខ្ញុំអឺយ
ទុក្ខកង្វល់ខ្មែរបានស្បើយ
ព្រោះតែអ្នកមិនព្រងើយ
មិនកន្តើយចំពោះយើង
អ្នកជាមហាអំណាច
ដែលអាចឆ្មើងដ៏ឧត្ដម
ប៉ុន្តែអ្នកចេះគួរសម
មិនរើសអើងធំឬតូចយ៉ាងណា
អ្នក... ចេះការពារសមភាព
ឯករាជ្យសេរីភាព
សន្តិភាពមនុស្សលោក
ឱចិនប្រជាមានិត
ជាមិត្រនិរន្តរ៍នៃខ្មែរ...៕
© រក្សាសិទ្ធិដោយ thmeythmey.com