ជាតិ
សង្គមជាតិ
អគ្គនាយកដ្ឋានលំនៅឋាន និងHFHC ចុះMOU ជំរុញការទទួលបានលំនៅឋាន និងកាន់កាប់ដោយសុវត្ថិភាព
រូបភាពពីហ្វេសប៊ុកក្រសួងរៀបចំដែនដី នគរូបនីយកម្ម និងសំណង់
×![]()
ភ្នំពេញ៖ អគ្គនាយកដ្ឋានលំនៅឋាន និងអង្គការលំនៅឋានមនុស្សជាតិកម្ពុជា បានចុះហត្ថលេខាលើអនុស្សរណៈនៃការយោគយល់ ដើម្បីគាំទ្រការអនុវត្តគោលនយោបាយជាតិ ស្ដីពីលំនៅឋាន ក្នុងការជំរុញការទទួលបានលំនៅឋាន និងការកាន់កាប់ប្រកបដោយសុវត្ថិភាព។ ពិធីចុះហត្ថលេខានេះ បានធ្វើឡើង នៅថ្ងៃទី១៩ ខែតុលា នាទីស្ដីការក្រសួងរៀបចំដែនដី នគរូបនីយកម្ម និងសំណង់។
អគ្គនាយកដ្ឋានលំនៅឋាន និងអង្គការលំនៅឋានមនុស្សជាតិកម្ពុជា (HFHC) បានចុះហត្ថលេខាលើអនុស្សរណៈ នៃការយោគយល់ គាំទ្រដល់ការអនុវត្តគោលនយោបាយជាតិ ស្តីពីលំនៅដ្ឋាននៅកម្ពុជា។ ពិធីនេះប្រារព្ធឡើងក្រោមការចូលរួមពី លោក ឆាន់ សាផាន រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និង លោកស្រី ប៊ឺណាដេត បូឡូ ឌ្យូធី នាយកប្រចាំប្រទេស នៃអង្គការ HFHC ។
បើតាមសេចក្តី ប្រកាសព័ត៌មានរបស់ HFHC ចេញផ្សាយនៅថ្ងៃទី១៩ តុលា អនុស្សរណៈ នៃការយោគយល់នេះ គឺដើម្បីជំរុញកម្មវិធីនានាដែលនឹងបង្កើនការមានលំនៅឋាន និងការកាន់កាប់ប្រកបដោយសុវត្ថិភាព។
លោក ឆាន់ សាផាន បានលើកឡើងថា ការចុះMOUនេះ គឺជាឱកាសថ្មីមួយទៀត ក្នុងការចូលរួមចំណែកអនុវត្តគោលនយោបាយជាតិ ស្ដីពីលំនៅឋាន និងសារាចរលេខ០៣ ស្ដីពីការដោះស្រាយសំណង់បណ្ដោះអាសន្នលើដីរដ្ឋ ដែលត្រូវបានទន្ទ្រានកាន់កាប់ដោយខុសច្បាប់តាមរាជធានី ខេត្ត ឲ្យកាន់តែមានប្រសិទ្ធភាព។ លោក ឆាន់ សាផាន រំពឹងថា អង្គការលំនៅឋានមនុស្សជាតិ នឹងអនុវត្តបានខ្ជាប់ខ្ជួន តាមស្មារតីនៃអនុស្សរណៈយោគយល់ដែលបានចែង»។
រយៈពេលប៉ុន្មានឆ្នាំចុងក្រោយនេះ កំណើនប្រជាជនខ្ពស់ និងកំណើនអត្រាចំណាកស្រុកទៅកាន់ទីក្រុង បានធ្វើឲ្យតម្រូវការលំនៅឋាននៅកម្ពុជា កាន់តែខ្ពស់ដែលវាធ្វើឲ្យប៉ះពាល់ខ្លាំង ដល់គ្រួសារដែលមានប្រាក់ចំណូលទាប និងមធ្យម។ នេះជាការសង្កេតរបស់ អង្គការលំនៅឋានមនុស្សជាតិកម្ពុជា ដែលលោកស្រី ប៊ឺរណាដេត បូឡូ ឌ្យូធី បានលើកឡើងនៅក្នុងសេចក្តីប្រកាសព័ត៌មានដដែល។
អនុស្សរណៈនៃការយោគយល់នេះ ជាផ្នែកមួយនៃគម្រោងគាំទ្រការអនុវត្ត និងការបំពេញតាមគោលនយោបាយជាតិ ស្តីពីលំនៅឋាន ដើម្បីជំរុញការមានលំនៅឋាន និងការកាន់កាប់ប្រកបដោយសុវត្ថិភាព SIANHPAAHST) ស្ថិតក្រោមកម្មវិធីពិភពលោករបស់អង្គការ HFHC ឈ្មោះថា Solid Ground សំដៅកែលម្អលទ្ធភាព មានដីធ្លីសម្រាប់ធ្វើទីជម្រក៕
អគ្គនាយកដ្ឋានលំនៅឋាន និងអង្គការលំនៅឋានមនុស្សជាតិកម្ពុជា (HFHC) បានចុះហត្ថលេខាលើអនុស្សរណៈ នៃការយោគយល់ គាំទ្រដល់ការអនុវត្តគោលនយោបាយជាតិ ស្តីពីលំនៅដ្ឋាននៅកម្ពុជា។ ពិធីនេះប្រារព្ធឡើងក្រោមការចូលរួមពី លោក ឆាន់ សាផាន រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និង លោកស្រី ប៊ឺណាដេត បូឡូ ឌ្យូធី នាយកប្រចាំប្រទេស នៃអង្គការ HFHC ។
បើតាមសេចក្តី ប្រកាសព័ត៌មានរបស់ HFHC ចេញផ្សាយនៅថ្ងៃទី១៩ តុលា អនុស្សរណៈ នៃការយោគយល់នេះ គឺដើម្បីជំរុញកម្មវិធីនានាដែលនឹងបង្កើនការមានលំនៅឋាន និងការកាន់កាប់ប្រកបដោយសុវត្ថិភាព។
លោក ឆាន់ សាផាន បានលើកឡើងថា ការចុះMOUនេះ គឺជាឱកាសថ្មីមួយទៀត ក្នុងការចូលរួមចំណែកអនុវត្តគោលនយោបាយជាតិ ស្ដីពីលំនៅឋាន និងសារាចរលេខ០៣ ស្ដីពីការដោះស្រាយសំណង់បណ្ដោះអាសន្នលើដីរដ្ឋ ដែលត្រូវបានទន្ទ្រានកាន់កាប់ដោយខុសច្បាប់តាមរាជធានី ខេត្ត ឲ្យកាន់តែមានប្រសិទ្ធភាព។ លោក ឆាន់ សាផាន រំពឹងថា អង្គការលំនៅឋានមនុស្សជាតិ នឹងអនុវត្តបានខ្ជាប់ខ្ជួន តាមស្មារតីនៃអនុស្សរណៈយោគយល់ដែលបានចែង»។
រយៈពេលប៉ុន្មានឆ្នាំចុងក្រោយនេះ កំណើនប្រជាជនខ្ពស់ និងកំណើនអត្រាចំណាកស្រុកទៅកាន់ទីក្រុង បានធ្វើឲ្យតម្រូវការលំនៅឋាននៅកម្ពុជា កាន់តែខ្ពស់ដែលវាធ្វើឲ្យប៉ះពាល់ខ្លាំង ដល់គ្រួសារដែលមានប្រាក់ចំណូលទាប និងមធ្យម។ នេះជាការសង្កេតរបស់ អង្គការលំនៅឋានមនុស្សជាតិកម្ពុជា ដែលលោកស្រី ប៊ឺរណាដេត បូឡូ ឌ្យូធី បានលើកឡើងនៅក្នុងសេចក្តីប្រកាសព័ត៌មានដដែល។
អនុស្សរណៈនៃការយោគយល់នេះ ជាផ្នែកមួយនៃគម្រោងគាំទ្រការអនុវត្ត និងការបំពេញតាមគោលនយោបាយជាតិ ស្តីពីលំនៅឋាន ដើម្បីជំរុញការមានលំនៅឋាន និងការកាន់កាប់ប្រកបដោយសុវត្ថិភាព SIANHPAAHST) ស្ថិតក្រោមកម្មវិធីពិភពលោករបស់អង្គការ HFHC ឈ្មោះថា Solid Ground សំដៅកែលម្អលទ្ធភាព មានដីធ្លីសម្រាប់ធ្វើទីជម្រក៕
Tag:
លំនៅឋាន
MOU
HFHC
© រក្សាសិទ្ធិដោយ thmeythmey.com
