ជាតិ
នយោបាយជាតិ
ឯកឧត្តម សម រង្ស៊ី ថា «ខ្ញុំអត់ខ្លាចទេ» តែលោក សុខ ឥសាន ចំអកវិញថា បើក្លាហានចូលស្រុកមក
×![]()
ដោយ: ម៉ៅ សុផា
ភ្នំពេញ៖ ឯកឧត្តម សម រង្ស៊ី បានប្រកាសថា លោកហ៊ានជាប់ពន្ធនាគារ និងបូជាជីវិត ដើម្បីជាថ្នូរដោះលែងអ្នកនយោបាយ មន្ត្រីនិងសកម្មជនគណបក្សសង្គ្រោះជាតិ រួមទាំងមន្ត្រីសង្គមស៊ីវិល ដែលកំពុងឃុំខ្លួនក្នុងពន្ធនាគារ។ ការលើកឡើងរបស់ឯកឧត្តម សម រង្ស៊ី ត្រូវបានអ្នកនាំពាក្យរបស់គណបក្សប្រជាជនកម្ពុជា សើចចំអកមេបក្សប្រឆាំងរូបនេះថា និយាយឲ្យតែរួចពីមាត់។
«ខ្ញុំនឹងវិលត្រឡប់មកកម្ពុជា ក្នុងពេលឆាប់ៗខាងមុខ។ ចង់ចាប់ដាក់គុកក៏បាន ចង់យកទៅសម្លាប់ក៏បាន ប៉ុន្តែសូមឲ្យដោះលែងអ្នកស្នេហាជាតិ»។ នេះជាការប្រកាសរបស់ប្រធានគណបក្សសង្គ្រោះជាតិឯកឧត្តម សម រង្ស៊ី ដែលអះអាងថា បើមន្ត្រីបក្សប្រឆាំង រួមទាំងមន្ត្រីសង្គមស៊ីវិល ត្រូវបានដោះលែងពីពន្ធនាគារ ពេលនោះរូបលោកនឹងវិលមកកម្ពុជា ដោយឥតស្ទាក់ស្ទើរឡើយ។
តាមរយៈ Video Conference ជាង៣នាទី ដែលបានបង្ហោះនៅលើហ្វេសប៊ុកខ្លួននោះ ប្រធានគណបក្សសង្គ្រោះជាតិ ដែលកំពុងគេចខ្លួននៅក្រៅប្រទេសរូបនេះ បានបញ្ជាក់ដូច្នេះថា៖«ខ្ញុំ សម រង្ស៊ី អត់ខ្លាចអ្វីទេ ហ៊ានបូជាជីវិតសម្រាប់ប្រទេសជាតិ។ ខ្ញុំ ត្រូវតែជួយប្រជារាស្ត្រ ដែលរងទុក្ខវេទនា។ ខ្ញុំ សុខចិត្តជាប់គុកជំនួស ឲ្យតែដោះលែងអ្នកទាំងអស់នោះ»។
តែយ៉ាងណាឯកឧត្តម សម រង្ស៊ី បានបន្ថែមថា ប្រសិនបើអ្នកដែលកំពុងជាប់ពន្ធនាគារ មិនទាន់ត្រូវបានដោះលែងនោះ លោកក៏មិនអាចចូលខ្លួនក្នុងពន្ធនាគារបានដែរ ព្រោះវានាំឲ្យការតស៊ូរបស់លោកបរាជ័យ។
លោក សុខ ឥសាន អ្នកនាំពាក្យរបស់គណបក្សប្រជាជនកម្ពុជា ប្រតិកម្មតបថា ការលើកឡើងរបស់ឯកឧត្តម រង្ស៊ី គឺដើម្បីបោកប្រាស់ប្រជាជននិងអ្នកគាំទ្ររបស់ខ្លូន។ លោក សុខ ឥសាន បន្ថែមថា ឯកឧត្តម សម រង្ស៊ី ដឹងយ៉ាងច្បាស់ថា អ្វីដែលខ្លួនស្នើឡើង គឺមិនអាចទៅរួចនោះទេ។ បើតាមអ្នកនាំពាក្យបក្សកាន់អំណាចរូបនេះ ឯកត្តម សម រង្ស៊ី គ្រាន់តែនិយាយឲ្យល្អស្តាប់ និងចង់បង្ហាញថាខ្លួនក្លាហាន ដើម្បីកុំឲ្យអ្នកគាំទ្របាក់ទឹកចិត្តតែប៉ុណ្ណោះ។ លោក សុខ ឥសាន លើកជាសំនួរដូច្នេះថា៖«សួរថាតើលើពិភពលោកនេះ ប្រទេសណា ដែលអនុញ្ញាតឲ្យមានអ្នកផ្សេងជាប់គុកជំនួសអ្នកទោសនោះ?។ អ្នកណាប្រព្រឹត្ត គឺអ្នកនោះទទួល»។
អ្នកនាំពាក្យរូបនេះ សុខ ឥសាន បានថ្លែងបែបចំអកវិញថា ប្រសិនបើឯកឧត្តម សម រង្ស៊ី ក្លាហានមែននោះ គួរតែវិលមកកម្ពុជា ដើម្បីទទួលទោសរបស់ខ្លួន ដែលតុលាការបានសម្រេចកាលពីពេលថ្មីៗនេះ ហើយមិនចាំបាច់ជាប់ពន្ធនាគារ ជំនួសអ្នកទៃទេ។
សូមបញ្ជាក់ថា ឯកឧត្តម សម រង្ស៊ី ត្រូវបានតុលាការ កាត់ទោសរួចទៅហើយ ដោយឲ្យអ្នកនយោបាយចាស់វស្សារូបនេះ ជាប់ពន្ធនាគាររយៈពេល២ឆ្នាំ ពីបទ «បរិហារកេរ្តិ៍ជាសាធារណៈ» ដែលប្តឹងដោយលោក ហោ ណាំហុង អតីតរដ្ឋមន្ត្រីនៃក្រសួងការបរទេស។ ក្រៅពីបទល្មើសខាងលើ ឯកឧត្តម សម រង្ស៊ី នៅមានបទល្មើសមួយចំនួនទៀត ដែលតុលាការកំពុងតែចាត់ការ៕
«ខ្ញុំនឹងវិលត្រឡប់មកកម្ពុជា ក្នុងពេលឆាប់ៗខាងមុខ។ ចង់ចាប់ដាក់គុកក៏បាន ចង់យកទៅសម្លាប់ក៏បាន ប៉ុន្តែសូមឲ្យដោះលែងអ្នកស្នេហាជាតិ»។ នេះជាការប្រកាសរបស់ប្រធានគណបក្សសង្គ្រោះជាតិឯកឧត្តម សម រង្ស៊ី ដែលអះអាងថា បើមន្ត្រីបក្សប្រឆាំង រួមទាំងមន្ត្រីសង្គមស៊ីវិល ត្រូវបានដោះលែងពីពន្ធនាគារ ពេលនោះរូបលោកនឹងវិលមកកម្ពុជា ដោយឥតស្ទាក់ស្ទើរឡើយ។
តាមរយៈ Video Conference ជាង៣នាទី ដែលបានបង្ហោះនៅលើហ្វេសប៊ុកខ្លួននោះ ប្រធានគណបក្សសង្គ្រោះជាតិ ដែលកំពុងគេចខ្លួននៅក្រៅប្រទេសរូបនេះ បានបញ្ជាក់ដូច្នេះថា៖«ខ្ញុំ សម រង្ស៊ី អត់ខ្លាចអ្វីទេ ហ៊ានបូជាជីវិតសម្រាប់ប្រទេសជាតិ។ ខ្ញុំ ត្រូវតែជួយប្រជារាស្ត្រ ដែលរងទុក្ខវេទនា។ ខ្ញុំ សុខចិត្តជាប់គុកជំនួស ឲ្យតែដោះលែងអ្នកទាំងអស់នោះ»។
តែយ៉ាងណាឯកឧត្តម សម រង្ស៊ី បានបន្ថែមថា ប្រសិនបើអ្នកដែលកំពុងជាប់ពន្ធនាគារ មិនទាន់ត្រូវបានដោះលែងនោះ លោកក៏មិនអាចចូលខ្លួនក្នុងពន្ធនាគារបានដែរ ព្រោះវានាំឲ្យការតស៊ូរបស់លោកបរាជ័យ។
លោក សុខ ឥសាន អ្នកនាំពាក្យរបស់គណបក្សប្រជាជនកម្ពុជា ប្រតិកម្មតបថា ការលើកឡើងរបស់ឯកឧត្តម រង្ស៊ី គឺដើម្បីបោកប្រាស់ប្រជាជននិងអ្នកគាំទ្ររបស់ខ្លូន។ លោក សុខ ឥសាន បន្ថែមថា ឯកឧត្តម សម រង្ស៊ី ដឹងយ៉ាងច្បាស់ថា អ្វីដែលខ្លួនស្នើឡើង គឺមិនអាចទៅរួចនោះទេ។ បើតាមអ្នកនាំពាក្យបក្សកាន់អំណាចរូបនេះ ឯកត្តម សម រង្ស៊ី គ្រាន់តែនិយាយឲ្យល្អស្តាប់ និងចង់បង្ហាញថាខ្លួនក្លាហាន ដើម្បីកុំឲ្យអ្នកគាំទ្របាក់ទឹកចិត្តតែប៉ុណ្ណោះ។ លោក សុខ ឥសាន លើកជាសំនួរដូច្នេះថា៖«សួរថាតើលើពិភពលោកនេះ ប្រទេសណា ដែលអនុញ្ញាតឲ្យមានអ្នកផ្សេងជាប់គុកជំនួសអ្នកទោសនោះ?។ អ្នកណាប្រព្រឹត្ត គឺអ្នកនោះទទួល»។
អ្នកនាំពាក្យរូបនេះ សុខ ឥសាន បានថ្លែងបែបចំអកវិញថា ប្រសិនបើឯកឧត្តម សម រង្ស៊ី ក្លាហានមែននោះ គួរតែវិលមកកម្ពុជា ដើម្បីទទួលទោសរបស់ខ្លួន ដែលតុលាការបានសម្រេចកាលពីពេលថ្មីៗនេះ ហើយមិនចាំបាច់ជាប់ពន្ធនាគារ ជំនួសអ្នកទៃទេ។
សូមបញ្ជាក់ថា ឯកឧត្តម សម រង្ស៊ី ត្រូវបានតុលាការ កាត់ទោសរួចទៅហើយ ដោយឲ្យអ្នកនយោបាយចាស់វស្សារូបនេះ ជាប់ពន្ធនាគាររយៈពេល២ឆ្នាំ ពីបទ «បរិហារកេរ្តិ៍ជាសាធារណៈ» ដែលប្តឹងដោយលោក ហោ ណាំហុង អតីតរដ្ឋមន្ត្រីនៃក្រសួងការបរទេស។ ក្រៅពីបទល្មើសខាងលើ ឯកឧត្តម សម រង្ស៊ី នៅមានបទល្មើសមួយចំនួនទៀត ដែលតុលាការកំពុងតែចាត់ការ៕
Tag:
សម រង្ស៊ី
សុខ ឥសាន
ពន្ធនាគារ
© រក្សាសិទ្ធិដោយ thmeythmey.com
