អន្តរជាតិ
×![]()
ដោយ: ធីតា
កុមារីរុស្ស៊ី Bella Devayatkina អាយុ៤ឆ្នាំ កំពុងមានឈ្មោះល្បីរន្ទឺយ៉ាងខ្លាំង បន្ទាប់ពីនាងបានចូលរួមក្នុងកម្មវិធីទូរទស្សន៍មួយ ដោយបង្ហាញសមត្ថភាពនិយាយបានរហូតដល់ទៅ៧ភាសាផ្សេងៗគ្នា ក្នុងនោះមានរុស្ស៊ីដែលជាភាសាកំណើត រួមទាំង៦ភាសាទៀត គឺអង់គ្លេស បារាំង អាល្លឺម៉ង់ អេស្ប៉ាញ ចិន និងអារ៉ាប់។
ក្នុងកម្មវិធី «Udivitelniye Lyundi» (មនុស្សអស្ចារ្យ) របស់ស្ថានីយ៍ទូរទស្សន៍មួយ នៅទីក្រុងមូស្គូ កុមារី Bella Devayatkina បានបង្កការភ្ញាក់ផ្អើលយ៉ាងខ្លាំង។ នាងត្រូវបានតម្រូវឲ្យនិយាយភាសាផ្សេងៗគ្នា ដើម្បីទទួលបានកាដូមួយពីកម្មវិធី។
ក្រៅពីនិយាយភាសារុស្ស៊ីជាមួយពិធីករ នារយៈពេល៥នាទី Bella ត្រូវជួបនិយាយជាមួយអ្នកជំនាញភាសាជាបន្តបន្ទាប់ ក្នុងនោះមានអង់គ្លេស បារាំង អាល្លឺម៉ង់ អេស្ប៉ាញ ចិន និងអារ៉ាប់។ Bella បាននិយាយភាសាទាំងនោះដោយគ្មានការរអាក់រអួល។ បន្ថែមពីលើនេះ នាងបានបង្ហាញសមត្ថភាពអានភាសាអង់គ្លេស និងបារាំង ហើយច្រៀងភាសាអេស្ប៉ាញផងដែរ។
យោងតាម RT.com អ្នកស្រី Yulia ដែលជាម្តាយរបស់ Bella បានអះអាងថា ដំបូងឡើយ គាត់ និងស្វាមីបង្រៀនកូនតែភាសារុស្ស៊ី និងអង់គ្លេស ប៉ុណ្ណោះ នៅពេលដែលនាងអាយុបាន២ឆ្នាំ ប៉ុន្តែបន្ទាប់មកពួកគាត់សង្កេតឃើញថា Bella មានជំនាញផ្នែកភាសាវិទ្យា ទើបសម្រេចចិត្តឲ្យនាងរៀនបន្ថែមភាសាផ្សេងទៀត៕
ទស្សនាវីដេអូ
Tag:
ភាសាវិទ្យា
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
