កីឡាជាតិលើកទី១៖ កម្រងរូបភាពសម្តែងសាកល្បងត្រៀមមុនថ្ងៃបើកការប្រកួតផ្លូវការ

កីឡាជាតិ

ជាតិ

កីឡាជាតិលើកទី១៖ កម្រងរូបភាពសម្តែងសាកល្បងត្រៀមមុនថ្ងៃបើកការប្រកួតផ្លូវការ

27, Oct 2016 , 7:39 pm

រូបភាព

ដោយ:

ដើម្បីត្រៀមបើកការប្រកួតកីឡាជាតិលើកទី១ជាប្រវត្តិសាស្ត្រក្រោមវត្តមានសម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ថ្នាក់ដឹកនាំកីឡាកម្ពុជាបានរៀបចំការសម្តែងសាកល្បង ដើម្បីត្រៀមមុនថ្ងៃបើកជាផ្លូវការនាថ្ងៃទី២៨ ខែតុលា នៅពហុកីឡដ្ឋានជាតិ។

តាមរយៈការសម្តែងសាកល្បងកាលពីថ្ងៃទី២៦ ខែតុលា ដែលថ្នាក់ដឹកនាំកីឡាកម្ពុជាបានកំណត់ជាថ្ងៃចុងក្រោយនៃការសម្តែងសាកល្បងសម្រាប់ត្រៀមបើកជាផ្លូវការការប្រកួតកីឡាជាតិលើកទី១។ ជាមួយគ្នានេះ លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានសង្កេតថា ការសម្តែងមានលក្ខណៈប្រសើរច្រើនជាងមុន ប៉ុន្តែក៏នៅមានចំណុចតិចតួចដែលខ្វះខាតផងដែរ។

លោកបន្តទៀតថា ដើម្បីឲ្យការបើកការប្រកួតផ្លូវការនៃការប្រកួតកីឡាជាតិលើកទី១ ដំណើរការបានល្អ និងរលូនក្រុមសម្តែងដែលនៅមានចំណុចខ្វះខាតត្រូវមកសម្តែងសាកល្បងបន្ថែមទៀតនៅថ្ងៃទី២៧ ខែតុលា ដើម្បីកែលម្អរាល់ចំណុចខ្វះខាតទាំងនោះ។

ទន្ទឹមនឹងនេះ លោក នៅតែបន្តអំពាវនាវដល់ប្រជាពលរដ្ឋ ក៏ដូចជាសិស្សានុសិស្សឲ្យចូលរួមទស្សនាថ្ងៃបើកការប្រកួតកីឡាជាតិលើកទី១ជាផ្លូវការនាថ្ងៃទី២៨ ខែតុលាឲ្យបានច្រើនកុះករដើម្បីលើកទឹកចិត្តកីឡាករកីឡាការិនី ក៏ដូចជាអបអរថ្ងៃបើកការប្រកួតមួយនេះ៕