ពីនេះ ពីនោះ
វល្លិមាស មានជ័រស្អិតអាចលាយជាមួយកំបោរធ្វើ«ដីលែង»ដើម្បីបិទប្រហោងទូក
× Cassytha filiformis l
វល្លិមាស គឺជាឈ្មោះវល្លិស្អិតមួយប្រភេទ ដែលរស់ដោយសារគេ។ វល្លិមួយប្រភេទនេះ មានមែកតូចដូចខ្សែរអំបោះ វារពាត់ជុំវិញមែករុក្ខជាតិ ដែលអាចជាចុល្លព្រឹក្ស គុម្ពព្រឹក្ស ឬព្រឹក្ស។ វល្លិមាស ច្រើនមានដុះនៅគ្រប់ប្រទេសអាស៊ី និងអាស៊ីក្ដៅ។
នៅក្នុងការទាញជាប្រយោជន៍ រុក្ខជាតិនេះត្រូវបានគេយកមកធ្វើជាថ្នាំជ្រលក់សំពត់ អាវ ឲ្យមានពណ៌ក្រមៅ។ បន្ថែមពីនេះ វល្លិមាស មានជ័រស្អិត ដែលគេតែងលាយជាមួយកំបោរ សម្រាប់ធ្វើជា«ដីលែង» ដើម្បីបិទប្រហោងទូក។ នៅប្រទេសខ្មែរយើង វល្លិមាស ត្រូវបានគ្រូថ្នាំបុរាណ យកមកធ្វើជាឱសថព្យាបាលជំងឺសួត។
ចំពោះពាក្យ «ដីលែង» មានន័យថា ដីម៉ដ្ឋផង់ដូចម្សៅ ពណ៌ក្រហមក្រមៅ ស្រដៀងគ្រាក់ខ្នុរ សម្រាប់លាយជាថ្នាំលាយជញ្ជាំងផ្ទះជាដើម។ វត្ថុនេះ បព្វជិតអាចយកទៅលាយធ្វើជាទឹកអម្ចត់ជ្រលក់ចីវរបាន។
ដកស្រង់ពីសៀវភៅ៖ វចនានុក្រម ការប្រើប្រាស់រុក្ខជាតិក្នុងប្រទេសកម្ពុជា,រក្សាសិទ្ធិអ្នកគ្រូ ឌី ផុន
Tag:
រុក្ខជាតិនៅកម្ពុជា
© រក្សាសិទ្ធិដោយ thmeythmey.com