ពីនេះ ពីនោះ
សេកសោម ប្រភេទសេកមានតម្លៃថ្លៃជាងគេដោយវាចេះនិយាយភាសាមនុស្ស
× សេកសោម គឺជាឈ្មោះសេកមួយប្រភេទ ដែលបក្សីឈ្មោល មានខ្លួនពណ៌បៃតង ចំពុះធំពណ៌ក្រហម មានដៅពណ៌ក្រហមមួយដុំធំ លើស្លាបផ្នែកស្មាមានចំកំកខ្មៅ និងក្រហម។ ចំណែកបក្សីញី មានមាឌតូចជាងបក្សីឈ្មោល ហើយគ្មានចំកំកទេ។
បក្សីនេះ ច្រើនរស់នៅតាមព្រៃរបោះចម្រុះ និងដំណុះព្រៃក្មេង។ ចំណែកជីវសាស្ត្ររស់នៅវិញ ច្រើនធ្វើសម្បុកនៅក្នុងរន្ធឈើធំៗ និងមានការគំរាមកំហែងដោយ ការចាប់យកមកចិញ្ចឹមជាប្រភេទ ដែលមានតម្លៃថ្លៃជាងគេដោយវាចេះនិយាយភាសាមនុស្ស។ រីឯ របាយរស់នៅវិញ គឺមានពេញមួយឆ្នាំ មានគ្រប់ទីកន្លែង ពិសេសភូមិភាគខាងជើងនៃប្រទេស។ ចំណែកការបន្តពូជវិញ គឺចាប់ពីខែកុម្ភៈ ដល់ខែមេសា៕
ដកស្រង់ពីសៀវភៅ៖ សត្វស្លាបនៃប្រទេសកម្ពុជា, រៀបរៀងដោយលោកតាន់ សេដ្ឋា និង កូលីន ភូល
Tag:
បក្សីនៅប្រទេសកម្ពុជា
© រក្សាសិទ្ធិដោយ thmeythmey.com