ជាតិ
នយោបាយជាតិ
សពលោក ប៉ែន សុវណ្ណ ត្រូវបានបូជាក្រោមដំណក់ទឹកភ្លៀង
×
នៅព្រឹកនេះ សពអតីតនាយករដ្ឋមន្ត្រីសម័យសាធារណរដ្ឋប្រជាមានិតកម្ពុជា លោក ប៉ែន សុវណ្ណ បានដង្ហែចេញពីវត្តថាន់ ក្នុងខណ្ឌចម្ការមន មកបូជានៅវត្ត ឫស្ស៊ីសាញ់ សង្កាត់ព្រៃស ខណ្ឌដង្កោ រាជធានីភ្នំពេញ។
នៅក្នុងពិធីដង្ហែ និងបូជាសពលោក ប៉ែន សុវណ្ណនៅព្រឹកនេះ គេសង្កេតឃើញមានវត្តមានតំណាងរាស្ត្រគណបក្សសង្គ្រោះជាតិជាច្រើនរូប អ្នកគាំទ្រគណបក្សសង្គ្រោះជាតិ និងសិស្សនិស្សិតជាច្រើនទៀតផងដែរ។
លោក សឺន សូប៊ែរ កូនប្រុសសម្តេច សឺន សាន និងជាឧត្តមទីប្រឹក្សារបស់ព្រះមហាក្សត្រ ជាអ្នកអុជភ្លើងបូជាសពតំណាងរាស្ត្រមណ្ឌលកំពង់ស្ពឺ ក្រោមដំណក់ទឹកភ្លៀង នៅព្រឹកថ្ងៃអាទិត្យនេះ។
© រក្សាសិទ្ធិដោយ thmeythmey.com