ជាតិ
ក្រសួងរ៉ែ ប្រជុំជាមួយសង្គមស៊ីវិល រឿងនាំចេញខ្សាច់ទៅបរទេសនៅថ្ងៃសុក្រនេះ
× ក្រសួងរ៉ែ និងថាមពល នឹងរៀបចំកិច្ចប្រជុំជាមួយអង្គការសង្គមស៊ីវិល ពាក់ព័ន្ធនឹងការនាំចេញខ្សាច់ទៅបរទេស នៅថ្ងៃសុក្រ ទី ១១ ខែវិច្ឆិកានេះ។ បើតាមលិខិតអញ្ជើញរបស់ក្រសួងរ៉ែ កិច្ចប្រជុំនេះ នឹងប្រព្រឹត្តិទៅ នៅអគ្គនាយកដ្ឋានប្រេងកាត។
ថ្មីៗនេះ អង្គការសង្គមស៊ីវិល ជិត៥០ បានធ្វើលិខិតចំហ ស្នើឲ្យលោក ស៊ុយ សែម រដ្ឋមន្ត្រីក្រសួងរ៉ែ និងថាមពល បំភ្លឺចំពោះការនាំចេញខ្សាច់ទៅកាន់ប្រទេសនានា ក្នុងអំឡុងឆ្នាំ២០០៧ ដល់ឆ្នាំ២០១៥ ។ ការស្នើនេះ គឺក្រោយពីទិន្នន័យលក់ខ្សាច់ នៅចន្លោះឆ្នាំ២០០៧ និង២០១៥ រវាងកម្ពុជា និងសិង្ហបុរី ល្អៀងទឹកប្រាក់រាប់រយលានដុល្លារអាមេរិក។
ទិន្នន័យរបស់ ប្រទេសសិង្ហបុរី បញ្ជាក់ថាបាននាំចូលខ្សាច់ពីកម្ពុជា មានរហូតដល់ជាង ៧៣ លានតោន ដែលគិតជាទឹកប្រាក់ប្រមាណ ៧៥០ លានដុល្លារអាមេរិក ខណៈតួលេខនាំចេញទៅក្រៅប្រទេសពីឆ្នាំ២០០៧ ដល់ឆ្នាំ២០១៥ ពីក្រសួងរ៉ែ មានប្រមាណ ១៧ លានតោនប៉ុណ្ណោះ៕
© រក្សាសិទ្ធិដោយ thmeythmey.com