អន្តរជាតិ
កូរ៉េខាងត្បូង នឹងអភិវឌ្ឍកាំជ្រួចចម្ងាយឆ្ងាយដើម្បីការពារការគំរាមពីកូរ៉េខាងជើង
×![]()
ដោយ: តន ចាន់រិទ្ធារ៉ា
រដ្ឋាភិបាលកូរ៉េខាងត្បូង បានអនុម័តលើគម្រោងការពារជាតិធំៗចំនួនបី ដែលក្នុងនោះមានគម្រោងអភិវឌ្ឍប្រព័ន្ធរ៉ុក្តែតចម្ងាយឆ្ងាយ សម្រាប់បង្កើនសមត្ថភាពទប់ទល់ការវាយប្រហារដោយមីស៊ីលពីសំណាក់កូរ៉េខាងជើង។ កូរ៉េខាងត្បូង ព្រួយបារម្ភខ្លាំងចំពោះការគំរាមពីកូរ៉េខាងជើង ដ្បិតរដ្ឋកុម្មុយនីស្តមួយនេះ កំពុងពង្រឹងសមត្ថភាពយោធារបស់ខ្លួនយ៉ាងឆាប់រហ័ស ដោយបានសាកល្បងនុយក្លេអ៊ែរ និងមីស៊ីលជាច្រើនលើក។ 
ភាពមិនច្បាស់លាស់នៃគោលនយោបាយរបស់អាមេរិកក្រោយការបោះឆ្នោត និងការពង្រឹងយោធារបស់កូរ៉េខាងជើង កំពុងធ្វើឲ្យកូរ៉េខាងត្បូង ងាកទៅបង្កើនសមត្ថភាពកងទ័ពរបស់ខ្លួនឯង ដើម្បីការពារខ្លួន។ នៅថ្ងៃទី១៦ ខែវិច្ឆិកា កូរ៉េខាងត្បូង បានយល់ព្រមលើគម្រោងការពារជាតិធំបី ដោយរួមទាំងការបង្កើនសមត្ថភាពប្រព័ន្ធរ៉ុក្កែតចម្ងាយឆ្ងាយ សម្រាប់តទល់នឹងយោធាកូរ៉េខាងជើង។
រដ្ឋបាលទទួលបន្ទុកកម្មវិធីការពារជាតិរបស់កូរ៉េខាងត្បូង (DAPA) បានប្រកាសថា ចាប់ពីឆ្នាំ២០១៧ ដល់ឆ្នាំ២០២០ ក្រុងសេអ៊ូល នឹងអភិវឌ្ឍ ក៏ដូចជពង្រាយមីស៊ីល ដែលអាចបំពាក់លើប្រព័ន្ធបាញ់រ៉ុក្កែតចម្រុះ (MRLS) ទំហំ២៣០មីលីម៉ែត។ ប្រព័ន្ធបាញ់រ៉ក្កែតនេះ ជាផលិតផលក្នុងស្រុក ដែលផលិតដើម្បីទប់ទល់ការគំរាមពីកាំភ្លើងធំរបស់កូរ៉េខាងជើង។
នៅពេលដែលត្រូវបានពង្រាយរួចរាល់នោះ គ្រាប់រ៉ុក្កែតដែលបាញ់ចេញពីប្រព័ន្ធ MRLS អាចកម្ទេចគោលដៅគំរាមកំហែង ដែលមានទីតាំងស្ថិតនៅក្នុងជ្រៅលើទឹកដីកូរ៉េខាងជើង។ នេះបើយោងតាមការឲ្យដឹងអ្នកនាំពាក្យរបស់ DAPA ដែលផ្សាយដោយសារព័ត៌មាន Yonhap មុននឹងបញ្ជាក់ដែរថា រ៉ុក្កែតនេះ មានសមត្ថភាពកម្ទេចទីតាំងមានទំហំប៉ុនតារាបាល់ទាត់ចំនួនបី។
ក្រៅពីការពង្រឹងសមត្ថភាពផ្នែកអាកាស ក្រុងសេអ៊ូល ក៏ចំណាយប្រាក់១៦លានដុល្លារសម្រាប់អភិវឌ្ឍកប៉ាល់របស់ខ្លួនដែរ ក្នុងគោលដៅបង្កើនសមត្ថភាពឲ្យកាន់តែខ្លាំង។ ស្ថាប័ន DAPA ក៏បានជ្រើសរើសក្រុមហ៊ុន Hyundai Heavy Industries Co. ដែលអ្នកផលិតនាវាដ៏ធំរបស់កូរ៉េខាងត្បូង សម្រាប់ទទួលបន្ទុកលើការងារអភិវឌ្ឍកប៉ាល់ស៊េរីចាស់ទាំងនោះឲ្យកាន់តែទំនើប។
បន្ថែមលើនេះ កូរ៉េខាងត្បូង ក៏មានគម្រោងទិញយន្តហោះចម្បាំង F-35 ពីក្រុមហ៊ុន Lockheed Martin Corp. របស់អាមេរិកជាច្រើនគ្រឿងផងដែរ។ ជាក់ស្ដែងក្នុងឆ្នាំ២០១៤ ក្រុងសេអ៊ូល បានចុះហត្ថលេខាទិញយន្តហោះចម្បាំង F-35 ចំនួន៤០គ្រឿងពីក្រុមហ៊ុនខាងលើរួចហើយ។ អាមេរិក ក៏នឹងជួយកូរ៉េខាងត្បូង កសាងផ្កាយរណបសម្រាប់យោធាកូរ៉េខាងត្បូងប្រើប្រាស់ទៀតផង៕
ភាពមិនច្បាស់លាស់នៃគោលនយោបាយរបស់អាមេរិកក្រោយការបោះឆ្នោត និងការពង្រឹងយោធារបស់កូរ៉េខាងជើង កំពុងធ្វើឲ្យកូរ៉េខាងត្បូង ងាកទៅបង្កើនសមត្ថភាពកងទ័ពរបស់ខ្លួនឯង ដើម្បីការពារខ្លួន។ នៅថ្ងៃទី១៦ ខែវិច្ឆិកា កូរ៉េខាងត្បូង បានយល់ព្រមលើគម្រោងការពារជាតិធំបី ដោយរួមទាំងការបង្កើនសមត្ថភាពប្រព័ន្ធរ៉ុក្កែតចម្ងាយឆ្ងាយ សម្រាប់តទល់នឹងយោធាកូរ៉េខាងជើង។
រដ្ឋបាលទទួលបន្ទុកកម្មវិធីការពារជាតិរបស់កូរ៉េខាងត្បូង (DAPA) បានប្រកាសថា ចាប់ពីឆ្នាំ២០១៧ ដល់ឆ្នាំ២០២០ ក្រុងសេអ៊ូល នឹងអភិវឌ្ឍ ក៏ដូចជពង្រាយមីស៊ីល ដែលអាចបំពាក់លើប្រព័ន្ធបាញ់រ៉ុក្កែតចម្រុះ (MRLS) ទំហំ២៣០មីលីម៉ែត។ ប្រព័ន្ធបាញ់រ៉ក្កែតនេះ ជាផលិតផលក្នុងស្រុក ដែលផលិតដើម្បីទប់ទល់ការគំរាមពីកាំភ្លើងធំរបស់កូរ៉េខាងជើង។
នៅពេលដែលត្រូវបានពង្រាយរួចរាល់នោះ គ្រាប់រ៉ុក្កែតដែលបាញ់ចេញពីប្រព័ន្ធ MRLS អាចកម្ទេចគោលដៅគំរាមកំហែង ដែលមានទីតាំងស្ថិតនៅក្នុងជ្រៅលើទឹកដីកូរ៉េខាងជើង។ នេះបើយោងតាមការឲ្យដឹងអ្នកនាំពាក្យរបស់ DAPA ដែលផ្សាយដោយសារព័ត៌មាន Yonhap មុននឹងបញ្ជាក់ដែរថា រ៉ុក្កែតនេះ មានសមត្ថភាពកម្ទេចទីតាំងមានទំហំប៉ុនតារាបាល់ទាត់ចំនួនបី។
ក្រៅពីការពង្រឹងសមត្ថភាពផ្នែកអាកាស ក្រុងសេអ៊ូល ក៏ចំណាយប្រាក់១៦លានដុល្លារសម្រាប់អភិវឌ្ឍកប៉ាល់របស់ខ្លួនដែរ ក្នុងគោលដៅបង្កើនសមត្ថភាពឲ្យកាន់តែខ្លាំង។ ស្ថាប័ន DAPA ក៏បានជ្រើសរើសក្រុមហ៊ុន Hyundai Heavy Industries Co. ដែលអ្នកផលិតនាវាដ៏ធំរបស់កូរ៉េខាងត្បូង សម្រាប់ទទួលបន្ទុកលើការងារអភិវឌ្ឍកប៉ាល់ស៊េរីចាស់ទាំងនោះឲ្យកាន់តែទំនើប។
បន្ថែមលើនេះ កូរ៉េខាងត្បូង ក៏មានគម្រោងទិញយន្តហោះចម្បាំង F-35 ពីក្រុមហ៊ុន Lockheed Martin Corp. របស់អាមេរិកជាច្រើនគ្រឿងផងដែរ។ ជាក់ស្ដែងក្នុងឆ្នាំ២០១៤ ក្រុងសេអ៊ូល បានចុះហត្ថលេខាទិញយន្តហោះចម្បាំង F-35 ចំនួន៤០គ្រឿងពីក្រុមហ៊ុនខាងលើរួចហើយ។ អាមេរិក ក៏នឹងជួយកូរ៉េខាងត្បូង កសាងផ្កាយរណបសម្រាប់យោធាកូរ៉េខាងត្បូងប្រើប្រាស់ទៀតផង៕
Tag:
កូរ៉េខាងត្បូង
កូរ៉េខាងជើង
© រក្សាសិទ្ធិដោយ thmeythmey.com
