ជាតិ
សេដ្ឋកិច្ច
សួនសត្វនៅភ្នំពេញរបស់លោក លី យ៉ុងផាត់ នឹងសម្ពោធនៅដើមឆ្នាំ ២០១៧
×
ភ្នំពេញ៖ សួនសត្វ Safari World នៅជាយរាជធានីភ្នំពេញ របស់ឧកញ៉ា លី យ៉ុងផាត់ ប្រធានក្រុមហ៊ុន LYP Group នឹងបើកឲ្យចូលទស្សនានៅដើមឆ្នាំ២០១៧ ។
ព័ត៌មានពីការបើកដំណើរការសួនសត្វ Safari World នេះ ត្រូវបានផ្សព្វផ្សាយលើទំព័រហ្វេសប៊ុករបស់មន្ទីរសាធារណការ និងដឹកជញ្ជូនរាជធានីភ្នំពេញ នៅថ្ងៃទី១៥ខែវិច្ឋិកា។ សួនសត្វនេះ ត្រូវបានស្ថាបនាលើផ្ទៃដីទំហំ ៨០ហិកតា ស្ថិតក្នុងខណ្ឌជ្រោយចង្វារ (ក្បែរស្ថានីយ៍ទូរទស្សន៍ PNN ) ។
លោក លី យ៉ុងផាត់ ដែលត្រូវបានស្រង់សំដីដោយកាសែតភ្នំពេញប៉ុស្តិ៍ បានឲ្យដឹងថា សួនសត្វនេះ នឹងត្រូវដាក់ឲ្យដំណើរការនៅមុនពិធីបុណ្យចូលឆ្នាំខ្មែរឆ្នាំ២០១៧ ។ លោកបញ្ជាក់ថា ក្រុមហ៊ុនសម្រេចប្តូរមកបង្កើតសួនសត្វ Safari World នៅភ្នំពេញវិញ បន្ទាប់ពីដាក់ឲ្យដំណើរការសួនសត្វនេះនៅខេត្តកោះកុងជាច្រើនឆ្នាំ មិនទទួលជោគជ័យ។
លោក លី យ៉ុងផាត់ បន្ថែមថា ការបង្កើតសួនសត្វ Safari នៅខេត្តកោះកុង គឺស្ថិតនៅចម្ងាយឆ្ងាយដែលជាឧបសគ្គសម្រាប់អ្នកចង់ទៅទស្សនា ប៉ុន្តែនៅពេលក្រុមហ៊ុនបង្កើតសួនសត្វនៅភ្នំពេញ នឹងទាក់ទាញបានអ្នកចូលទស្សនាច្រើន៕
Tag:
ទេសចរណ៍
សួនសត្វ
លី យ៉ុងផាត់
© រក្សាសិទ្ធិដោយ thmeythmey.com