ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
ក្រុមហ៊ុន Sanofi សម្ពោធឱសថថ្មីសម្រាប់អ្នកជំងឺទឹកនោមផ្អែមនៅប្រទេសកម្ពុជា
21, Nov 2016 ,
4:01 pm
រូបភាព
×
ដោយ:
ជី ដាណា
កាលពីថ្ងៃទី១៩ ខែវិច្ឆិកា ឆ្នាំ២០១៦ ក្រុមហ៊ុនសាណូហ្វីកម្ពុជាបានដាក់សម្ពោធឱសថទឹកនោមផ្អែមថ្មី ឈ្មោះAmaryl 4mg ចូលមកកាន់ទីផ្សារកម្ពុជា។
នៅសណ្ឋាគារភ្នំពេញ ជាមួយនឹងការចូលរួមពីអ្នកជំនាញថែទាំសុខភាពជាង ១០០ នាក់ អ្នកស្រី ដាវ ធូង៉ា (Ms. Dao Thu Nga) នាយកគ្រប់គ្រងក្រុមហ៊ុន សាណូហ្វី កម្ពុជា មានប្រសាសន៍ថា៖ “ក្នុងនាមជាក្រុមហ៊ុនមួយក្នុងចំណោមក្រុមហ៊ុនឱសថឈានមុខគេ សាណូហ្វីបានតាំងចិត្តថានឹងនាំយកផលិតផលបច្ចេកវិទ្យាថ្មីៗ ដើម្បីឆ្លើយតបនឹងតម្រូវការសុខាភិបាលរបស់ប្រទេសកម្ពុជា។ ដូចដែលអ្នកបានដឹងហើយថា ជំងឺទឹកនោមផ្អែម ជាជំងឺដែលបានបង្កគ្រោះថ្នាក់ និងបណ្តាលឲ្យអ្នកជំងឺរាប់លាននាក់បាត់បង់ជីវិតនៅជុំវិញពិភពលោក។
ប្រធានសមាគមន៍គ្រូពេទ្យទឹកនោមផ្អែម និងក្រពេញ កម្ពុជា លោកសាស្ត្រាចារ្យមហាបរិញ្ញា វេជ្ជបណ្ឌិត កុយ វន្នី បានបកស្រាយពីបញ្ហាទូទៅនៃជំងឺទឹកនោមផ្អែមថា នៅទូទាំងពិភពលោកនា បច្ចុប្បន្ននេះ មានមនុស្សប្រមាណជា ៤០០លាននាក់ បានកើតជំងឺទឹកនោមផ្អែម ហើយនៅឆ្នាំ ២០៤០ អាចឡើងលើសពី ៦០០ លាននាក់។ ដូច្នេះលោកសន្និដ្ឋានថា មនុស្សនៅលើពិភពលោក រួមទាំងប្រជាជនកម្ពុជា អាចមានទំនាក់ទំនងទៅនឹងជំងឺទឹកនោមផ្អែមកាន់តែច្រើន។ លោកបានបញ្ជាក់ទៀតថាប្រទេសកម្ពុជាក៏ជាប្រទេសមួយកំពុងប្រឈមនឹងជំងឺទឹកនោមផ្អែមព្រោះថា សេដ្ឋកិច្ចប្រទេសកម្ពុជាមានការរីកចម្រើន ដែលនាំឲ្យប្រជាជនរស់នៅក្នុងបរិបទបរិបូរណ៍។ មនុស្សមានភាពងាយស្រួលក្នុងការទទួលទាន ព្រោះអាហារមានភាពសំបូរបែប អាចរកបានរហ័ស និងងាយស្រួល ដែលនេះជាកត្តា ដែលមនុស្សងាយកើនឡើងនៃកាឡូរីនៅក្នុងខ្លួន ហើយការកើនឡើងនៃកាឡូរីនេះហើយ គឺជាផ្នែកនៃការបង្កឲ្យមានជំងឺទឹកនោមផ្អែម។
យោងតាមសហព័ន្ធជំងឺទឹកនោមផ្អែមអន្តរជាតិ ជំងឺទឹកនោមផ្អែមបានបណ្តាលអោយមនុស្ស ៥លាននាក់បាត់បង់ជីវិតនៅឆ្នាំ២០១៥។ រៀងរាល់ ៦វិនាទី មានមនុស្សម្នាក់ស្លាប់ដោយសារជំងឺទឹកនោមផ្អែម។ នៅប្រទេសកម្ពុជា យោងតាមការស្ទង់មតិSTEPS ដែលរៀបចំដោយក្រសួងសុខាភិបាលនៅឆ្នាំ២០១០ ករណីជំងឺទឹកនោមផ្អែមនៅប្រទេសកម្ពុជាគឺ ២,៣% នៅតំបន់ជនបទ និង ៥,៦% នៅទីទីប្រជុំជន (ប្រជាជនដែលចូលរួមក្នុងការសិក្សាមានអាយុចាប់ពី២៥ទៅ៦៤ឆ្នាំ)។ អត្រានៃជំងឺនេះកំពុងកើនឡើងជារៀងរាល់ឆ្នាំគួរឲ្យកត់សម្គាល់ និងព្រួយបារម្ភ។ ក្រុមមនុស្ស ដែលងាយរងគ្រោះជាងគេ គឺនៅចន្លោះអាយុ ៦៥-៦៩ឆ្នាំ ដែលមានការរាតត្បាតដល់ទៅ ៦% ហើយតួលេខទាំងនេះ កំពុងកើនឡើងពីមួយឆ្នាំទៅមួយឆ្នាំ។
ចំពោះអ្នកដែលមិនទាន់យល់ច្បាស់នូវតួនាទីរបស់ Sulfonylureasក្នុងការគ្រប់គ្រងជំងឺទឹកនោមផ្អែម លោកសាស្ត្រាចារ្យជំនួយវេជ្ជបណ្ឌិត ទូច ឃុន គ្រូពេទ្យជំនាញខាងជំងឺទឹកនោមផ្អែមនៅមន្ទីរពេទ្យព្រះកុសមៈ បានឲ្យដឹងថា យោងទៅតាមសហព័ន្ធជំងឺទឹកនោមផ្អែមអន្តរជាតិ ប្រទេសកម្ពុជាមានអាត្រាជំងឺទឹកនោមផ្អែមទាបជាងប្រទេសអាស៊ីអាគ្នេយ៍ផ្សេងទៀត។ អ្នកស្រាវជ្រាវបាននិយាយថា មូលហេតុគឺមកពីប្រជាជនកម្ពុជាភាគច្រើនគឺស្ថិតក្នុងវ័យក្មេងនិងយុវជន ។ អ្វីដែលគួរឲ្យចាប់អារម្មណ៍គឺ ការស្រាវជ្រាវថ្មីៗបានអះអាងថា ការបង្អត់អាហារជារយៈពេលយូរ ដែលអ្នករស់នៅជំនាន់នោះបានឆ្លងកាត់ អាចនឹងប៉ះពាល់ដល់ហ្សែន ដែលពួកគេបន្តទៅឲ្យអ្នកជំនាន់ក្រោយ។ ការប៉ះពាល់នេះ អាចដល់កម្រិតមួយ ដែលបណ្តាលឲ្យមានការកើនឡើងនូវអាត្រាជំងឺទឹកនោមផ្អែម ស្របពេលដែលប្រជាជនទាំងនោះកើនអាយុ។
ក្រុមវេជ្ជបណ្ឌិតក៏បានប្រាប់ថា ជំងឺទឹកនោមផ្អែម គឺជាជំងឺដែលមិនឆ្លងប៉ុន្តែកាចសាហាវ និងគួរត្រូវ បានយកចិត្តទុកដាក់ខ្ពស់។ ដូចច្នេះលោកក៏ដូចក្រុមអ្នកថែទាំសុខភាពបានបន្តកិច្ចខិតខំប្រឹងប្រែង ដើម្បីជួបជុំពិភាក្សារកវិធីសាស្ត្រព្យាបាលជំងឺទឹកនោមផ្អែមសម្រាប់ប្រជាពលរដ្ឋខ្មែរឲ្យបានទាន់ពេលវេលា។
អំពីក្រុមហ៊ុន សាណូហ្វី
ក្រុមហ៊ុន សាណូហ្វីដែលជាឲ្យក្រុមហ៊ុនឱសថឈានមុខគេលើពិភពលោក បានរកឃើញ, និងកែច្នៃ ព្រមទាំងចែកចាយផលិតផលដែលផ្តោតសំខាន់លើតម្រូវការរបស់អ្នកជំងឺជាចំបង។ ក្រុមហ៊ុន សាណូហ្វីមានចំនុចស្នូលសំខាន់ៗចំនួន៧ ក្នុងវិស័យថែទាំសុខភាព ដែលមានដូចជា ដំណោះស្រាយនៃជំងឺទឹកនោមផ្អែម, ការចាក់វ៉ាក់សាំងការពារទៅលើមនុស្ស, ថ្នាំដែលបង្កើតថ្មី, តំហែទាំសុខភាពសម្រាប់អតិថិជន,ទីផ្សារថ្មីៗ, សុខភាពសត្វ និងGenzymeថ្មី។ ក្រុមហ៊ុន សាណូហ្វីបានចុះបញ្ជីនៅទីក្រុងប៉ារីស(EURONEXT: SAN) និងនៅទីក្រុងញូវយ៉ក(NYSE: SNY)។
( អត្ថបទពាណិជ្ជកម្ម )
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
1 សប្តាហ៍
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
13 ម៉ោង
«នាំអាត» និង«នាំអាទិ៍»មួយណាត្រឹមត្រូវ?
5 ថ្ងៃ
ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ
2 ថ្ងៃ
អ្នកស្រី ឯម សិរីវុទ្ធី ចេញដំណើរពីស្វាយរៀងម៉ោង៣ទៀបភ្លឺ ជូនកូនមកប្រឡងគ្រូនៅភ្នំពេញ
1 សប្តាហ៍
អត្ថបទពេញនិយមបន្ថែម