ជាតិ
សម្តេចព្រះវររាជមាតា យាងគោរពសពឧបាសិកា ញឹក ជូឡុង មាសកេត សមភ័ត្រ
× នៅព្រឹកថ្ងៃទី២៦ វិច្ឆិកានេះ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល បានយាងទៅគោរពវិញ្ញាណក្ខន្ធរបស់ឧបាសិកា ញឹក ជូឡុង មាសកេត សមភ័ត្រ ដែលជាម្តាយបង្កើតរបស់លោកស្រី ជូឡុង សូមូរ៉ា និងជាម្តាយក្មេករបស់ឯកឧត្តម សម រង្ស៊ី។ ព្រះរាជវត្តមានសម្តេចម៉ែ អមដោយសម្តេច នរោត្តម បុប្ឆាទេវី សម្តេច នរោត្តម ចក្រពង្ស សម្តេចនរោត្តម អារុណរស្មី និងសម្តេចចៅហ្វាវាំង គង់ សំអុល។
ឯកឧត្តម កឹម សុខា អនុប្រធានគណបក្សសង្គ្រោះជាតិ និងមន្ត្រីជាន់ខ្ពស់នៃគណបក្សសង្គ្រោះជាតិជាច្រើនរូប រួមទាំងសាច់ញាតិ ក៏មានវត្តមានក្នុងពិធីបុណ្យផងដែរ ។ សព ឧបាសិកា ញឹក ជូឡុង មាសកេត សមភ័ត្រ កំពុងតម្កល់ទុកនៅក្នុងទីស្នាក់ការគណបក្សសង្គ្រោះជាតិ ដែលស្ថិតក្នុងសង្កាត់ចាក់អង្រែលើ។
សូមបញ្ជាក់ថា ឧបាសិកា ញឹក ជូឡុង មាសកេត បានទទួលមរណភាព ក្នុងជន្មាយុ៩៧ឆ្នាំ ដោយជរាពាធ កាលពីរសៀលថ្ងៃទី២៤ ខែវិច្ឆិកា ឆ្នាំ២០១៦។ ឧបាសិកា ញឹក ជូឡុង មាសកេត សមភ័ត្រ គឺជាភរិយារបស់សម្តេច ញឹក ជូឡុង ដែលជាឥស្សរជនជាន់ខ្ពស់របស់កម្ពុជាមួយរូបកាលពីអតីតកាល។ សម្តេច ញឹក ជូឡុង ជាអ្នកមានភក្តីភាព និងដង្ហែតាមព្រះអតីតព្រះមហាក្សត្រ នរោត្តម សីហនុ ដើម្បីទាមទារឯករាជ្យពីអាណានិគមបារាំង៕
Tag:
ញឹក ជូឡុង មាសកេត សភ័ត្រ
សម្តេចម៉ែ
© រក្សាសិទ្ធិដោយ thmeythmey.com