ពីនេះ ពីនោះ
ជំទាស់បែបឧបមា ជាវិធីប្រសើរបំផុត
×
ដកស្រង់ចេញពីសៀវភៅ ខុងជឺ ដែលប្រែសម្រួលដោយលោក គឹម ចាន់ណា និងត្រូវបានបោះពុម្ពដោយគ្រឹះស្ថានបោះពុម្ពផ្សាយ Mind Books។
ខុងជឺ ពោលថា «វិធីជំទាស់នឹងស្តេចដែលនាម៉ឺនតុងឈិនប្រើ មាន៥យ៉ាង គឺ៖
១ និយាយពង្វាងចុះពង្វាងឡើង ហៅថា ជំទាស់បែបពង្វាង
២ និយាយធ្វើដូចជាមិនដឹងអី មិនថែមមិនថយ ហៅថា ជំទាស់ទាំងទទឹងទិស
៣ និយាយដោយប្រយ័ត្នប្រយែង ប្រើឥរិយាបថឱនលំទោន ហៅថាជំទាស់បែបទន់ភ្លន់
៤ និយាយត្រង់ៗមិនបាច់ក្រែងរអែង ហៅថាជំទាស់បែបត្រង់ភ្លឹង
៥ និយាយជាន័យប្រៀបធៀប ហៅថាជំទាស់បែបឧបមា»។
ខុងជឺ បន្តថា «វាគឺជារឿងលំបាកខ្លាំងណាស់ ដែលត្រូវវាយតម្លៃថា តើវិធីជំទាស់បែបណាដែលប្រសើរបំផុត។ ប្រហែលជាត្រូវសម្រេចទៅតាមនិស្ស័យរបស់ស្តេចមួយអង្គៗ រួមទាំងស្ថានភាពជាក់ស្តែងក្នុងខណៈនោះ។ បើសិនជាឲ្យខ្ញុំជ្រើសរើស ខ្ញុំប្រាកដជាជ្រើសរើសយកវិធីជំទាស់បែបឧបមា ដែលនឹងមានសុវត្ថិភាពជាង ព្រោះសារជាតិរបស់មនុស្សភាគច្រើនអាចទទួលយកបាន»៕
© រក្សាសិទ្ធិដោយ thmeythmey.com