ពីនេះ ពីនោះ
×![]()
ដោយ: ថ្មីៗ
ពាក្យពីរនេះ មានអត្ថន័យស្រដៀងគ្នា ឬអាចខុសគ្នាបន្តិចបន្តួច។ តែគេអាចប្រើប្រាស់ក្នុងបរិបទខុសគ្នាបន្តិច។ ក្រសួងការបរទេស និងសហប្រតិបត្តិការអន្តរជាតិ។ ក្នុងឃ្លានេះ «សហប្រតិបត្តិការ» អាចត្រូវបានគេពន្យល់ថា ភាគីពីរធ្វើកិច្ចការរួមគ្នា ក្នុងគោលដៅតែមួយ។ ឧទាហរណ៍ «សហប្រតិបត្តិការ»វាងប្រទេសកម្ពុជា និងបារាំង។ ឧទាហរណ៍ខាងលើនេះ មានន័យថា ប្រទេសទាំងពីរសម្រេចរួមគ្នាធ្វើកិច្ចការអ្វីមួយដើម្បីបំពេញគោលដៅរួមគ្នាអ្វីមួយ។ និយាយក្នុងន័យសាមញ្ញ គឺថា គ្មានភាគីណាមួយបង្ខំ ឬបញ្ចុះបញ្ចូលភាគីណាមួយទៀតឲ្យធ្វើអ្វីមួយឡើយ។ ភាគីទាំងពីរសម្រេចរួមគ្នា ចង់ធ្វើអ្វីមួយ ដើម្បីគោលដៅរួមគ្នា។ ពាក្យ«សហប្រតិបត្តិការ» បង្កប់អត្ថន័យ ភាគីទាំងពីរ មានសិទ្ធិអំណាច និងការសម្រេចចិត្តស្មើគ្នា។ 
ចុះ«សហការ»វិញ?
ពាក្យថា «សហការ» ក៏មានន័យស្រដៀងទៅនឹង«សហប្រតិបត្តិការ»ដែរ។ តែលក្ខណៈខុសគ្នាបន្តិចនោះ គឺនៅត្រង់ថា ភាគី «ក» ទៅសហការជាមួយភាគី«ខ» ដើម្បីសម្រេចគោលដៅអ្វីមួយ ឬផ្ទុយមកវិញ។ ឧទាហរណ៍ថា ក្រុមហ៊ុនលោក «ក» ដំណើរការហើយ តែលោក«ខ»សុំសហការជាមួយលោក«ក»ដើម្បីពង្រីកការលក់បន្ថែមទៀត។ ពាក្យ«សហការ» មិនបានបញ្ជាក់អត្ថន័យថា ភាគី«ក» ឬ«ខ»ត្រូវមានសិទ្ធិ ឬអំណាចស្មើគ្នានោះទេ។ ជារួមគេគ្រាន់តែដឹងថា ភាគី«ក» និង«ខ»ធ្វើការ«សហការ»គ្នា៕
ចុះ«សហការ»វិញ?
ពាក្យថា «សហការ» ក៏មានន័យស្រដៀងទៅនឹង«សហប្រតិបត្តិការ»ដែរ។ តែលក្ខណៈខុសគ្នាបន្តិចនោះ គឺនៅត្រង់ថា ភាគី «ក» ទៅសហការជាមួយភាគី«ខ» ដើម្បីសម្រេចគោលដៅអ្វីមួយ ឬផ្ទុយមកវិញ។ ឧទាហរណ៍ថា ក្រុមហ៊ុនលោក «ក» ដំណើរការហើយ តែលោក«ខ»សុំសហការជាមួយលោក«ក»ដើម្បីពង្រីកការលក់បន្ថែមទៀត។ ពាក្យ«សហការ» មិនបានបញ្ជាក់អត្ថន័យថា ភាគី«ក» ឬ«ខ»ត្រូវមានសិទ្ធិ ឬអំណាចស្មើគ្នានោះទេ។ ជារួមគេគ្រាន់តែដឹងថា ភាគី«ក» និង«ខ»ធ្វើការ«សហការ»គ្នា៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
