ជាតិ
អ្នករចនាម៉ូតអលង្ការជនជាតិឆែកម្នាក់ ច្នៃមកុដសម្រាប់ព្រះមហាក្សត្រខ្មែរ
×![]()
Viktorie Beldová ដែលជាអ្នករចនាម៉ូតគ្រឿងអលង្កាដ៏ល្បីម្នាក់នៅសាធារណរដ្ឋឆែក ធ្វើការច្នៃមកុដដ៏ប្រណីតមួយ ក្នុងគោលបំណងថ្វាយដល់ព្រះមហាក្សត្រខ្មែរ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ទុកជាអនុស្សាវរីយ៍។ ពិព័រណ៌មកុដ «Crown for the King of Cambodia» របស់ Viktorie Beldová នឹងប្រព្រឹត្តទៅចាប់ពីល្ងាចថ្ងៃចន្ទ ទី១២ ខែធ្នូ នៅសាលតាំងពិរព័ណ៌ Kvalitar Gallery ក្នុងទីក្រុងប្រាក សាធារណរដ្ឋឆែក។
ទោះបីជាមិនដែលបានជួបព្រះភក្ត្រ ព្រះមហាក្សត្រកម្ពុជា ដោយផ្ទាល់ក៏ដោយ អ្នករចនាគ្រឿងអលង្ការដ៏ល្បីជនជាតិឆែក Viktorie Beldová មានការគោរពយ៉ាងជ្រាលជ្រៅ។ អស់រយៈពេលជាង២ឆ្នាំមកហើយ ដែលផ្តួចផ្តើមក្នុងការរចនាមកុដសម្រាប់ព្រះមហាក្សត្រខ្មែរ។
អ្នករចនារូបនេះ បានបញ្ជាក់ប្រាប់សារព័ត៌មានថ្មីៗ តាមសារអេឡិចត្រូនិចថា៖ «ខ្ញុំរចនាមកុដបែបច្នៃប្រឌិតនេះ សម្រាប់ការងារស្រាវជ្រាវនៅសាលារបស់ខ្ញុំ។ ស្នាដៃនេះធ្វើតាមលំនាំរចនាបទខ្មែរសុទ្ធសាធ»។
Viktorie Beldová អះអាងថា គាត់ព្យាយាមស្វែងរកមធ្យោបាយដើម្បីចូលគាល់ព្រះមហាក្សត្រកម្ពុជា ជាពិសេសតាមរយៈកុងស៊ុល ប៉ុន្តែមិនទាន់បានចម្លើយយ៉ាងណានោះឡើយ។ គាត់ធ្លាប់បានមកដល់ប្រទេសកម្ពុជាចំនួន២លើក និងមានការជាប់ចិត្តយ៉ាងខ្លាំងចំពោះប្រទេសមួយនេះ។
មកុដដែលច្នៃដោយ Viktorie Beldová មានការលាយផ្សំភាគច្រើនពីមាស និងប្រាក់ ដោយរំលេចនូវប្រាសាទអង្គរវត្ត ផ្កាឈូក និងពោធិ៍ព្រឹក្ស។ ឪពុក និងជីតារបស់ Viktorie ក៏ធ្លាប់រចនាមកុដដែលយកលំនាំតាមមកុដពិតរបស់ស្តេច Bohemia ផងដែរ ប៉ុន្តែសម្រាប់មកុដ ដែលគាត់ច្នៃ និងចង់ថ្វាយព្រះមហាក្សត្យខ្មែរនោះ គឺជាការច្នៃប្រឌិតសុទ្ធសាធ។
យោងតាមបណ្តាញសារព័ត៌មាននានារបស់សាធារណរដ្ឋឆែក ព្រះករុណា ព្រះបាទសម្តេចព្រះបរមនាថ នរោត្តម សីហមុនី ជាព្រះមហាក្សត្របរទេសតែមួយអង្គគត់ ដែលចេះភាសាឆែកយ៉ាងស្ទាត់ជំនាញ។ ពីឆ្នាំ១៩៦២ ដល់ឆ្នាំ១៩៦៧ ព្រះអង្គបានសិក្សានៅសាលាបឋាមសិក្សា និងមធ្យមសិក្សានៅវិទ្យាល័យប្រាក (អតីតឆេកូស្លូវ៉ាគី)។
ពីឆ្នាំ១៩៦៧ ដល់ឆ្នាំ១៩៧១ ព្រះអង្គ បានសិក្សាផ្នែកសិល្បៈ របាំ-តូរ្យតន្ត្រី-ល្ខោន នៅវិទ្យាស្ថានអភិរក្សជាតិប្រាក។ នៅឆ្នាំ១៩៧០ ព្រះអង្គទទួលសញ្ញាបត្រមធ្យមសិក្សានៅប្រាក ជាមួយនឹងនិទ្ទេសល្អណាស់ ហើយនៅឆ្នាំ១៩៧១ ព្រះអង្គទទួលបានជ័យលាភីលេខ១ ផ្នែករបាំបុរាណនៅវិទ្យាស្ថានអភិរក្សជាតិប្រាក។
ពីឆ្នាំ១៩៧១ ដល់ឆ្នាំ១៩៧៥ ព្រះករុណា ព្រះមហាក្សត្រ បានសិក្សានៅសាកលវិទ្យាល័យបណ្ឌិតសភាផ្នែកសិល្បៈតន្ត្រីប្រាក ហើយទទួលបានបរិញ្ញាបត្រជាន់ខ្ពស់។ ព្រះអង្គបានព្រះរាជនិពន្ធនិក្ខេបបទស្តីពីទស្សនៈ និងការគ្រប់គ្រងសាលាសិល្បៈនៅកម្ពុជាផងដែរ៕
ទោះបីជាមិនដែលបានជួបព្រះភក្ត្រ ព្រះមហាក្សត្រកម្ពុជា ដោយផ្ទាល់ក៏ដោយ អ្នករចនាគ្រឿងអលង្ការដ៏ល្បីជនជាតិឆែក Viktorie Beldová មានការគោរពយ៉ាងជ្រាលជ្រៅ។ អស់រយៈពេលជាង២ឆ្នាំមកហើយ ដែលផ្តួចផ្តើមក្នុងការរចនាមកុដសម្រាប់ព្រះមហាក្សត្រខ្មែរ។
អ្នករចនារូបនេះ បានបញ្ជាក់ប្រាប់សារព័ត៌មានថ្មីៗ តាមសារអេឡិចត្រូនិចថា៖ «ខ្ញុំរចនាមកុដបែបច្នៃប្រឌិតនេះ សម្រាប់ការងារស្រាវជ្រាវនៅសាលារបស់ខ្ញុំ។ ស្នាដៃនេះធ្វើតាមលំនាំរចនាបទខ្មែរសុទ្ធសាធ»។
Viktorie Beldová អះអាងថា គាត់ព្យាយាមស្វែងរកមធ្យោបាយដើម្បីចូលគាល់ព្រះមហាក្សត្រកម្ពុជា ជាពិសេសតាមរយៈកុងស៊ុល ប៉ុន្តែមិនទាន់បានចម្លើយយ៉ាងណានោះឡើយ។ គាត់ធ្លាប់បានមកដល់ប្រទេសកម្ពុជាចំនួន២លើក និងមានការជាប់ចិត្តយ៉ាងខ្លាំងចំពោះប្រទេសមួយនេះ។
មកុដដែលច្នៃដោយ Viktorie Beldová មានការលាយផ្សំភាគច្រើនពីមាស និងប្រាក់ ដោយរំលេចនូវប្រាសាទអង្គរវត្ត ផ្កាឈូក និងពោធិ៍ព្រឹក្ស។ ឪពុក និងជីតារបស់ Viktorie ក៏ធ្លាប់រចនាមកុដដែលយកលំនាំតាមមកុដពិតរបស់ស្តេច Bohemia ផងដែរ ប៉ុន្តែសម្រាប់មកុដ ដែលគាត់ច្នៃ និងចង់ថ្វាយព្រះមហាក្សត្យខ្មែរនោះ គឺជាការច្នៃប្រឌិតសុទ្ធសាធ។
យោងតាមបណ្តាញសារព័ត៌មាននានារបស់សាធារណរដ្ឋឆែក ព្រះករុណា ព្រះបាទសម្តេចព្រះបរមនាថ នរោត្តម សីហមុនី ជាព្រះមហាក្សត្របរទេសតែមួយអង្គគត់ ដែលចេះភាសាឆែកយ៉ាងស្ទាត់ជំនាញ។ ពីឆ្នាំ១៩៦២ ដល់ឆ្នាំ១៩៦៧ ព្រះអង្គបានសិក្សានៅសាលាបឋាមសិក្សា និងមធ្យមសិក្សានៅវិទ្យាល័យប្រាក (អតីតឆេកូស្លូវ៉ាគី)។
ពីឆ្នាំ១៩៦៧ ដល់ឆ្នាំ១៩៧១ ព្រះអង្គ បានសិក្សាផ្នែកសិល្បៈ របាំ-តូរ្យតន្ត្រី-ល្ខោន នៅវិទ្យាស្ថានអភិរក្សជាតិប្រាក។ នៅឆ្នាំ១៩៧០ ព្រះអង្គទទួលសញ្ញាបត្រមធ្យមសិក្សានៅប្រាក ជាមួយនឹងនិទ្ទេសល្អណាស់ ហើយនៅឆ្នាំ១៩៧១ ព្រះអង្គទទួលបានជ័យលាភីលេខ១ ផ្នែករបាំបុរាណនៅវិទ្យាស្ថានអភិរក្សជាតិប្រាក។
ពីឆ្នាំ១៩៧១ ដល់ឆ្នាំ១៩៧៥ ព្រះករុណា ព្រះមហាក្សត្រ បានសិក្សានៅសាកលវិទ្យាល័យបណ្ឌិតសភាផ្នែកសិល្បៈតន្ត្រីប្រាក ហើយទទួលបានបរិញ្ញាបត្រជាន់ខ្ពស់។ ព្រះអង្គបានព្រះរាជនិពន្ធនិក្ខេបបទស្តីពីទស្សនៈ និងការគ្រប់គ្រងសាលាសិល្បៈនៅកម្ពុជាផងដែរ៕
Tag:
ព្រះមហាក្សត្រ
ឆែក
មកុដ
© រក្សាសិទ្ធិដោយ thmeythmey.com
