ពីនេះ ពីនោះ
ពេលខ្លះមន្ត្រី និងច្បាប់ សាហាវជាងខ្លា ទៀតផង
× ដកស្រង់ចេញពីសៀវភៅ ខុងជឺ ដែលប្រែសម្រួលដោយលោក គឹម ចាន់ណា និងត្រូវបានបោះពុម្ពដោយគ្រឹះស្ថានបោះពុម្ពផ្សាយ Mind Books។
ខុងជឺ ធ្វើដំណើរទៅនគរឈី។ ខណៈពេលកំពុងឆ្លងកាត់តាមជើងភ្នំថៃសាន គាត់ក៏បានឮសំឡេងស្ត្រីម្នាក់ស្រែកយំគួរឲ្យឈឺចាប់ខ្លោចផ្សារ។
ខុងជឺ ពោល «សំឡេងទ្រហោយំនេះបញ្ជាក់ថា យ៉ាងហោចណាស់ក៏មានរឿងឈឺចាប់ខូចចិត្តមួយរឿងដែរ ទើបបញ្ជូន ជឺកុង ឲ្យទៅសាកសួរមើល។
ស្ត្រីម្នាក់នោះប្រាប់ថា «ជីតាខ្ញុំត្រូវខ្លាខាំស្លាប់ ស្វាមីខ្ញុំក៏ដូចគ្នាអញ្ចឹងដែរ! មកដល់ថ្ងៃនេះកូនរបស់ខ្ញុំក៏ត្រូវខ្លាខាំស្លាប់ទៀត»
ជឺកុង នឹកឆ្ងល់ជាខ្លាំង ក៏សួរថា «ហេតុអ្វីមិនដូរទីលំនៅតាំងពីពេលដែលជីតាត្រូវខ្លាខាំស្លាប់ឲ្យហើយទៅ?»
ស្ត្រីនោះឆ្លើយថា «ទោះជានៅកន្លែងនេះមានខ្លាស៊ីមនុស្ស តែវាគ្មានរាជការ និងច្បាប់ដាក់ទោសដ៏ឃោរឃៅឡើយ»។
ជឺកុង ក៏ត្រឡប់ទៅរៀបរាប់ឲ្យ ខុងជឺ ស្តាប់។
ខុងជឺ ពោលថា «ពួកឯងទាំងអស់គ្នាត្រូវចាំឲ្យច្បាស់ថា មន្ត្រីរាជការ និងច្បាប់ដែលដាក់ទោសទណ្ឌដ៏ឃោរឃៅ ជួនកាលគួរឲ្យខ្លាចជាងខ្លាស៊ីមនុស្សទៅទៀត»៕
© រក្សាសិទ្ធិដោយ thmeythmey.com