អន្តរជាតិ
រូបភាព៖ militaryimage
×![]()
ថ្ងៃទី ៧ខែធ្នូឆ្នាំ ២០១៦នេះជាខួបលើកទី ៧៥នៃការវាយប្រហាររបស់ជប៉ុនលើមូលដ្ឋានយោធាអាមេរិកនៅ Pearl Harbor នៃកោះហាវ៉ៃ។ ការវាយប្រហារ ដោយមិនប្រកាសឲ្យដឹងមុននេះបានសម្លាប់កងទ័ពអាមេរិកយ៉ាងហោចណាស់ ២៤០០នាក់ និងកម្ទេចនាវាចម្បាំងជិត ២០គ្រឿង។ សកម្មភាពបង្ករឿងរបស់ជប៉ុននេះបង្ខំឲ្យសហរដ្ឋអាមេរិកប្រកាសសង្គ្រាមប្រឆាំងជប៉ុននិងចូលប្រឡូកក្នុងសង្គ្រាមលោកលើកទី២ ។
ព្រលឹមស្រាងៗ ថ្ងៃ៧ ខែវិច្ឆិកាឆ្នាំ ១៩៤១ កងទ័ពជប៉ុនបានវាយប្រហារលើកំពង់ផែ Pearl Harbor ដែលជាមូលដ្ឋានទ័ពជើងទឹកអាមេរិកធំបំផុតមួយនៅទីក្រុងហូណូលូលូនៃ កោះហាវ៉ៃ ។ គ្មានអ្នកណាម្នាក់ធ្លាប់គិតថា ជប៉ុនថ្លើមធំហ៊ានចាប់ផ្តើមសង្គ្រាមប្រឆាំងអាមេរិកដូច្នេះទេ ហើយណាមួយអាមេរិកកាលនោះនៅសម្ងំមិនប្រឡូកក្នុងសង្គ្រាមលោកលើកទី២ ឡើយ។ ប៉ុន្តែអាមេរិកមិនពេញចិត្តឥរិយាបថរបស់ជប៉ុនតាំងពីយូរមកហើយ ក្រោយពេលដែលជប៉ុនប្រកាសសង្គ្រាមប្រឆាំងចិន ឆ្នាំ ១៩៣៧ នោះ។
ត្រឡប់មកវិញ ការវាយប្រហារតាមផ្លូវអាកាសរបស់ទាហានជប៉ុននេះបានសម្លាប់ទ័ពនិងជនស៊ីវិលអាមេរិកច្រើនជា ២៤០០ នាក់ ហើយវាក៏កម្ទេចនាវាចម្បាំងអាមេរិកជិត២០គ្រឿងដែលក្នុងចំណោមនោះមាននាវាចម្បាំងធុនធ្ងន់៨គ្រឿងដែរ ។ ក្រៅពីនេះ ការវាយប្រហាររបស់ជប៉ុននេះ ធ្វើឲ្យយន្តហោះចម្បាំង ១៦០គ្រឿងខ្ទេចខ្ទីរទាំងស្រុង និងយន្តហោះ១៥០ គ្រឿងផ្សេងទៀតខូចខាតធ្ងន់ធ្ងរ។
ការវាយកម្ទេចមូលដ្ឋានយោធាអាមេរិកនៅហាវ៉ៃយ៉ាងដំណំនេះជា យុទ្ធសាស្ត្ររបស់ចក្រពត្តិជប៉ុនសម័យនោះដើម្បី ដណ្តើមកាន់កាប់និងការពារទឹកដីអាណានិគមនៅអាស៊ីដែលលោកខាងលិចធ្លាប់កាន់កាប់។
តែទង្វើគឃ្លើនរបស់ជប៉ុនបានបង្ខំឲ្យអាមេរិកដែលមិនបានខ្វល់រឿងសង្គ្រាមលោកលើកទី២នោះ ហក់ចូលប្រឡូកនឹងគេដែរ។ មួយថ្ងៃក្រោយជប៉ុនវាយប្រហារ ប្រធានាធិបតីអាមេរិកលោក Franklin D. Roosevelt បានសម្រេចប្រកាសសង្គ្រាមប្រឆាំងជប៉ុនតែម្តង។
យ៉ាងណាកដោយ កំពង់ផែ Pearl Harbor បច្ចុប្បន្នបានក្លាយជាទីកន្លែងសម្រាប់អ្នកទេសចរចូលទៅទស្សនានិងស្វែងយល់ពីប្រវត្តិសាស្ត្រដ៏ខ្លោចផ្សានេះ ហើយវាក៏បានក្លាយជាទីកន្លែងសម្រាប់រំឭកវិញ្ញាក្ខ័ន្ធទាហាននិងប្រជាជនអាមេរិកពលីក្នុងការវាយប្រហារបស់ទ័ពជប៉ុន ។ ហើយនាវាពីរគ្រឿង USS Arizona និង USS Oklahoma ដែលស្ថិតក្នុងចំណោមនាវាចម្បាំងអាមេរិកដែលរងការបំផ្លាញ នោះក្លាយជាខ្មោចនាវាកប់នៅក្នុងសមុទ្រសម្រាប់អ្នកទេសចរទស្សនា។
សូមទស្សនារូបភាពនៅកំពង់ផែប្រវត្តិសាស្ត្រ និងទីកន្លែគោរពវិញ្ញាណក្ខន្ធទាហានពលីក្នុងពេលនោះ៖
ព្រលឹមស្រាងៗ ថ្ងៃ៧ ខែវិច្ឆិកាឆ្នាំ ១៩៤១ កងទ័ពជប៉ុនបានវាយប្រហារលើកំពង់ផែ Pearl Harbor ដែលជាមូលដ្ឋានទ័ពជើងទឹកអាមេរិកធំបំផុតមួយនៅទីក្រុងហូណូលូលូនៃ កោះហាវ៉ៃ ។ គ្មានអ្នកណាម្នាក់ធ្លាប់គិតថា ជប៉ុនថ្លើមធំហ៊ានចាប់ផ្តើមសង្គ្រាមប្រឆាំងអាមេរិកដូច្នេះទេ ហើយណាមួយអាមេរិកកាលនោះនៅសម្ងំមិនប្រឡូកក្នុងសង្គ្រាមលោកលើកទី២ ឡើយ។ ប៉ុន្តែអាមេរិកមិនពេញចិត្តឥរិយាបថរបស់ជប៉ុនតាំងពីយូរមកហើយ ក្រោយពេលដែលជប៉ុនប្រកាសសង្គ្រាមប្រឆាំងចិន ឆ្នាំ ១៩៣៧ នោះ។
ត្រឡប់មកវិញ ការវាយប្រហារតាមផ្លូវអាកាសរបស់ទាហានជប៉ុននេះបានសម្លាប់ទ័ពនិងជនស៊ីវិលអាមេរិកច្រើនជា ២៤០០ នាក់ ហើយវាក៏កម្ទេចនាវាចម្បាំងអាមេរិកជិត២០គ្រឿងដែលក្នុងចំណោមនោះមាននាវាចម្បាំងធុនធ្ងន់៨គ្រឿងដែរ ។ ក្រៅពីនេះ ការវាយប្រហាររបស់ជប៉ុននេះ ធ្វើឲ្យយន្តហោះចម្បាំង ១៦០គ្រឿងខ្ទេចខ្ទីរទាំងស្រុង និងយន្តហោះ១៥០ គ្រឿងផ្សេងទៀតខូចខាតធ្ងន់ធ្ងរ។
ការវាយកម្ទេចមូលដ្ឋានយោធាអាមេរិកនៅហាវ៉ៃយ៉ាងដំណំនេះជា យុទ្ធសាស្ត្ររបស់ចក្រពត្តិជប៉ុនសម័យនោះដើម្បី ដណ្តើមកាន់កាប់និងការពារទឹកដីអាណានិគមនៅអាស៊ីដែលលោកខាងលិចធ្លាប់កាន់កាប់។
តែទង្វើគឃ្លើនរបស់ជប៉ុនបានបង្ខំឲ្យអាមេរិកដែលមិនបានខ្វល់រឿងសង្គ្រាមលោកលើកទី២នោះ ហក់ចូលប្រឡូកនឹងគេដែរ។ មួយថ្ងៃក្រោយជប៉ុនវាយប្រហារ ប្រធានាធិបតីអាមេរិកលោក Franklin D. Roosevelt បានសម្រេចប្រកាសសង្គ្រាមប្រឆាំងជប៉ុនតែម្តង។
យ៉ាងណាកដោយ កំពង់ផែ Pearl Harbor បច្ចុប្បន្នបានក្លាយជាទីកន្លែងសម្រាប់អ្នកទេសចរចូលទៅទស្សនានិងស្វែងយល់ពីប្រវត្តិសាស្ត្រដ៏ខ្លោចផ្សានេះ ហើយវាក៏បានក្លាយជាទីកន្លែងសម្រាប់រំឭកវិញ្ញាក្ខ័ន្ធទាហាននិងប្រជាជនអាមេរិកពលីក្នុងការវាយប្រហារបស់ទ័ពជប៉ុន ។ ហើយនាវាពីរគ្រឿង USS Arizona និង USS Oklahoma ដែលស្ថិតក្នុងចំណោមនាវាចម្បាំងអាមេរិកដែលរងការបំផ្លាញ នោះក្លាយជាខ្មោចនាវាកប់នៅក្នុងសមុទ្រសម្រាប់អ្នកទេសចរទស្សនា។
សូមទស្សនារូបភាពនៅកំពង់ផែប្រវត្តិសាស្ត្រ និងទីកន្លែគោរពវិញ្ញាណក្ខន្ធទាហានពលីក្នុងពេលនោះ៖
Tag:
Pearl Harbor
ហាវ៉ៃ
ជប៉ុន
© រក្សាសិទ្ធិដោយ thmeythmey.com
