អន្តរជាតិ
×![]()
ដោយ: ថ្មីៗ
កីឡាករប្រដាល់ពិភពលោក Manny Pacqiuao នឹងអមដំណើរប្រធានាធិបតី Rodrigo Duterte ក្នុងដំណើរទស្សនកិច្ចផ្លូវរដ្ឋនៅកម្ពុជា។ កីឡាករប្រដាល់រូបនេះ មានប្រវត្តិកម្សត់ រត់ចេញពីផ្ទះ និងរស់នៅតាមដងផ្លូវយ៉ាងលំបាក មុននឹងក្លាយជាកំពូលអ្នកប្រដាល់ដែលមានលុយរាប់លានដុល្លារដូចពេលបច្ចុប្បន្ន។ Manny Pacquiao ក៏ជាសមាជិកព្រឹទ្ធសភាមួយរូបផងដែរ។
Manny Pacquiao រត់ចេញពីផ្ទះនៅអាយុ១៤ឆ្នាំ ហើយក្លាយជាកីឡាករប្រដាល់អាជីពនៅឆ្នាំ១៩៩៥ ពោលលោកមានវ័យត្រឹម១៦ឆ្នាំប៉ុណ្ណោះ។ បើតាមសារព័ត៌មាន The Independent លោក Freddie Roach ដែលជាអ្នកបង្វឹករបស់ Pacquiao និយាយថា មូលហេតុគួរឲ្យភ្ញាក់ផ្អើលដែលធ្វើ Pacquiao រត់ចេញពីផ្ទះ គឺឪពុករបស់គេសម្លាប់ឆ្កែចាំផ្ទះ ដើម្បីធ្វើម្ហូប។
ពេលចាប់ផ្ដើមអាជីពដំបូង Pacquiao បានឈ្នះ១១ប្រកួតជាប់ៗគ្នា តែចាញ់នៅប្រកួតទី១២ ក្រោមថ្វីដៃកីឡាករហ្វីលីពីន Rustico Torrecampo ។ Pacquiao ដែលគេគ្រប់គ្នាស្គាល់ថា Pacman ក្លាយជាជើងឯកពិភពលោកជាលើកដំបូងក្នុងឆ្នាំ១៩៩៨ ក្រោយផ្ដួលកីឡាករថៃ ដើម្បីគ្រងខ្សែក្រវ៉ាតទម្ងន់រុយរបស់ស្ថាប័ន WBC ។
បន្តបន្ទាប់មក កីឡាករសញ្ជាតិហ្វីលីពីនរូបនេះ ដណ្ដើមបានខ្សែក្រវ៉ាតជាច្រើនប្រភេទទម្ងន់មកពីស្ថាប័នពិភពលោកល្បីៗជាច្រើនដូចជា WBC, WBO, IBF និង WBA ជាដើម។ Pacquiao គឺជាកីឡាករប្រដាល់ពិភពលោកដំបូងគេ ដែលក្លាយជាម្ចាស់ខ្សែក្រវ៉ាត់៨ប្រភេទទម្ងន់ ក្រោយផ្ដួលកីឡាករ Antonio Margarito គ្រងជើងឯក WBC ប្រភេទទម្ងន់ស្រាល (១៥៤ផោន)។
ការប្រកួតដែលធ្វើឲ្យ Pacquiao កាន់តែល្បី គឺការប្រកួតដណ្ដើមខ្សែក្រវាត់ WBC ទល់នឹង Floyd Mayweather លើសង្វៀន MGM Grand Arena ក្នុងទីក្រុង Las Vegas ប៉ុន្តែ Pacquiao ចាញ់ដោយពិន្ទុ។ ក្នុងការប្រកួតនោះ កីឡាករទាំងពីរទទួលបានទឹកប្រាក់ច្រើនជាង៣០០លានដុល្លារ ដោយបែងចែកតាមរូបមន្ត៦០លើ៤០ ។ Mayweather ទទួលបានទឹកប្រាក់៦០ភាគរយ ចំណែក Pacman ទទួលបាន៤០ភាគរយស្មើនឹងជាង១២០លានដុល្លារ។
ងាកមករឿងនយោបាយវិញ Manny Pacquiao ចូលប្រឡូកនយោបាយក្នុងឆ្នាំ២០០៧ ដោយបានប្រកាសចូលរួមក្នុងការបោះឆ្នោតជ្រើសរើសតំណាងរាស្ត្រ។ មកដល់ឆ្នាំ២០១០ Pacquiao ក៏ទទួលជ័យជម្នះក្នុងការបោះឆ្នោតសមាជិកសភាសម្រាប់តំបន់ Sarangani ។ ក្នុងការបោះឆ្នោតឆ្នាំ២០១៦ Manny Pavquiao ក៏ជាប់ឆ្នោតជាសមាជិកព្រឹទ្ធសភាដែលមានអាណត្តិដល់ឆ្នាំ២០២២ ៕
Manny Pacquiao រត់ចេញពីផ្ទះនៅអាយុ១៤ឆ្នាំ ហើយក្លាយជាកីឡាករប្រដាល់អាជីពនៅឆ្នាំ១៩៩៥ ពោលលោកមានវ័យត្រឹម១៦ឆ្នាំប៉ុណ្ណោះ។ បើតាមសារព័ត៌មាន The Independent លោក Freddie Roach ដែលជាអ្នកបង្វឹករបស់ Pacquiao និយាយថា មូលហេតុគួរឲ្យភ្ញាក់ផ្អើលដែលធ្វើ Pacquiao រត់ចេញពីផ្ទះ គឺឪពុករបស់គេសម្លាប់ឆ្កែចាំផ្ទះ ដើម្បីធ្វើម្ហូប។
ពេលចាប់ផ្ដើមអាជីពដំបូង Pacquiao បានឈ្នះ១១ប្រកួតជាប់ៗគ្នា តែចាញ់នៅប្រកួតទី១២ ក្រោមថ្វីដៃកីឡាករហ្វីលីពីន Rustico Torrecampo ។ Pacquiao ដែលគេគ្រប់គ្នាស្គាល់ថា Pacman ក្លាយជាជើងឯកពិភពលោកជាលើកដំបូងក្នុងឆ្នាំ១៩៩៨ ក្រោយផ្ដួលកីឡាករថៃ ដើម្បីគ្រងខ្សែក្រវ៉ាតទម្ងន់រុយរបស់ស្ថាប័ន WBC ។
បន្តបន្ទាប់មក កីឡាករសញ្ជាតិហ្វីលីពីនរូបនេះ ដណ្ដើមបានខ្សែក្រវ៉ាតជាច្រើនប្រភេទទម្ងន់មកពីស្ថាប័នពិភពលោកល្បីៗជាច្រើនដូចជា WBC, WBO, IBF និង WBA ជាដើម។ Pacquiao គឺជាកីឡាករប្រដាល់ពិភពលោកដំបូងគេ ដែលក្លាយជាម្ចាស់ខ្សែក្រវ៉ាត់៨ប្រភេទទម្ងន់ ក្រោយផ្ដួលកីឡាករ Antonio Margarito គ្រងជើងឯក WBC ប្រភេទទម្ងន់ស្រាល (១៥៤ផោន)។
ការប្រកួតដែលធ្វើឲ្យ Pacquiao កាន់តែល្បី គឺការប្រកួតដណ្ដើមខ្សែក្រវាត់ WBC ទល់នឹង Floyd Mayweather លើសង្វៀន MGM Grand Arena ក្នុងទីក្រុង Las Vegas ប៉ុន្តែ Pacquiao ចាញ់ដោយពិន្ទុ។ ក្នុងការប្រកួតនោះ កីឡាករទាំងពីរទទួលបានទឹកប្រាក់ច្រើនជាង៣០០លានដុល្លារ ដោយបែងចែកតាមរូបមន្ត៦០លើ៤០ ។ Mayweather ទទួលបានទឹកប្រាក់៦០ភាគរយ ចំណែក Pacman ទទួលបាន៤០ភាគរយស្មើនឹងជាង១២០លានដុល្លារ។
ងាកមករឿងនយោបាយវិញ Manny Pacquiao ចូលប្រឡូកនយោបាយក្នុងឆ្នាំ២០០៧ ដោយបានប្រកាសចូលរួមក្នុងការបោះឆ្នោតជ្រើសរើសតំណាងរាស្ត្រ។ មកដល់ឆ្នាំ២០១០ Pacquiao ក៏ទទួលជ័យជម្នះក្នុងការបោះឆ្នោតសមាជិកសភាសម្រាប់តំបន់ Sarangani ។ ក្នុងការបោះឆ្នោតឆ្នាំ២០១៦ Manny Pavquiao ក៏ជាប់ឆ្នោតជាសមាជិកព្រឹទ្ធសភាដែលមានអាណត្តិដល់ឆ្នាំ២០២២ ៕
Tag:
ហ្វីលីពីន
Manny Pacquiao
© រក្សាសិទ្ធិដោយ thmeythmey.com
