អន្តរជាតិ
លោក Rex Tillerson មានទំនាក់ទំនងជិតស្និទ្ធខ្លាំងជាមួយប្រធានាធិបតី វ្ល៉ាឌីមៀ ពូទីន (រូបភាព Politico)
×![]()
ដោយ: តន ចាន់រិទ្ធារ៉ា
ក្រោយការសម្រិតសម្រាំងបេក្ខជនអស់មួយរយៈពេលមកនោះ ប្រធានាធិបតីជាប់ឆ្នោត ដូណាល់ ត្រាំ ទំនងជាជ្រើសរើសប្រមុខការទូតថ្មីហើយ។ ប្រភពពីក្រុមការងារអន្តរកាលរបស់លោកបានបង្ហើបថា លោក Rex Tillerson ដែលជាប្រធានក្រុមហ៊ុន ExxonMobil នឹងក្លាយជារដ្ឋមន្ត្រីការបរទេសថ្មីក្នុងរដ្ឋការលោក ដូណាល់ ត្រាំ ។ លោក ត្រាំ បានផាត់ចោលបេក្ខភាពជំនិតៗរបស់លោកជាច្រើនដែលសុទ្ធសឹងជាមនុស្សមានអតីតភាពនយោបាយ។
ចុងក្រោយទៅ ប្រធានាធិបតីជាប់ឆ្នោត ដូណាល់ ត្រាំ សម្រេចចិត្តជ្រើសយកអ្នកជំនួញប្រាក់វាល់លាន Rex Tillerson សម្រាប់តំណែងប្រមុខការទូតថ្មី។ មន្ត្រីជាន់ខ្ពស់ក្នុងក្រុមការងារអន្តរកាលនិយាយថា លោក ត្រាំ នឹងប្រកាសពីការសម្រេចចិត្តលោកនៅថ្ងៃទី១២ ខែធ្នូនេះ។ ប៉ុន្តែការជ្រើសរើសលោក Rex Tillerson ជារដ្ឋមន្ត្រីការបរទេស ទំនងបង្កជាការខ្វែងគំនិតគ្នាក្នុងចំណោមសមាជិកព្រឹទ្ធសភាមកពីបក្សសាធារណរដ្ឋ។
រឿងដែលគួរឲ្យចាប់អារម្មណ៍នោះ អនាគតរដ្ឋមន្ត្រីការបរទេសរូបនេះ មានទំនាក់ទំនងជិតស្និទ្ធខ្លាំងជាមួយប្រធានាធិបតីរុស្សី វ្ល៉ាឌីមៀ ពូទីន ហើយលោកថែមទាំងធ្លាប់បំពេញការងារជាច្រើនឆ្នាំនៅក្នុងក្រុមហ៊ុនរបស់លោកនៅតំបន់មជ្ឈិមបូព៌ាទៀតផង។ ចំណុចនេះហើយដែលធ្វើឲ្យសមាជិកព្រឹទ្ធសភាខ្លះនៃបក្សសាធារណរដ្ឋ ក៏ដូចជាសមាជិកមកបក្សប្រជាធិបតេយ្យ សង្ស័យលើការដឹកនាំគោលនយោបាយការបរទេសរបស់លោក ហើយក៏អាចមិនបោះឆ្នោតគាំទ្របេក្ខភាពអ្នកជំនួញរូបនេះដែរ។
កាលពីឆ្នាំ២០១៣ ប្រធានាធិបតី ពូទីន បានបំពាក់មេដាយ Order of Friendship ដល់លោក Tillerson ចំពោះស្នាដៃដែលលោកបានពង្រឹងកិច្ចសហប្រតិបត្តិការលើវិស័យថាមពល។ បើតាមទីភ្នាក់ងារព័ត៌មាន Reuters ទំនាក់ទំនងជិតស្និទ្ធនេះ អាចជាមូលហេតុដែលលោក ដូណាល់ ត្រាំ ទុកចិត្តឲ្យអ្នកជំនួញដូចគ្នាធ្វើប្រមុខការទូត បើទោះជាមិនសូវមានជំនាញការបរទេសក៏ដោយ។
ជាមួយនឹងការជ្រើសរើសលោក Tillerson ប្រធានាធិបតីជាប់ឆ្នោត ដូណាល់ ត្រាំ បានទាត់ចោលបេក្ខភាពដទៃទៀត ដែលធ្លាប់រំពឹងថា នឹងកាន់តំណែងសំខាន់។ អតីតអភិបាលក្រុង New York លោក Rudy Giuliani អតីតបេក្ខជនប្រធានាធិបតី Mitt Romney អតីតប្រធាន CIA លោក David Petraeus និងសមាជិកព្រឹទ្ធសភា Bob Corker ជាបេក្ខភាពបួនដែលគេឯងរំពឹងកាន់តំណែងនេះ។
ការរើសយកបេក្ខភាពរដ្ឋមន្ត្រីការបរទេសពីក្នុងចំណោមអ្នកជំនួញធំៗ ត្រូវគេមើលឃើញថា ជាយុទ្ធសាស្ត្រថ្មីរបស់ប្រធានាធិបតីជាប់ឆ្នោត ដូណាល់ ត្រាំ ដែលចង់បានអ្នកមានបទពិសោធន៍ដឹកនាំ ទៅគ្រប់គ្រងក្រសួងការបរទេស។ ម្យ៉ាងទៀត ភាពស្អិតល្មួតរវាងលោក Tillerson និងលោក ពូទីន ជាផលប្រយោជន៍មួយសម្រាប់លោក ត្រាំ ដែលកំពុងតែចង់ផ្សារភ្ជាប់ទំនាក់ទំនងជាមួយរុស្សីផងនោះ៕
ចុងក្រោយទៅ ប្រធានាធិបតីជាប់ឆ្នោត ដូណាល់ ត្រាំ សម្រេចចិត្តជ្រើសយកអ្នកជំនួញប្រាក់វាល់លាន Rex Tillerson សម្រាប់តំណែងប្រមុខការទូតថ្មី។ មន្ត្រីជាន់ខ្ពស់ក្នុងក្រុមការងារអន្តរកាលនិយាយថា លោក ត្រាំ នឹងប្រកាសពីការសម្រេចចិត្តលោកនៅថ្ងៃទី១២ ខែធ្នូនេះ។ ប៉ុន្តែការជ្រើសរើសលោក Rex Tillerson ជារដ្ឋមន្ត្រីការបរទេស ទំនងបង្កជាការខ្វែងគំនិតគ្នាក្នុងចំណោមសមាជិកព្រឹទ្ធសភាមកពីបក្សសាធារណរដ្ឋ។
រឿងដែលគួរឲ្យចាប់អារម្មណ៍នោះ អនាគតរដ្ឋមន្ត្រីការបរទេសរូបនេះ មានទំនាក់ទំនងជិតស្និទ្ធខ្លាំងជាមួយប្រធានាធិបតីរុស្សី វ្ល៉ាឌីមៀ ពូទីន ហើយលោកថែមទាំងធ្លាប់បំពេញការងារជាច្រើនឆ្នាំនៅក្នុងក្រុមហ៊ុនរបស់លោកនៅតំបន់មជ្ឈិមបូព៌ាទៀតផង។ ចំណុចនេះហើយដែលធ្វើឲ្យសមាជិកព្រឹទ្ធសភាខ្លះនៃបក្សសាធារណរដ្ឋ ក៏ដូចជាសមាជិកមកបក្សប្រជាធិបតេយ្យ សង្ស័យលើការដឹកនាំគោលនយោបាយការបរទេសរបស់លោក ហើយក៏អាចមិនបោះឆ្នោតគាំទ្របេក្ខភាពអ្នកជំនួញរូបនេះដែរ។
កាលពីឆ្នាំ២០១៣ ប្រធានាធិបតី ពូទីន បានបំពាក់មេដាយ Order of Friendship ដល់លោក Tillerson ចំពោះស្នាដៃដែលលោកបានពង្រឹងកិច្ចសហប្រតិបត្តិការលើវិស័យថាមពល។ បើតាមទីភ្នាក់ងារព័ត៌មាន Reuters ទំនាក់ទំនងជិតស្និទ្ធនេះ អាចជាមូលហេតុដែលលោក ដូណាល់ ត្រាំ ទុកចិត្តឲ្យអ្នកជំនួញដូចគ្នាធ្វើប្រមុខការទូត បើទោះជាមិនសូវមានជំនាញការបរទេសក៏ដោយ។
ជាមួយនឹងការជ្រើសរើសលោក Tillerson ប្រធានាធិបតីជាប់ឆ្នោត ដូណាល់ ត្រាំ បានទាត់ចោលបេក្ខភាពដទៃទៀត ដែលធ្លាប់រំពឹងថា នឹងកាន់តំណែងសំខាន់។ អតីតអភិបាលក្រុង New York លោក Rudy Giuliani អតីតបេក្ខជនប្រធានាធិបតី Mitt Romney អតីតប្រធាន CIA លោក David Petraeus និងសមាជិកព្រឹទ្ធសភា Bob Corker ជាបេក្ខភាពបួនដែលគេឯងរំពឹងកាន់តំណែងនេះ។
ការរើសយកបេក្ខភាពរដ្ឋមន្ត្រីការបរទេសពីក្នុងចំណោមអ្នកជំនួញធំៗ ត្រូវគេមើលឃើញថា ជាយុទ្ធសាស្ត្រថ្មីរបស់ប្រធានាធិបតីជាប់ឆ្នោត ដូណាល់ ត្រាំ ដែលចង់បានអ្នកមានបទពិសោធន៍ដឹកនាំ ទៅគ្រប់គ្រងក្រសួងការបរទេស។ ម្យ៉ាងទៀត ភាពស្អិតល្មួតរវាងលោក Tillerson និងលោក ពូទីន ជាផលប្រយោជន៍មួយសម្រាប់លោក ត្រាំ ដែលកំពុងតែចង់ផ្សារភ្ជាប់ទំនាក់ទំនងជាមួយរុស្សីផងនោះ៕
Tag:
អាមេរិក
ដូណាល់ ត្រាំ
Rex Tillerson
© រក្សាសិទ្ធិដោយ thmeythmey.com
