អន្តរជាតិ
Duterte៖ ទស្សនកិច្ចនៅប្រទេសអាស៊ានដើម្បីសម្រេចបានគោលនយោបាយរួមពេលហ្វីលីពីនជាប្រធានអាស៊ានឆ្នាំក្រោយ
×![]()
លោកប្រធានាធិបតីហ្វីលីពីន រ៉ូឌ្រីហ្គូ ឌើទើតេ បានអះអាងថា មូលហេតុដែលលោកត្រូវបំពេញទស្សនកិច្ចទៅកាន់ប្រទេសអាស៊ានជាប់ៗគ្នានេះគឺដើម្បីស្វែងយល់ពីគោលជំហររបស់ប្រទេសនីមួយៗដើម្បីជាភាពងាយស្រួលក្នុងការបង្កើតគោលនយោបាយរួមគ្នាមួយនៅពេលហ្វីលីពីនត្រូវធ្វើជាប្រធានកិច្ចប្រជុំកំពូលអាស៊ាននៅចុងឆ្នាំក្រោយនោះ។
មុនពេលចាកចេញពីហ្វីលីពីនមកកាន់កម្ពុជាសម្រាប់ដំណើរទស្សនកិច្ចផ្លូវរដ្ឋនៅល្ងាចថ្ងៃទី១៣ ធ្នូនេះ លោកប្រធានាធិបតីរ៉ូឌ្រីហ្គូ ឌើទើតេ បានថ្លែងទៅកាន់អ្នកសារព័ត៌មានយ៉ាងដូច្នេះថា៖«...ដោយសារហ្វីលីពីនត្រូវរៀបចំកិច្ចប្រជុំកំពូលអាស៊ាននៅខែវិច្ឆិកាឆ្នាំក្រោយនេះ ខ្ញុំត្រូវធ្វើដំណើរទៅកាន់ប្រទេសអាស៊ានដើម្បីស្វែងយល់ពីទស្សនៈដែលអាចជាគោលនយោបាយរបស់អាស៊ានជាមួយនឹងប្រទេសនានាលើពិភពលោក និងព្យាយាមធ្វើយ៉ាងណាដើម្បីបង្កើតគោលជំហរមួយរួមគ្នា»។
សូមជម្រាបផងដែរថា ចាប់ពីថ្ងៃទី០៥ ខែមករា ឆ្នាំ២០១៧ តទៅ ហ្វីលីពីន នឹងក្លាយជាប្រធានវិលជុំអាស៊ានជាផ្លូវការហើយ។ ជាប្រធានអាស៊ានឆ្នាំក្រោយ ហ្វីលីពីន មិនត្រឹមតែជាអ្នកសម្របសម្រួលសម្រាប់កិច្ចប្រជុំកំពូលពាក់ព័ន្ធអាស៊ានលើកទី៣០ និង៣១នោះទេ តែ ហ្វីលីពីន ក៏មានកាតព្វកិច្ចក្នុងការរៀបចំ កម្មវិធីសម្រាប់ខួបលើកទី៥០របស់អាស៊ាន ដែលជាពេលកំណត់មួយដ៏សំខាន់ក្នុងប្រវត្តិសាស្ត្រនៃការបង្កើតអាស៊ាននោះ។ ទោះតិច ឬច្រើន ហ្វីលីពីន ត្រូវមានកាត្វកិច្ច បង្ហាញពីលក្ខណៈពិសេសសម្រាប់ឱកាសមួយនេះទៅកាន់បណ្តាសមាជិកអាស៊ាន ក៏ដូចជាដៃគូផ្សេងទៀតរបស់អាស៊ាន ដ្បិត ហ្វីលីពីន ក៏ជាស្ថាបនិករបស់អាស៊ានក្នុងឆ្នាំ១៩៦៧ផងដែរ។
អ្វីគួរកត់សម្គាល់នោះ ក្នុងថ្ងៃដែលប្រធានាធិបតីហ្វីលីពីន លោក រ៉ូឌ្រីហ្គូ ឌើទើតេ ទទួលញញួរជាប្រធានអាស៊ានពីឡាវក្រោយពេលក្រោយពេលបញ្ចប់កិច្ចប្រជុំអាស៊ានលើកទី២៨ និងលើកទី២៩ នៅប្រទេសឡាវ នៅថ្ងៃទី០៨ខែ កញ្ញាកន្លងទៅ លោក ក៏បានប្រកាសពីរបៀបវារៈដែរ ហើយនោះគឺភាពជាដៃគូរការផ្លាស់ប្ដូរ ការចូលរួមជាមួយពិភពលោក គឺជាមូលបទរបស់ហ្វីលីពីន ក្នុងនាមជាប្រធានអាស៊ាន។ បន្ថែមពីនេះ លោក ក៏បានសង្កត់ធ្ងន់ដែរថា «ក្នុងឋានៈជាប្រធានអាស៊ាន ហ្វីលីពីននឹងធ្វើឲ្យអាស៊ានលេចធ្លោជាគំរូនៃតំបន់និយម និងជាតួអង្គសកលលោក ដោយចាត់ទុកផលប្រយោជន៍របស់ប្រជាជនជាស្នូល»។
សូមរម្លឹកបន្តិចដែរថា លោក រ៉ូឌ្រីហ្គូ ឌើទើតេ បានឡើងកាន់អំណាចជាប្រធានាធិបតីហ្វីលីពីនថ្មីនៅថ្ងៃទី៣០ ខែមិថុនា កន្លងទៅ។ គិតចាប់ពីការឡើងអំណាចមក លោកបានបំពេញទស្សនកិច្ចទៅកាន់បណ្តាប្រទេសមិត្តអាស៊ានដូចជា ឡាវ ឥណ្ឌូនេស៊ី ព្រុយណេ វៀតណាម និង ម៉ាឡេស៊ី ហើយកម្ពុជា គឺជាប្រទេសទីប្រាំមួយហើយ ដែលលោក នឹងត្រូវបំពេញទស្សនកិច្ចនៅក្នុងតំបន់អាស៊ាននោះ។ បន្ទាប់ពីកម្ពុជា លោកប្រធានាធិបតី នឹងបន្តបំពេញទស្សនកិច្ចទៅកាន់សិង្ហបុរីផងដែរ៕
មុនពេលចាកចេញពីហ្វីលីពីនមកកាន់កម្ពុជាសម្រាប់ដំណើរទស្សនកិច្ចផ្លូវរដ្ឋនៅល្ងាចថ្ងៃទី១៣ ធ្នូនេះ លោកប្រធានាធិបតីរ៉ូឌ្រីហ្គូ ឌើទើតេ បានថ្លែងទៅកាន់អ្នកសារព័ត៌មានយ៉ាងដូច្នេះថា៖«...ដោយសារហ្វីលីពីនត្រូវរៀបចំកិច្ចប្រជុំកំពូលអាស៊ាននៅខែវិច្ឆិកាឆ្នាំក្រោយនេះ ខ្ញុំត្រូវធ្វើដំណើរទៅកាន់ប្រទេសអាស៊ានដើម្បីស្វែងយល់ពីទស្សនៈដែលអាចជាគោលនយោបាយរបស់អាស៊ានជាមួយនឹងប្រទេសនានាលើពិភពលោក និងព្យាយាមធ្វើយ៉ាងណាដើម្បីបង្កើតគោលជំហរមួយរួមគ្នា»។
សូមជម្រាបផងដែរថា ចាប់ពីថ្ងៃទី០៥ ខែមករា ឆ្នាំ២០១៧ តទៅ ហ្វីលីពីន នឹងក្លាយជាប្រធានវិលជុំអាស៊ានជាផ្លូវការហើយ។ ជាប្រធានអាស៊ានឆ្នាំក្រោយ ហ្វីលីពីន មិនត្រឹមតែជាអ្នកសម្របសម្រួលសម្រាប់កិច្ចប្រជុំកំពូលពាក់ព័ន្ធអាស៊ានលើកទី៣០ និង៣១នោះទេ តែ ហ្វីលីពីន ក៏មានកាតព្វកិច្ចក្នុងការរៀបចំ កម្មវិធីសម្រាប់ខួបលើកទី៥០របស់អាស៊ាន ដែលជាពេលកំណត់មួយដ៏សំខាន់ក្នុងប្រវត្តិសាស្ត្រនៃការបង្កើតអាស៊ាននោះ។ ទោះតិច ឬច្រើន ហ្វីលីពីន ត្រូវមានកាត្វកិច្ច បង្ហាញពីលក្ខណៈពិសេសសម្រាប់ឱកាសមួយនេះទៅកាន់បណ្តាសមាជិកអាស៊ាន ក៏ដូចជាដៃគូផ្សេងទៀតរបស់អាស៊ាន ដ្បិត ហ្វីលីពីន ក៏ជាស្ថាបនិករបស់អាស៊ានក្នុងឆ្នាំ១៩៦៧ផងដែរ។
អ្វីគួរកត់សម្គាល់នោះ ក្នុងថ្ងៃដែលប្រធានាធិបតីហ្វីលីពីន លោក រ៉ូឌ្រីហ្គូ ឌើទើតេ ទទួលញញួរជាប្រធានអាស៊ានពីឡាវក្រោយពេលក្រោយពេលបញ្ចប់កិច្ចប្រជុំអាស៊ានលើកទី២៨ និងលើកទី២៩ នៅប្រទេសឡាវ នៅថ្ងៃទី០៨ខែ កញ្ញាកន្លងទៅ លោក ក៏បានប្រកាសពីរបៀបវារៈដែរ ហើយនោះគឺភាពជាដៃគូរការផ្លាស់ប្ដូរ ការចូលរួមជាមួយពិភពលោក គឺជាមូលបទរបស់ហ្វីលីពីន ក្នុងនាមជាប្រធានអាស៊ាន។ បន្ថែមពីនេះ លោក ក៏បានសង្កត់ធ្ងន់ដែរថា «ក្នុងឋានៈជាប្រធានអាស៊ាន ហ្វីលីពីននឹងធ្វើឲ្យអាស៊ានលេចធ្លោជាគំរូនៃតំបន់និយម និងជាតួអង្គសកលលោក ដោយចាត់ទុកផលប្រយោជន៍របស់ប្រជាជនជាស្នូល»។
សូមរម្លឹកបន្តិចដែរថា លោក រ៉ូឌ្រីហ្គូ ឌើទើតេ បានឡើងកាន់អំណាចជាប្រធានាធិបតីហ្វីលីពីនថ្មីនៅថ្ងៃទី៣០ ខែមិថុនា កន្លងទៅ។ គិតចាប់ពីការឡើងអំណាចមក លោកបានបំពេញទស្សនកិច្ចទៅកាន់បណ្តាប្រទេសមិត្តអាស៊ានដូចជា ឡាវ ឥណ្ឌូនេស៊ី ព្រុយណេ វៀតណាម និង ម៉ាឡេស៊ី ហើយកម្ពុជា គឺជាប្រទេសទីប្រាំមួយហើយ ដែលលោក នឹងត្រូវបំពេញទស្សនកិច្ចនៅក្នុងតំបន់អាស៊ាននោះ។ បន្ទាប់ពីកម្ពុជា លោកប្រធានាធិបតី នឹងបន្តបំពេញទស្សនកិច្ចទៅកាន់សិង្ហបុរីផងដែរ៕
Tag:
ហ្វីលីពីន
អាស៊ាន
© រក្សាសិទ្ធិដោយ thmeythmey.com
