កីឡាជាតិ
ជាតិ
លោក អេ ភូថង ថាកីឡាករខ្មែរមានកម្លាំងចិត្តច្រើនពេលជួប Pacquiao ដែលជា Idol
×![]()
អតីតកីឡាករជើងខ្លាំងរបស់កម្ពុជា អេ ភូថង ដែលបច្ចុប្បន្នជាគ្រូបង្វឹកគុនខ្មែរទទួលស្គាល់ថា ស្តេចប្រដាល់ពិភពលោកសញ្ជាតិហ្វីលីពីន Manny Pacquiao ជាកីឡាករដែលមានសមត្ថភាពខ្ពស់នៅក្នុងតំបន់អាស៊ី និងពិភពលោក។ លើសពីនេះជាកីឡាករដែលមានដៃរហ័ស និងល្បឿនលឿន។ ហើយលោកយល់ឃើញថា វត្តមានរបស់ស្តេចប្រដាល់នៅកម្ពុជាលើកនេះ នឹងជួយជំរុញទឹកចិត្តកីឡាករកម្ពុជាឲ្យខិតខំហ្វឹកហាត់កាន់តែខ្លាំង។
លោក អេ ភូថង អតីតកីឡាករជើងខ្លាំងរបស់កម្ពុជាដែលមានរហស្សនាមថា«ជង្គង់ហោះកែងឆេះ» ហើយបច្ចុប្បន្នជាគ្រូង្វឹកគុនខ្មែរបានបង្ហាញការយល់ឃើញចំពោះចំណុចខ្លាំងរបស់ស្តេចប្រដាល់ពិភពលោក Manny Pacquiao ថា ជាកីឡាករដែលមានដៃធ្ងន់រហ័ស និងមានល្បឿនលឿន ជាពិសេសមានស៊ុះល្អ មិនងាយហត់។
«អូហ៍គាត់រហ័ស! ទី១គាត់រហ័សស៊ុះគាត់ល្អ ពេលគាត់វាយគាត់អត់ងាយហត់ ហើយពេលដៃគាត់ចេញ គឺចេញបីបួនៗតែម្តង តែបើគាត់អត់ចេញគឺគាត់នៅញាក់ៗតែបើចេញបីបួនៗម៉ង។ អ៊ីចឹងចំណុចខ្លាំងរបស់គាត់ គឺដៃគាត់រហ័សលឿនហើយធ្ងន់»។ នេះជាទស្សនរបស់លោក អេ ភូថង ជុំវិញចំណុចខ្លាំងរបស់ Pacquiao។
ដោយសារមើលឃើញពីចំណុចល្អរបស់ស្តេចប្រដាល់សញ្ជាតិហ្វីលីពីន Pacquiao បានធ្វើឲ្យលោក អេ ភូថង មានការរំពឹងថា ប្រសិនបើមានថ្ងៃណាមួយស្តេចរូបនេះមកបង្វឹកកីឡាករនៅកម្ពុជា លោកនឹងតាមដានពិនិត្យដោយយកចិត្តទុកដាក់បំផុត ដើម្បីដកស្រង់យកបទពិសោធន៍ក៏ដូចជាតិចនិកសម្រាប់បង្វឹកកីឡាករកម្ពុជា។
អតីតកីឡាករជើងខ្លាំងប្រដាល់សេរីរូបនេះបានចាត់ទុកដំណើរទស្សនកិច្ចរយៈពេល២ថ្ងៃរបស់ Pacquiao នៅកម្ពុជាថា ជាកត្តាមួយដ៏ល្អក្នុងការជួយជំរុញទឹកចិត្តកីឡាករកម្ពុជាឲ្យខិតខំហ្វឹកហាត់កីឡាប្រដាល់កាន់តែខ្លាំង។
គួរបញ្ជាក់ថា កីឡាករ Pacquiao ដែលជាសមាជិកព្រឹទ្ធសភារបស់ហ្វីលីពីនរួមជាមួយលោកប្រនាធិបតីហ្វីលីពីន Duterte មកបំពេញទស្សនកិច្ចផ្លូវរដ្ឋរយៈពេល២ថ្ងៃនៅកម្ពុជាចាប់ពីថ្ងៃទី១៣ ដល់ថ្ងៃទី១៤ ខែធ្នូ។ នៅថ្ងៃទី១៤ ខែធ្នូ នេះជាថ្ងៃចុងនៃដំណើរទស្សនកិច្ចផ្លូវការរបស់ Pacquiao និងលោក Duterte ដោយលោកនឹងចាកចេញពីកម្ពុជានាវេលាម៉ោង៩យប់នេះ៕
លោក អេ ភូថង អតីតកីឡាករជើងខ្លាំងរបស់កម្ពុជាដែលមានរហស្សនាមថា«ជង្គង់ហោះកែងឆេះ» ហើយបច្ចុប្បន្នជាគ្រូង្វឹកគុនខ្មែរបានបង្ហាញការយល់ឃើញចំពោះចំណុចខ្លាំងរបស់ស្តេចប្រដាល់ពិភពលោក Manny Pacquiao ថា ជាកីឡាករដែលមានដៃធ្ងន់រហ័ស និងមានល្បឿនលឿន ជាពិសេសមានស៊ុះល្អ មិនងាយហត់។
«អូហ៍គាត់រហ័ស! ទី១គាត់រហ័សស៊ុះគាត់ល្អ ពេលគាត់វាយគាត់អត់ងាយហត់ ហើយពេលដៃគាត់ចេញ គឺចេញបីបួនៗតែម្តង តែបើគាត់អត់ចេញគឺគាត់នៅញាក់ៗតែបើចេញបីបួនៗម៉ង។ អ៊ីចឹងចំណុចខ្លាំងរបស់គាត់ គឺដៃគាត់រហ័សលឿនហើយធ្ងន់»។ នេះជាទស្សនរបស់លោក អេ ភូថង ជុំវិញចំណុចខ្លាំងរបស់ Pacquiao។
ដោយសារមើលឃើញពីចំណុចល្អរបស់ស្តេចប្រដាល់សញ្ជាតិហ្វីលីពីន Pacquiao បានធ្វើឲ្យលោក អេ ភូថង មានការរំពឹងថា ប្រសិនបើមានថ្ងៃណាមួយស្តេចរូបនេះមកបង្វឹកកីឡាករនៅកម្ពុជា លោកនឹងតាមដានពិនិត្យដោយយកចិត្តទុកដាក់បំផុត ដើម្បីដកស្រង់យកបទពិសោធន៍ក៏ដូចជាតិចនិកសម្រាប់បង្វឹកកីឡាករកម្ពុជា។
អតីតកីឡាករជើងខ្លាំងប្រដាល់សេរីរូបនេះបានចាត់ទុកដំណើរទស្សនកិច្ចរយៈពេល២ថ្ងៃរបស់ Pacquiao នៅកម្ពុជាថា ជាកត្តាមួយដ៏ល្អក្នុងការជួយជំរុញទឹកចិត្តកីឡាករកម្ពុជាឲ្យខិតខំហ្វឹកហាត់កីឡាប្រដាល់កាន់តែខ្លាំង។
គួរបញ្ជាក់ថា កីឡាករ Pacquiao ដែលជាសមាជិកព្រឹទ្ធសភារបស់ហ្វីលីពីនរួមជាមួយលោកប្រនាធិបតីហ្វីលីពីន Duterte មកបំពេញទស្សនកិច្ចផ្លូវរដ្ឋរយៈពេល២ថ្ងៃនៅកម្ពុជាចាប់ពីថ្ងៃទី១៣ ដល់ថ្ងៃទី១៤ ខែធ្នូ។ នៅថ្ងៃទី១៤ ខែធ្នូ នេះជាថ្ងៃចុងនៃដំណើរទស្សនកិច្ចផ្លូវការរបស់ Pacquiao និងលោក Duterte ដោយលោកនឹងចាកចេញពីកម្ពុជានាវេលាម៉ោង៩យប់នេះ៕
© រក្សាសិទ្ធិដោយ thmeythmey.com
