ពីនេះ ពីនោះ
ព័ត៍មានសុខភាព
ខួរក្បាលក្មេងប្រុស និងក្មេងស្រី រីកលូតលាស់ខុសគ្នាមែនទេ?
× ដំណើរការរបស់ខួរក្បាល គឺពិតជាសាំញ៉ាំ ហើយពេលខ្លះ ធ្វើឲ្យយើងនឹងស្មានមិនដល់នោះទេ។ ទោះបីជាយ៉ាងណាក៏ដោយ អ្នកជំនាញបាននិយាយថា ខួរក្បាលរបស់ក្មេងប្រុស និងក្មេងស្រី មានការលូតលាស់ខុសគ្នាបន្តិចបន្តួច។
• នៅក្នុងពោះម្តាយ រាងកាយរបស់ក្មេងប្រុស សំបូរទៅដោយអ័រម៉ូន testosterone នៅចន្លោះសប្តាហ៍ទី ៦ ដល់ទី ២៤ ដែលធ្វើឲ្យខួរក្បាលរបស់គេ លូតលាស់ខុសគ្នាបន្តិច ពីខួរក្បាលរបស់ក្មេងស្រី។ ការសិក្សាបានបង្ហាញថា អ័រម៉ូននេះកាន់តែច្រើន ក្មេងនោះនឹងមានសកម្មភាព ឬរពឹសកាន់តែខ្លាំង។
• ខួរក្បាលក្មេងប្រុស លូតលាស់លឿនជាងខួរក្បាលក្មេងស្រីបន្តិច ពេលកើតមកបីខែដំបូង។
• ញាណរបស់ក្មេងស្រី ដូចជា ការមើលឃើញ និងការស្តាប់ ច្រើនតែលឿនជាងក្មេងប្រុសទៅវិញ។
វាពិបាកណាស់ ក្នុងការចាត់ចំនាត់ថ្នាក់ ទៅលើសកម្មភាព និងឥរិយាបទរបស់កុមារនៅពេលក្រោយមកទៀត ពីព្រោះ ខួរក្បាលរបស់ពួកគេ ពិតជាសាំញ៉ាំច្រើនណាស់។
យ៉ាងណាមិញ កត្តាតំណរពូជរបស់ឪពុកម្តាយ និងការចិញ្ចឹមមើលថែទាំគេ អាចជះឥទ្ធិពលច្រើន ទៅលើខួរក្បាល និងការចងចាំរបស់កូន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com