អន្តរជាតិ
ការជម្លៀសប្រជាជនពី Aleppoចាប់ផ្តើមឡើងវិញ ខណៈ UNត្រៀមបញ្ជូនអ្នកសង្កេតការណ៍ទៅឃ្លាំមើល
×![]()
ការប្រតិបត្តិការជម្លៀសប្រជាជនស៊ីរីទាំងជនស៊ីវិលនិងក្រុមឧទ្ទាមពីភាគខាងកើតក្រុង Aleppo ចាប់ផ្តើមឡើងវិញក្រោយពេលដែលមានក្រុមប្រដាប់អាវុធដុតឡានច្រើនគ្រឿងនៅភូមិចំនួនពីរដែលស្ថិតក្រោមការហ៊ុមព័ទ្ធរបស់កងទ័ពរដ្ឋាភិបាល។ វាកើតឡើងក្រោយ ពេលក្រុមប្រឹក្សាសន្តិសុខឯកភាពគ្នាលើដំណោះស្រាយមួយដែលធានាឲ្យមានអ្នកសង្កេតការណ៍របស់អង្គការសហប្រជាជាតិត្រួតពិនិត្យការជម្លៀសនេះ។
ជនស៊ីវិលនិងក្រុមឧទ្ទាមដែលស្ថិតនៅភាគខាងកើតក្រុង Aleppo បន្តជម្លៀសខ្លួនតាមឡានក្រុងជាថ្មីទៀតនៅថ្ងៃ ១៩ ខែធ្នូនេះ ក្រោយប្រតិបត្តិការជម្លៀសនេះត្រូវផ្អាកបណ្តោះអាសន្ននៅថ្ងៃអាទិត្យក្រោយពេលក្រុមប្រដាប់អាវុធមួយក្រុមដុតឡានកម្ទេចោលអស់ជាច្រើនគ្រឿង។
យោងតាមទីភ្នាក់ងារព័ត៌មាន ប្រតិបត្តិការជម្លៀសប្រជាជននិងក្រុមសកម្មប្រយុទ្ធស៊ីរីនេះបន្តធ្វើឡើងតាមកិច្ចព្រមព្រៀងដ៏ស្មុគ្រស្មាញមួយដែលសម្រេចបានកាលពីដើមសប្តាហ៍មុនក្រោមការផ្តួចផ្តើមរបស់រុស្ស៊ី និងតួកគី។ ហើយគេរំពឹងថា ប្រជាជនរាប់រយនាក់នឹងអាចចាកចេញបន្តបន្ទាប់ពីភាគខាងកើតក្រុង Aleppo នេះដែរ។
គេឃើញប្រជាជនស៊ីរីរាប់ម៉ឺននាក់ប្រមូលផ្តុំរង់ចាំជិះរថយន្តដើម្បីចាកចេញពីទីក្រុងដែលជាកន្លែងបង្ហូរឈាមគ្នានេះ។ ប៉ុន្តែពួកគេត្រូវបង្ខំចិត្តដេកតាមផ្លូវត្រៀបត្រាទាំងអាកាសធាតុត្រជាក់ខ្លាំងផង ព្រោះការជម្លៀសពលរដ្ឋចេញនេះត្រូវគេផ្អាកជាញឹកញាប់កន្លងមក។
ដោយឡែក ការចាប់ផ្តើមប្រតិបត្តិការជម្លៀសប្រជាជននេះឡើងវិញក៏កើតឡើងស្របពេលដែលមហាអំណាសមាជិកក្រុមប្រឹក្សាសន្តិសុខបានឯកភាពគ្នាថា នឹងបោះឆ្នោតអនុម័តដំណោះស្រាយមួយស្តីពីបញ្ហា Aleppo និងការបញ្ជូនអ្នកសង្កេតការណ៍អង្គការសហប្រជាជាតិទៅឃ្លាំមើលដំណើរការជម្លៀសមនុស្សចេញនេះនៅថ្ងៃចន្ទនេះដែរ។
ដើមឡើយ ក្រុមប្រឹក្សាសន្តិសុខគ្រោងបោះឆ្នោតលើដំណោះស្រាយដែលព្រាងឡើយដោយបារាំង ដែលចង់ឲ្យមានការបញ្ជូនអ្នកសង្កេតការណ៍ទៅឃ្លាំមើលប្រតិបត្តិការជម្លៀសមនុស្ស ។ ប៉ុន្តែរុស្ស៊ីជំទាស់ ដោយលើកឡើងពីក្តីបារម្ភមួយចំនួនរបស់ខ្លួនពាក់ព័ន្ធការបញ្ជូនអ្នកសង្កេតការណ៍ដោយគ្មានការត្រៀមលក្ខណៈជាមុននោះ។ ចុងក្រោយរុស្ស៊ីនិងបារាំងសុខចិត្តពិភាក្សាគ្នាដោយបញ្ចូលដំណោះស្រាយរបស់គេរៀងៗខ្លួនពាក់ព័ន្ធការបញ្ជូនអ្នកសង្កេតការណ៍នេះដើម្បីសម្រេចបានដំណោះស្រាយមួយដែលភាគីទាំងសងខាងទទួលយក។
ឯកអគ្គរដ្ឋទូតអាមេរិកប្រចាំអង្គការសហប្រជាជាតិលោកស្រី Samantha Power បានបញ្ជាក់ថា ក្រុមប្រឹក្សាសន្តិសុខត្រៀមលក្ខណៈដើម្បីបោះឆ្នោតអនុម័តដំណោះស្រាយនេះហើយ។
ចំណែកបេសកជនរុស្ស៊ីប្រចាំអង្គការសហប្រជាជាតិលោក Vitaly Churkin ក៏បានបញ្ជាក់យ៉ាងច្បាស់ ថារុស្ស៊ីគាំទ្រដំណោះស្រាយដែលរួមបញ្ចូលគ្នានេះ ហើយវាជាដំណោះស្រាយមួយដ៏ល្អ។
ជនស៊ីវិលនិងក្រុមឧទ្ទាមដែលស្ថិតនៅភាគខាងកើតក្រុង Aleppo បន្តជម្លៀសខ្លួនតាមឡានក្រុងជាថ្មីទៀតនៅថ្ងៃ ១៩ ខែធ្នូនេះ ក្រោយប្រតិបត្តិការជម្លៀសនេះត្រូវផ្អាកបណ្តោះអាសន្ននៅថ្ងៃអាទិត្យក្រោយពេលក្រុមប្រដាប់អាវុធមួយក្រុមដុតឡានកម្ទេចោលអស់ជាច្រើនគ្រឿង។
យោងតាមទីភ្នាក់ងារព័ត៌មាន ប្រតិបត្តិការជម្លៀសប្រជាជននិងក្រុមសកម្មប្រយុទ្ធស៊ីរីនេះបន្តធ្វើឡើងតាមកិច្ចព្រមព្រៀងដ៏ស្មុគ្រស្មាញមួយដែលសម្រេចបានកាលពីដើមសប្តាហ៍មុនក្រោមការផ្តួចផ្តើមរបស់រុស្ស៊ី និងតួកគី។ ហើយគេរំពឹងថា ប្រជាជនរាប់រយនាក់នឹងអាចចាកចេញបន្តបន្ទាប់ពីភាគខាងកើតក្រុង Aleppo នេះដែរ។
គេឃើញប្រជាជនស៊ីរីរាប់ម៉ឺននាក់ប្រមូលផ្តុំរង់ចាំជិះរថយន្តដើម្បីចាកចេញពីទីក្រុងដែលជាកន្លែងបង្ហូរឈាមគ្នានេះ។ ប៉ុន្តែពួកគេត្រូវបង្ខំចិត្តដេកតាមផ្លូវត្រៀបត្រាទាំងអាកាសធាតុត្រជាក់ខ្លាំងផង ព្រោះការជម្លៀសពលរដ្ឋចេញនេះត្រូវគេផ្អាកជាញឹកញាប់កន្លងមក។
ដោយឡែក ការចាប់ផ្តើមប្រតិបត្តិការជម្លៀសប្រជាជននេះឡើងវិញក៏កើតឡើងស្របពេលដែលមហាអំណាសមាជិកក្រុមប្រឹក្សាសន្តិសុខបានឯកភាពគ្នាថា នឹងបោះឆ្នោតអនុម័តដំណោះស្រាយមួយស្តីពីបញ្ហា Aleppo និងការបញ្ជូនអ្នកសង្កេតការណ៍អង្គការសហប្រជាជាតិទៅឃ្លាំមើលដំណើរការជម្លៀសមនុស្សចេញនេះនៅថ្ងៃចន្ទនេះដែរ។
ដើមឡើយ ក្រុមប្រឹក្សាសន្តិសុខគ្រោងបោះឆ្នោតលើដំណោះស្រាយដែលព្រាងឡើយដោយបារាំង ដែលចង់ឲ្យមានការបញ្ជូនអ្នកសង្កេតការណ៍ទៅឃ្លាំមើលប្រតិបត្តិការជម្លៀសមនុស្ស ។ ប៉ុន្តែរុស្ស៊ីជំទាស់ ដោយលើកឡើងពីក្តីបារម្ភមួយចំនួនរបស់ខ្លួនពាក់ព័ន្ធការបញ្ជូនអ្នកសង្កេតការណ៍ដោយគ្មានការត្រៀមលក្ខណៈជាមុននោះ។ ចុងក្រោយរុស្ស៊ីនិងបារាំងសុខចិត្តពិភាក្សាគ្នាដោយបញ្ចូលដំណោះស្រាយរបស់គេរៀងៗខ្លួនពាក់ព័ន្ធការបញ្ជូនអ្នកសង្កេតការណ៍នេះដើម្បីសម្រេចបានដំណោះស្រាយមួយដែលភាគីទាំងសងខាងទទួលយក។
ឯកអគ្គរដ្ឋទូតអាមេរិកប្រចាំអង្គការសហប្រជាជាតិលោកស្រី Samantha Power បានបញ្ជាក់ថា ក្រុមប្រឹក្សាសន្តិសុខត្រៀមលក្ខណៈដើម្បីបោះឆ្នោតអនុម័តដំណោះស្រាយនេះហើយ។
ចំណែកបេសកជនរុស្ស៊ីប្រចាំអង្គការសហប្រជាជាតិលោក Vitaly Churkin ក៏បានបញ្ជាក់យ៉ាងច្បាស់ ថារុស្ស៊ីគាំទ្រដំណោះស្រាយដែលរួមបញ្ចូលគ្នានេះ ហើយវាជាដំណោះស្រាយមួយដ៏ល្អ។
Tag:
Aleppo
ស៊ីរី
Samantha Power
Vitaly Churkin
© រក្សាសិទ្ធិដោយ thmeythmey.com
