ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
ចង្វាក់បេះដូងលោតមិនស្រួល ហត់ និងលឿនពេក ត្រូវបានគេចាត់ទុកថា ជាការញ័រដើមទ្រូងហើយ។ វាគឺជារឿងធម្មតាទេ ដែលអាចស្តាប់លឺ ឬដឹងថាបេះដូងកំពុងលោតលឿនជាងធម្មតា នៅពេលអ្នកហាត់ប្រាណ ឬធ្វើសកម្មភាពរាងកាយខ្លាំងក្លាផ្សេងៗ។ ប៉ុន្តែ ប្រសិនបើអ្នកមានការញ័រដើមទ្រូង អ្នកប្រហែលជាអាចមានអារម្មណ៍ថា បេះដូងរបស់អ្នកកំពុងតែបុកមកក្រៅ ខណៈពេលដែលអ្នកកំពុងអង្គុយធម្មតាៗ ឬគ្រាន់តែធ្វើចលនាយឺតៗប៉ុណ្ណោះ។
តើការញ័រទ្រូងបែបនេះ បង្កឡើងដោយមូលហេតុអ្វី?
មានរឿងច្រើនណាស់ ដែលអាចធ្វើឲ្យអ្នក ញ័រដើមទ្រូងបាន រួមមាន ៖
ទាក់ទងនឹងបេះដូង
អ្នកដែលមានចង្វាក់បេះដូងលោតមិនទៀងទាត់ ប្រហែលជាមានការញ័រដើមទ្រូងនេះហើយ ហើយក្នុងករណីភាគច្រើន ការញ័រដើមទ្រូង និងបេះដូងលោតមិនទៀងទាត់បែបនេះ គឺមិនមានគ្រោះថ្នាក់អ្វីនោះទេ។ ទោះជាយ៉ាងណាក៏ដោយ ពេលខ្លះ ភាពខុសធម្មតាដែលកើតចេញពីចង្វាក់បេះដូង អាចធ្វើឲ្យមានបញ្ហាធ្ងន់ធ្ងរ ឬឈានដល់បាត់បង់ជីវិត។ អ្នកក៏ប្រហែលជាមានការញ័រទ្រូង ប្រសិនបើអ្នកមានជំងឺប្រឹសបេះដូង។ ប្រឹសបេះដូង ជួយធ្វើឲ្យឈាម មានចលនានៅក្នុងបេះដូង។
មិនទាក់ទងនឹងបេះដូង
ថ្នាំដែលបុរាណ ថ្នាំឬសឈើ និងថ្នាំប្រើដែលគ្មានវេជ្ជបញ្ជាត្រឹមត្រូវ អាចធ្វើឲ្យបេះដូងរបស់អ្នកដើរលឿនដែរ។ ថ្នាំដែលអាចធ្វើឲ្យញ័រដើមទ្រូងរួមមាន ថ្នាំជំងឺហឺត និងថ្នាំបំបាត់ការតឹងច្រមុះ។
ជាតិកាហ្វេអ៊ីន (មាននៅក្នុងកាហ្វេ តែ និងទឹកក្រូច) ស្រា និងបារី ក៏អាចធ្វើឲ្យមានការញ័រទ្រូងដែរ។ មនុស្សដែលមានការខ្លាចខុសពីធម្មតា អាចមានអារម្មណ៍ថា បេះដូងរបស់ពួកគេលោតញាប់ នៅពេលពួកគេស្ថិតក្នុងស្ថានភាពភ័យខ្លាចខ្លាំង ឬកំពុងតែខ្លាច ។ បញ្ហាសុខភាពមួយចំនួនដូចជា ជំងឺក្រពេញ និងជំងឺស្លេកស្លាំង ក៏អាចធ្វើឲ្យមានការញ័រទ្រូងដែរ។
ជាតិកាហ្វេអ៊ីន (មាននៅក្នុងកាហ្វេ តែ និងទឹកក្រូច) ស្រា និងបារី ក៏អាចធ្វើឲ្យមានការញ័រទ្រូងដែរ។ មនុស្សដែលមានការខ្លាចខុសពីធម្មតា អាចមានអារម្មណ៍ថា បេះដូងរបស់ពួកគេលោតញាប់ នៅពេលពួកគេស្ថិតក្នុងស្ថានភាពភ័យខ្លាចខ្លាំង ឬកំពុងតែខ្លាច ។ បញ្ហាសុខភាពមួយចំនួនដូចជា ជំងឺក្រពេញ និងជំងឺស្លេកស្លាំង ក៏អាចធ្វើឲ្យមានការញ័រទ្រូងដែរ។
ពេលខ្លះ មូលហេតុនៃការញ័រទ្រូង មិនអាចរកឃើញនោះទេ។ បញ្ហានេះកើតឡើងប្រហែលជាម្នាក់ក្នុងចំនោមមនុស្ស ៧ នាក់ ដែលមានបញ្ហាញ័រទ្រូង។ ការញ័រទ្រូង ជាធម្មតា មិនបង្កឲ្យមាន គ្រោះថ្នាក់អ្វីនោះទេ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
