ជាតិ
នយោបាយជាតិ
ថ្ងៃផ្សាយបញ្ជីឈ្មោះបោះឆ្នោតដំបូង មេដឹកនាំបក្សប្រឆាំង ជំរុញឲ្យពលរដ្ឋទៅមើលឈ្មោះ
×![]()
ដោយ: ថ្មីៗ
ភ្នំពេញ៖ គ.ជ.ប បានអំពាវនាវ ឲ្យប្រជាពលរដ្ឋ ទៅពិនិត្យឈ្មោះនៅក្នុងបញ្ជីបោះឆ្នោតដំបូង ដែលត្រូវបានបិទផ្សាយ ចាប់ពីថ្ងៃទី ៣ ខែមករា ឆ្នាំ២០១៧ តទៅ។ ជាងនេះទៀត មេដឹកនាំបក្សប្រឆាំង ក៏បានចេញមុខអំពាវនាវ ដល់ប្រជាពលរដ្ឋឲ្យទៅមើលឈ្មោះផងដែរ។
យោងតាមសេចក្តីអំពាវនាវរបស់គណៈកម្មាធិការជាតិរៀបចំការបោះឆ្នោត (គ.ជ.ប) បញ្ជីឈ្មោះបោះឆ្នោតដំបូង ត្រូវបានបិទផ្សាយនៅតាមឃុំ-សង្កាត់ ចាប់ពីថ្ងៃទី ៣ ដល់ថ្ងៃទី១៤ ខែមករា ឆ្នាំ២០១៧ ។ តាមរយៈសេចក្តីអំពាវនាវនោះ គ.ជ.ប បានជំរុញឲ្យប្រជាពលរដ្ឋជិត៨លាននាក់ ដែលបានចុះឈ្មោះបោះឆ្នោតរួចហើយ ទៅពិនិត្យមើលឈ្មោះ និងផ្ទៀតផ្ទាត់ទិន្នន័យរបស់ខ្លួនឡើងវិញ នៅក្នុងបញ្ជីបោះឆ្នោតដំបូង។ ក្រៅពីគ.ជ.ប មេដឹកនាំគណបក្សសង្គ្រោះជាតិ គឺឯកឧត្តម សម រង្ស៊ី និងឯកឧត្តម កឹម សុខា ក៏បានអំពាវនាវតាមរយៈបណ្តាញសង្គមហ្វេសប៊ុក ទៅកាន់ប្រជាពលរដ្ឋ ឲ្យទៅពិនិត្យឈ្មោះ ក្នុងបញ្ជីបោះឆ្នោតផងដែរ។
ឯកឧត្តម សម រង្ស៊ី ប្រធានបក្សប្រឆាំង ដែលកំពុងនិរទេសខ្លួននៅក្រៅប្រទេស ក៏បានសរសេរលើទំព័រហ្វេសប៊ុកបែបនេះថា៖«សូមអំពាវនាវដល់ប្រជាពលរដ្ឋខ្មែរ ដែលបានចុះឈ្មោះបោះឆ្នោតរួចហើយ អញ្ជើញទៅពិនិត្យមើលឈ្មោះ និងផ្ទៀងផ្ទាត់ទិន្នន័យរបស់ខ្លួននៅក្នុងបញ្ជីបោះឆ្នោតដំបូង ដែល គ.ជ.ប បិទផ្សាយ នៅតាមសាលាឃុំ-សង្កាត់ ឬទីតាំងណាមួយក្នុងឃុំ សង្កាត់ ទូទាំងប្រទេស»។
ចំណែកឯកឧត្តម កឹម សុខា ដែលជាអនុប្រធានបក្សប្រឆាំងវិញ បានសរសេរថា៖«សូមបងប្អូនជនរួមជាតិខ្មែរទាំងអស់ ដែលបានទៅចុះឈ្មោះបោះឆ្នោតហើយ ទៅត្រួតពិនិត្យ និងផ្ទៀងផ្ទាត់ ឈ្មោះរបស់ខ្លួននៅក្នុងបញ្ជីបោះឆ្នោតដំបូង»។
លោក ហង្ស ពុទ្ធា អ្នកនាំពាក្យរបស់គ.ជ.ប បានប្រាប់សារព័ត៌មានថា ប្រជាពលរដ្ឋ មិនត្រឹមតែអាចទៅមើលឈ្មោះ ដែលបិទផ្សាយនៅតាមសាលាឃុំ-សង្កាត់នោះទេ តែក៏អាចចូលទៅមើលនៅក្នុងគេហទំព័រ ដែលមានឈ្មោះថា www.voterlist.org.kh ផងដែរ ។ លោក បញ្ជាក់ដូច្នេះថា៖«ពួកគាត់ អាចចូលទៅមើលឈ្មោះរបស់គាត់ ដែលបង្ហោះ នៅក្នុងវេបសាយហ្នឹងក៏បានដែរ បើពួកគាត់រវល់ មិនបានទៅមើលផ្ទាល់ នៅតាមឃុំ-សង្កាត់»។
គ.ជ.ប បានប្រកាសសាជាថ្មីថា ប្រជាពលរដ្ឋ អាចប្តឹងតវ៉ា ចំពោះទិន្នន័យទាំងឡាយណា ដែលមិនត្រឹមត្រូវ ឬក៏បានបាត់ឈ្មោះ ពីបញ្ជីបោះឆ្នោត។ ប្រជាពលរដ្ឋ ក៏អាច ប្តឹងជំទាស់ផងដែរ ចំពោះជនណា ដែលមានឈ្មោះច្រើនជាងមួយកន្លែង ឬឈ្មោះស្ទួន។ ការប្តឹងតវ៉ា ឬប្តឹងជំទាស់ មានរយៈពេល១០ថ្ងៃ គឺចាប់ពីថ្ងៃទី៤ រហូតដល់ថ្ងៃទី១៤ ខែមករា ឆ្នាំ២០១៧។ តាមច្បាប់ ប្រជាពលរដ្ឋ មានសិទ្ធិប្តឹងតវ៉ា ឬប្តឹងជំទាស់ ទៅកាន់ក្រុមប្រឹក្សា ឃុំ-សង្កាត់ ហើយរហូតទៅដល់គ.ជ.ប និងក្រុមប្រឹក្សាធម្មនុញ្ញ៕
យោងតាមសេចក្តីអំពាវនាវរបស់គណៈកម្មាធិការជាតិរៀបចំការបោះឆ្នោត (គ.ជ.ប) បញ្ជីឈ្មោះបោះឆ្នោតដំបូង ត្រូវបានបិទផ្សាយនៅតាមឃុំ-សង្កាត់ ចាប់ពីថ្ងៃទី ៣ ដល់ថ្ងៃទី១៤ ខែមករា ឆ្នាំ២០១៧ ។ តាមរយៈសេចក្តីអំពាវនាវនោះ គ.ជ.ប បានជំរុញឲ្យប្រជាពលរដ្ឋជិត៨លាននាក់ ដែលបានចុះឈ្មោះបោះឆ្នោតរួចហើយ ទៅពិនិត្យមើលឈ្មោះ និងផ្ទៀតផ្ទាត់ទិន្នន័យរបស់ខ្លួនឡើងវិញ នៅក្នុងបញ្ជីបោះឆ្នោតដំបូង។ ក្រៅពីគ.ជ.ប មេដឹកនាំគណបក្សសង្គ្រោះជាតិ គឺឯកឧត្តម សម រង្ស៊ី និងឯកឧត្តម កឹម សុខា ក៏បានអំពាវនាវតាមរយៈបណ្តាញសង្គមហ្វេសប៊ុក ទៅកាន់ប្រជាពលរដ្ឋ ឲ្យទៅពិនិត្យឈ្មោះ ក្នុងបញ្ជីបោះឆ្នោតផងដែរ។
ឯកឧត្តម សម រង្ស៊ី ប្រធានបក្សប្រឆាំង ដែលកំពុងនិរទេសខ្លួននៅក្រៅប្រទេស ក៏បានសរសេរលើទំព័រហ្វេសប៊ុកបែបនេះថា៖«សូមអំពាវនាវដល់ប្រជាពលរដ្ឋខ្មែរ ដែលបានចុះឈ្មោះបោះឆ្នោតរួចហើយ អញ្ជើញទៅពិនិត្យមើលឈ្មោះ និងផ្ទៀងផ្ទាត់ទិន្នន័យរបស់ខ្លួននៅក្នុងបញ្ជីបោះឆ្នោតដំបូង ដែល គ.ជ.ប បិទផ្សាយ នៅតាមសាលាឃុំ-សង្កាត់ ឬទីតាំងណាមួយក្នុងឃុំ សង្កាត់ ទូទាំងប្រទេស»។
ចំណែកឯកឧត្តម កឹម សុខា ដែលជាអនុប្រធានបក្សប្រឆាំងវិញ បានសរសេរថា៖«សូមបងប្អូនជនរួមជាតិខ្មែរទាំងអស់ ដែលបានទៅចុះឈ្មោះបោះឆ្នោតហើយ ទៅត្រួតពិនិត្យ និងផ្ទៀងផ្ទាត់ ឈ្មោះរបស់ខ្លួននៅក្នុងបញ្ជីបោះឆ្នោតដំបូង»។
លោក ហង្ស ពុទ្ធា អ្នកនាំពាក្យរបស់គ.ជ.ប បានប្រាប់សារព័ត៌មានថា ប្រជាពលរដ្ឋ មិនត្រឹមតែអាចទៅមើលឈ្មោះ ដែលបិទផ្សាយនៅតាមសាលាឃុំ-សង្កាត់នោះទេ តែក៏អាចចូលទៅមើលនៅក្នុងគេហទំព័រ ដែលមានឈ្មោះថា www.voterlist.org.kh ផងដែរ ។ លោក បញ្ជាក់ដូច្នេះថា៖«ពួកគាត់ អាចចូលទៅមើលឈ្មោះរបស់គាត់ ដែលបង្ហោះ នៅក្នុងវេបសាយហ្នឹងក៏បានដែរ បើពួកគាត់រវល់ មិនបានទៅមើលផ្ទាល់ នៅតាមឃុំ-សង្កាត់»។
គ.ជ.ប បានប្រកាសសាជាថ្មីថា ប្រជាពលរដ្ឋ អាចប្តឹងតវ៉ា ចំពោះទិន្នន័យទាំងឡាយណា ដែលមិនត្រឹមត្រូវ ឬក៏បានបាត់ឈ្មោះ ពីបញ្ជីបោះឆ្នោត។ ប្រជាពលរដ្ឋ ក៏អាច ប្តឹងជំទាស់ផងដែរ ចំពោះជនណា ដែលមានឈ្មោះច្រើនជាងមួយកន្លែង ឬឈ្មោះស្ទួន។ ការប្តឹងតវ៉ា ឬប្តឹងជំទាស់ មានរយៈពេល១០ថ្ងៃ គឺចាប់ពីថ្ងៃទី៤ រហូតដល់ថ្ងៃទី១៤ ខែមករា ឆ្នាំ២០១៧។ តាមច្បាប់ ប្រជាពលរដ្ឋ មានសិទ្ធិប្តឹងតវ៉ា ឬប្តឹងជំទាស់ ទៅកាន់ក្រុមប្រឹក្សា ឃុំ-សង្កាត់ ហើយរហូតទៅដល់គ.ជ.ប និងក្រុមប្រឹក្សាធម្មនុញ្ញ៕
Tag:
គជប
សម រង្ស៊ី
កឹម សុខា
បិទឈ្មោះ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 5 ថ្ងៃ
«នាំអាត» និង«នាំអាទិ៍»មួយណាត្រឹមត្រូវ?
50 វិនាទី
