ពីនេះ ពីនោះ
×![]()
ដោយ: ថ្មីៗ
ក្រោយពេលដែលរៀបការរួច មានកត្តាមួយចំនួនដែលអាចធ្វើឲ្យស្វាមីអ្នកងាយបែកចិត្ត។ ខាងក្រោមនេះយើងខ្ញុំនឹងបង្ហាញប្រាប់អ្នក។ តើមានអ្វីខ្លះទៅ?
នៅពេលដែលរៀបការរួច អ្នកមិនគួរឲ្យស្វាមីអ្នករស់នៅដូចជាក្នុងសណ្ឋាគារទេ ដោយកិច្ចការក្នុងផ្ទះអ្នកធ្វើគ្រប់បែបយ៉ាង។ នៅពេលដែលគេរស់នៅដូចជាស្តេច ហើយមិនបានបញ្ចេញកម្លាំងបន្តិចទាល់តែសោះ វានឹងអាចធ្វើឲ្យគេបែកចិត្តបាន ព្រោះគេមិនដឹងពីរសជាតិនៃការលំបាកទេ។ ដូចនេះអ្នកគួរតែឲ្យគេជួយធ្វើការងារខ្លះ ទើបគេគ្មានពេលចេញទៅក្រៅធ្វើរឿងផ្តេសផ្តាស។
ទោះបីជាអ្នករៀបការរួចក៏ដោយ ក៏អ្នកគួរតែបំពេញកិច្ចការក្រុមហ៊ុនឲ្យបានល្អ។ ម្យ៉ាងទៀតអ្នកត្រូវមានទំនាក់ទំនងជាមួយមិត្តភក្តិ ទើបស្វាមីអ្នកមិនធុញទ្រាំជាមួយអ្នក។ នៅពេលដែលអ្នកចាយលុយគេច្រើន គេនឹងកាន់តែមានអំណួតចំពោះខ្លួនឯង។ ដូចនេះអ្នកគួរតែរកលុយដោយខ្លួនឯង មិនត្រូវពឹងគេច្រើនឡើយ។
ចុងក្រោយ អ្នកមិនគួរលះបង់ច្រើនដើម្បីស្វាមីអ្នកទេ ព្រោះនៅពេលដែលលះបង់ច្រើន អ្នកនឹងមិនអាចរស់នៅដោយសប្បាយចិត្តឡើយ ហើយយូរទៅមានតែធ្វើឲ្យបុរសមើលស្រាលតែប៉ុណ្ណោះ ដោយគេគិតថានេះជារឿងដែលអ្នកគួរតែធ្វើ។ ដូចនេះអ្នកគួរតែចេះស្រឡាញ់ខ្លួនឲ្យបានច្រើន ទើបអ្នកអាចទទួលបានការយកចិត្តទុកដាក់ពីស្វាមីអ្នក៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
