ពីនេះ ពីនោះ
ម៉ាក់, ប៉ា, ម៉ែ, ពុក, ទា៖ ការប្រើប្រាស់ខុសគ្នាបង្ហាញពីវណ្ណៈក្នុងសង្គម
×
ពាក្យទាំងអស់ខាងលើនេះ មានន័យដូចគ្នា។ ម៉ាក់ មានន័យថា ម៉ែ ឬម្តាយ តែពាក្យនេះ គឺជាពាក្យទំយើដែលត្រូវបានអ្នកក្រុងប្រើប្រាស់ច្រើនសម្រាប់ហៅ ម៉ែ។ ពាក្យនេះ មកពីពាក្យ មា ឬម៉ា។ អ្នកខ្លះ ក៏បំលែងហៅដល់ពាក្យថា ម៉ាម៉ង់ ជាពាក្យបារាំងទៀតផង។ នៅតាមជនបទ គេសង្កេតឃើញ កូនៗភាគច្រើនហៅម្តាយថា ម៉ែ។
ពាក្យថា ប៉ា គឺជាពាក្យបារាំងសម្រាប់ហៅឪពុក Papa(ប៉ាប៉ា)។ វាក៏ជាពាក្យទំយើដែរ។ នៅក្នុងគ្រួសារសាមញ្ញខ្មែរ គេច្រើនហៅឪពុក(បិតា)ថា ពុក ឬ ឪ។
មិនត្រឹមតែប៉ុណ្ណោះ គ្រួសារខ្មែរមួយចំនួនដែលមានសែស្រឡាយចិន បានហៅបិតារបស់គេតាមភាសាចិន ទាជីវ ថា «ទា»។ ទា មានន័យថា ពុក ដែរ។ ឧទាហរណ៍ថា ទាមកនេះ=ពុកមកនេះ៕
© រក្សាសិទ្ធិដោយ thmeythmey.com