ពីនេះ ពីនោះ
តើឈ្មោះថា«អាជ្ញាធរអប្សរា» ចេញមកពីណា? ហើយមានអត្ថន័យពេលលេញដូចម្តេច?
× សៀវភៅសន្ទានុក្រមពាក្យថ្មីរបស់លោកសាស្ត្រាចារ្យ ទូច គីមស្រ៊ាង សមាជិកក្រុមប្រឹក្សាជាតិភាសាខ្មែរ បានបញ្ជាក់ថា ពាក្យ«អប្សរា» (អង់គ្លេស APSARA) (បារាំង APSARA) គឺជាអក្សរកាត់មកពីពាក្យពេញជាភាសាអង់គ្លេសថា Authority for the Protection of the Site And Management of the Region of Angkor ប្រែថា អាជ្ញាធរដើម្បីការពាររមណីយដ្ឋាន និងរៀបចំតំបន់អង្គរ។ អប្សរា ជាអាជ្ញាធរដែលបានបង្កើតឡើងដើម្បីការពាររមណីយដ្ឋាន និងរៀបចំតំបន់អង្គរ។
អាជ្ញាធរនេះ មានបេសសកម្មគិតគូរដឹកនាំការងាររៀបចំ និងអភិវឌ្ឍទេសចរណ៍តំបន់សៀមរាបអង្គរ។
អប្សរា គឺជាគ្រឹះស្ថានសាធារណៈមួយប្រកបដោយបុគ្គលភាពគតិយុត្តមានស្វ័យភាពរដ្ឋបាល និងហិរញ្ញវត្ថុ។
តែទោះជាយ៉ាងណាក៏ដោយ ក៏ពាក្យ អប្សរា នេះដូចគ្នាទៅនឹងពាក្យ ស្រីអប្សរា ឬស្រីអប្សរ ដែរ៕
© រក្សាសិទ្ធិដោយ thmeythmey.com