ពីនេះ ពីនោះ
×![]()
ដោយ: ថ្មីៗ
ភ្នំពេញ៖ បើសរសេរពាក្យ «ឃាតក» ដាច់ខាតកុំដាក់ អក្សរ «រ» ខាងចុង។ វា ជាការខុងឆ្គង ដែលសរសេរពាក្យ «ឃាតក» ដោយដាក់អក្សរ «រ» ខាងចុង។ ម្យ៉ាងវិញទៀត ប្រសិនបើ ពាក្យ «ឃាតក» មានអក្សរ «រ» ខាងចុង នោះវា នឹងមិនមានន័យអ្វី ឡើយ។ 
ពាក្យ «ឃាតក» មកពី «ឃាត» ដែលមានន័យថា សម្លាប់ បូកនឹង «ក» ដែលមានន័យថា អ្នក។ ដូច្នេះពាក្យ «ឃាតក» មានន័យថា អ្នកសម្លាប់។
បើវែកញែកឲ្យដល់ឫសគល់នោះ ពាក្យ «ឃាត» មកពីធាតុដើមថា «ហន» ដែលប្រែថា សម្លាប់។ ប៉ុន្តែ ពាក្យ «ហន» មិនត្រូវបានយកមកប្រើនោះទេ។ នៅពេលណា ពាក្យ «ហន» ត្រូវបានយកមកប្រើ គេតែងតែប្តូរទៅជា ពាក្យ «ឃាត» ជាមុនសិន។
ចំណែក អក្សរ «ក» មកពីបច្ច័យ (ពាក្យសម្រាប់ប្រើខាងចុងពាក្យដទៃទៀត) ដើមថា «ណ្វុ» អានថា (ណាក់ វ៉ុ) ។ ប៉ុន្តែ មុននឹងប្រើបច្ច័យ (ណ្វុ) នេះ គេ ប្តូរទៅជា (អក) ជាមុនសិន។ បន្ទាប់មកទៀត គេត្រូវលុបអក្សរ «អ» មួយចេញ ដោយទុកតែ អក្សរ «ក» ប៉ុណ្ណោះ។
ដោយសារតែ ពាក្យ «ឃាតក» មានឫសគល់របស់វាដូច្នេះហើយ ទើបមិនមាន អក្សរ «រ» ខាងចុង។ បើសរសេរពាក្យ «ឃាតក» ដោយដាក់អក្សរ «រ» ខាងចុង នោះវា នឹងប្រាសចាកពី ធាតុដើម ឬ ឫសគល់របស់វា ហើយ វា ក៏មិនមានន័យថា «អ្នកសម្លាប់» ដែរ។
មូលហេតុ ដែលប្រជាជនកម្ពុជាមួយចំនួន នៅតែយល់ច្រឡំថា ពាក្យ «ឃាតក» មានអក្សរ «រ» ខាងចុង គឺដោយសារតែ ពួកគេ កត់សម្គាល់ឃើញថា ពាក្យមួយចំនួន ដូចជា កម្មករ កសិករ សិប្បករ និងសិល្បករ ជាដើម សុទ្ធតែមាន អក្សរ «រ» ខាងចុង។ ដូច្នេះ ពួកគេក៏ សន្មតថា ពាក្យ «ឃាតក» ត្រូវមានអក្សរ «រ» ខាងចុង ផងដែរ។
ពាក្យទាំងឡាយណា ដែលសរសេរដោយដាក់ អក្សរ «រ» ខាងចុង ដូចជា កសិករ កម្មករ សិប្បករ និងសិល្បករ ជាដើម នឹងត្រូវលើកមកបកស្រាយ នៅពេលក្រោយ។
ការពន្យល់ខាងលើនេះ គឺផ្អែកតាមសៀវភៅ «វេយ្យាករណ៍បាលី» ដែលរៀបរៀងដោយ បណ្ឌិតមហា ឈឹម ស៊ុម៕
ពាក្យ «ឃាតក» មកពី «ឃាត» ដែលមានន័យថា សម្លាប់ បូកនឹង «ក» ដែលមានន័យថា អ្នក។ ដូច្នេះពាក្យ «ឃាតក» មានន័យថា អ្នកសម្លាប់។
បើវែកញែកឲ្យដល់ឫសគល់នោះ ពាក្យ «ឃាត» មកពីធាតុដើមថា «ហន» ដែលប្រែថា សម្លាប់។ ប៉ុន្តែ ពាក្យ «ហន» មិនត្រូវបានយកមកប្រើនោះទេ។ នៅពេលណា ពាក្យ «ហន» ត្រូវបានយកមកប្រើ គេតែងតែប្តូរទៅជា ពាក្យ «ឃាត» ជាមុនសិន។
ចំណែក អក្សរ «ក» មកពីបច្ច័យ (ពាក្យសម្រាប់ប្រើខាងចុងពាក្យដទៃទៀត) ដើមថា «ណ្វុ» អានថា (ណាក់ វ៉ុ) ។ ប៉ុន្តែ មុននឹងប្រើបច្ច័យ (ណ្វុ) នេះ គេ ប្តូរទៅជា (អក) ជាមុនសិន។ បន្ទាប់មកទៀត គេត្រូវលុបអក្សរ «អ» មួយចេញ ដោយទុកតែ អក្សរ «ក» ប៉ុណ្ណោះ។
ដោយសារតែ ពាក្យ «ឃាតក» មានឫសគល់របស់វាដូច្នេះហើយ ទើបមិនមាន អក្សរ «រ» ខាងចុង។ បើសរសេរពាក្យ «ឃាតក» ដោយដាក់អក្សរ «រ» ខាងចុង នោះវា នឹងប្រាសចាកពី ធាតុដើម ឬ ឫសគល់របស់វា ហើយ វា ក៏មិនមានន័យថា «អ្នកសម្លាប់» ដែរ។
មូលហេតុ ដែលប្រជាជនកម្ពុជាមួយចំនួន នៅតែយល់ច្រឡំថា ពាក្យ «ឃាតក» មានអក្សរ «រ» ខាងចុង គឺដោយសារតែ ពួកគេ កត់សម្គាល់ឃើញថា ពាក្យមួយចំនួន ដូចជា កម្មករ កសិករ សិប្បករ និងសិល្បករ ជាដើម សុទ្ធតែមាន អក្សរ «រ» ខាងចុង។ ដូច្នេះ ពួកគេក៏ សន្មតថា ពាក្យ «ឃាតក» ត្រូវមានអក្សរ «រ» ខាងចុង ផងដែរ។
ពាក្យទាំងឡាយណា ដែលសរសេរដោយដាក់ អក្សរ «រ» ខាងចុង ដូចជា កសិករ កម្មករ សិប្បករ និងសិល្បករ ជាដើម នឹងត្រូវលើកមកបកស្រាយ នៅពេលក្រោយ។
ការពន្យល់ខាងលើនេះ គឺផ្អែកតាមសៀវភៅ «វេយ្យាករណ៍បាលី» ដែលរៀបរៀងដោយ បណ្ឌិតមហា ឈឹម ស៊ុម៕
Tag:
អក្សរសាស្ត្រ
ឃាតក
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
