ពីនេះ ពីនោះ
ព័ត៍មានសុខភាព
អង្គុយយូរៗពេកអាចកាត់បន្ថយអាយុរហូតដល់ ៨ឆ្នាំ
× ការដែលអង្គុយយូរៗពេកនៅពេលថ្ងៃ មានទំនាក់ទំនងនឹងធ្វើឲ្យកើតជំងឺជាច្រើន ចាប់ពីជំងឺធាត់ជ្រុលរហូតដល់បញ្ហាបេះដូង ទឹកនោមផ្អែម ព្រមទាំងឆាប់ស្លាប់ទៀត។ ចំពោះហេតុផលវិញ គឺមិនពិបាកយល់ឡើយ។ ការរស់នៅអសកម្មអាចនាំឲ្យធាត់ឡើងទម្ងន់ ដែលវាក្លាយទៅជាកត្តាប្រឈមមុខមួយនៃជំងឺគាំងបេះដូង ដាច់សរសៃឈាមខួរក្បាល លើសសម្ពាធឈាម និងជាតិស្ករក្នុងឈាមឡើងខ្ពស់។
សម្រាប់ស្ត្រី ដែលហាត់ប្រាណជាប្រចាំ បង្ហាញឲ្យដឹងថា ពួកគេគ្មានទំនាក់ទំនងអ្វីក្នុងការចំណាយពេលយូរៗលើការអង្គុយទេ ហើយសកម្មភាពរាងកាយរបស់អ្នកក៏ប្រហែលជាទប់ស្កាត់ការឆាប់ចាស់ទៀតផង។
ចំពោះស្ត្រីដែលមិនបានហាត់ប្រាណតាមក្បួន និងរស់នៅបែបស៊ីដេកៗយ៉ាងហោចណាស់ ១០ម៉ោងក្នុងមួយថ្ងៃ ឃើញថា ឆាប់ចាស់ជាងស្ត្រីដែលហាត់ប្រាណគ្រប់គ្រាន់។
ចំពោះសកម្មភាពហាត់ប្រាណដែលត្រូវការដើម្បីទប់ស្កាត់ភាពចាស់នៃការអង្គុយយូរៗនោះគឺមិនទាន់ច្បាស់លាស់នៅឡើយទេ។ ប៉ុន្តែការសិក្សាបង្ហាញថា ការប្រើជីវិតរស់នៅបែបស៊ីដេកៗគឺមានឥទ្ធិពលខ្លាំងលើភាពឆាប់ចាស់របស់កោសិកា ហើយការហាត់ប្រាណប្រហែលជាវិធីសាស្ត្រែមួយគត់ដើម្បីលុបបំបាត់ដំណើការមួយនេះ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com