ពីនេះ ពីនោះ
ហេតុផល ៥យ៉ាង ដែលអ្នកគួរផ្តាច់ទំនាក់ទំនងជាមួយសង្សារចាស់ក្នុងបណ្តាញសង្គម
×
រយៈពេលច្រើនខែ ឬឆ្នាំទៅហើយក្រោយពីទំនាក់ទំនងស្នេហាអ្នកបានដើរដល់ផ្លូវបញ្ចប់ ហើយអ្វីដែលអ្នកតែងតែឆ្ងល់នោះថាតើ សង្សារចាស់របស់អ្នកនោះនៅតែនៅលីវ ឬមានសង្សារថ្មីឬអត់។ បើសិនជាទំនាក់ទំនងស្នេហា៍របស់អ្នកបញ្ចប់ដោយកំណត់ហេតុដ៏ល្វីងជូរចត់នោះ អ្នកទាំងពីរមិនគួរណាមានទំនាក់ទំនងជាមួយគ្នាទៅវិញទៅមកក្នុងបណ្តាញសង្គមផ្សេងៗដូចជា Facebook, Twitter និង Instagram ទៀតឡើយ។
ខណៈពេលដែលចំណាយពេលវេលាខ្ជិលរបស់អ្នកក្នុងថ្ងៃចុងសប្តាហ៍ដេកលេងក្នុងផ្ទះ អ្នកពិតជាមិនអាចធ្វើអ្វីបានក្រៅពីលួចចូលមើល Profile របស់គេនោះទេ។ យ៉ាងណាមិញ វាគឺជារឿងមួយល្អបំផុតដែលអ្នកគួរតែដើរចេញ ឬបញ្ឈប់ការបង្កើតមិត្តភាពក្នុងបណ្តាញសង្គមជាមួយសង្សាចាស់អ្នកទៀត ព្រោះវាអាចនឹងធ្វើឲ្យជីវិតអ្នកក្រពុលមុខជាងមុនបាន។ ខាងក្រោមនេះគឺជាហេតុផលមួយចំនួន ដែលអ្នកមិនគួរណាភ្ជាប់ទំនាក់ទំនងជាមួយសង្សាចាស់អ្នកក្នុងបណ្តាញសង្គមទៀតឡើយ៖
1.ធ្វើឲ្យអ្នកចេះតែនៅមិនសុខ ជាមួយនឹងការស្វែងយល់អំពីគេកាន់តែខ្លាំងថាគេមានសង្សារថ្មីឬនៅ និងមានការឈឺចាប់កាន់តែខ្លាំងបើសិនជាគេមានថ្មីទៀត
2.ខួរក្បាលអ្នកមិនអាចគិតអ្វីផ្សេងក្រៅពីចេះតែចង់ដឹងថា អ្នកនៅស្រឡាញ់សង្សារចាស់អ្នកដដែល
3.អ្នកនឹងគ្មានអ្វីធ្វើផ្សេងក្រៅពីចូលចិត្តប្រៀបធៀបជីវិតអ្នកនាពេលបច្ចុប្បន្នជាមួយនឹងជីវិតកាលពីនៅជាមួយសង្សារចាស់
4.ចេះតែធ្វើឲ្យខ្លួនឯងក្រពុលមុខនឹងសង្សារចាស់តាមរយៈការចុច Like, Comment លើរូបដែលសង្សារចាស់បាន Post ហើយគិតថាខ្លួនឯងឆ្គួតជានិច្ច
5.ជាចុងក្រោយ បេះដូងអ្នកនឹងការខ្ទិចខ្ទាំងជាថ្មីម្តងទៀត បើសិនជាអ្នកនៅតែបន្តទំនាក់ទំនងក្នុងបណ្តាញសង្គមជាមួយគេទៀត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com