កីឡាជាតិ
ជាតិ
×![]()
ក្រោយគណៈកម្មាធិការអូឡាំពិកអន្តរជាតិ(IOC)ប្រកាសផ្តល់ពានរង្វាន់ប្រធានគណៈកម្មាការធិការអូឡាំពិកអន្តរជាតិ(IOC President’s Trophy) ជូនសម្តេច ហ៊ុន សែន កាលពីថ្ងៃទី១៥ ខែមករា កន្លងទៅ។ នៅវិមានសន្តិភាព នាថ្ងៃទី២៥ ខែមករា នេះ សម្តេច ហ៊ុន សែន នឹងទទួលពានរង្វាន់នេះពីលោក សឺ មៀង (Ser Miang) សមាជិកប្រតិបត្តិរបស់ IOC។
សម្តេចនាយករដ្ឋមន្ត្រី ហ៊ុន សែន ទទួលពានរង្វាន់ប្រធានគណៈកម្មាធិការអូឡាំពិកអន្តរជាតិ(IOC President’s Trophy) ដែលជាពានរង្វាន់ខ្ពស់បំផុតរបស់គណៈកម្មាធិការអូឡាំពិកអន្តរជាតិ(IOC) នារសៀលថ្ងៃទី២៥ ខែមករា នៅវិមានសន្តិភាព។ ការប្រគល់ពានរង្វាន់លំដាប់ខ្ពស់នេះក្រោមវត្តរបស់លោក សឺ មៀង (Ser Miang) សមាជិកប្រតិបត្តិរបស់ IOC និងជាតំណាងរបស់លោកបណ្ឌិត ថូម៉ាស់ បាច់ (Thomas Bach) ប្រធាន IOC។
IOC President’s Trophy ជាពានរង្វាន់មួយដែលខ្ពស់ជាងគេក្នុងចលនាអូឡាំពិកអន្តរជាតិ ដែលកម្រមានប្រទេសណាទទួលបាន ព្រោះវាជាពានរង្វាន់ពិសេសដែលបង្កើតឡើងសម្រាប់ប្រគល់ជូនបុគ្គលដែលយកចិត្តទុកដាក់ខ្ពស់ក្នុងចលនាអូឡាំពិក។ ពានរង្វាន់ដែលសម្តេច ហ៊ុន សែន ទទួលនៅថ្ងៃនេះជាពានរង្វាន់ជាពិសេសដែលឆ្លាក់រូបលោកស្ថាបនិកគណៈកម្មាធិការអូឡាំពិកអន្តរជាតិ។
ពាក់ព័ន្ធនឹងបញ្ហានេះ លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានពន្យល់ពីមូលហេតុដែល IOC សម្រេចប្រគល់ពានរង្វាន់ជូនកម្ពុជាថា ដោយសារសម្តេច ហ៊ុន សែន យកចិត្តទុកដាក់ឧបត្ថម្ភ គាំទ្រ និងអភិវឌ្ឍន៍វិស័យកីឡាកម្ពុជា ជាពិសេសជួយក្នុងចលនាអូឡាំពិក។ ម្យ៉ាងវិញទៀត តាមរយៈការសាងសង់អគារ និងទីលានដែលបម្រើឲ្យចលនាអូឡាំពិកជូនគណៈកម្មាធិការជាតិអូឡាំពិកកម្ពុជា។
អគ្គលេខាធិការ NOCC រូបនេះបានបញ្ជាក់យ៉ាងដូច្នេះថា៖«ពានរង្វាន់នេះកម្រនឹងប្រគល់ជូនណាស់ទាល់តែមានលក្ខណពិសេសទើបគេបង្កើតឲ្យ វាមិនមែនជាពានប្រចាំឆ្នាំនោះទេ។ ជាក់ស្តែងដូចសម្តេចគាត់បានកសាងអគារ NOCC ឲ្យគណៈកម្មាធិការជាតិអូឡាំពិកកម្ពុជា គឺកម្រមានប្រទេសណាធ្វើដូច្នេះណាស់។ ម្យ៉ាងវិញទៀតដោយសារគាត់យកចិត្តទុកដាក់ឧបត្ថម្ភគាំទ្រ និងជួយអភិវឌ្ឍន៍វិស័យកីឡាជាតិ ជាពិសេសគេវាយតម្លៃខ្ពស់បំផុតនោះ គឺរាជរដ្ឋាភិបាលកម្ពុជាបានប្រគល់ពហុកីឡដ្ឋានមរតកតេជោឲ្យ NOCC កាន់កាប់ នេះជាចំណុចដែលមិនមានប្រទេសណាធ្វើដូច»។
លោកបានបន្តទៀតថា តាមរយៈការទទួលបានពានរង្វាន់នេះ វានឹងក្លាយជាចលករមួយដ៏សំខាន់ក្នុងជំរុញទឹកចិត្តរាជរដ្ឋាភិបាលកម្ពុជាយកចិត្តទុកដាក់កាន់តែខ្លាំងក្នុងការអភិវឌ្ឍន៍វិស័យកីឡានៅកម្ពុជា។ លើសពីនេះ កម្ពុជានឹងទទួលបានផលប្រយោជន៍កាន់តែច្រើនតាមរយៈ IOC ដូចជាធ្វើឲ្យប្រទេសដទៃស្គាល់កម្ពុជាកាន់ច្រើន។
«កម្ពុជានឹងទទួលបានច្រើនពីវា ទី១គេនឹងប្រកាសពីពានរង្វាន់នេះនៅ IOC ឲ្យប្រទេសដែលជាសមាជិក IOC បានដឹងទាំងអស់ធ្វើឲ្យគេវាយខ្ពស់ពីកម្ពុជា។ អ៊ីចឹងវាធ្វើយើងមានមុខមានមាត់នៅក្នុងចលនាអូឡាំពិកអន្តរជាតិ។ ថ្ងៃក្រោយបើយើងចង់ក្លាយសមាជិកប្រតិបត្តិរបស់ IOC គឺយើងមានអត្ថិភាព»។ នេះជាប្រសាសន៍លោក វ៉ាត់ ចំរើន។
បើយោងតាម លោក វ៉ាត់ ចំរើន ពានរង្វាន់ ICO President’s Trophy ដែលឆ្លាក់រូបលោកដែលជាស្ថានិកអូឡាំពិកទំនើបនេះ ដែលបានប្រគល់ជូនសម្តេច ហ៊ុន សែន វាលើកទី១ក្នុងពិភពលោក ទោះបីពានរង្វាន់នេះត្រូវបានប្រគល់ជូនប្រទេសដទៃប្រមាណជា៦ទៅ៧លើកក៏ដោយ។ ហើយការប្រគល់ជូននេះគឺឆ្លងកាត់តាមការស៊ើបអង្កេតយ៉ាងយកចិត្តទុកដាក់ពីគណៈកម្មាធិការអូឡាំពិកអន្តរអស់រយៈពេលជាច្រើនឆ្នាំមកហើយ៕
សម្តេចនាយករដ្ឋមន្ត្រី ហ៊ុន សែន ទទួលពានរង្វាន់ប្រធានគណៈកម្មាធិការអូឡាំពិកអន្តរជាតិ(IOC President’s Trophy) ដែលជាពានរង្វាន់ខ្ពស់បំផុតរបស់គណៈកម្មាធិការអូឡាំពិកអន្តរជាតិ(IOC) នារសៀលថ្ងៃទី២៥ ខែមករា នៅវិមានសន្តិភាព។ ការប្រគល់ពានរង្វាន់លំដាប់ខ្ពស់នេះក្រោមវត្តរបស់លោក សឺ មៀង (Ser Miang) សមាជិកប្រតិបត្តិរបស់ IOC និងជាតំណាងរបស់លោកបណ្ឌិត ថូម៉ាស់ បាច់ (Thomas Bach) ប្រធាន IOC។
IOC President’s Trophy ជាពានរង្វាន់មួយដែលខ្ពស់ជាងគេក្នុងចលនាអូឡាំពិកអន្តរជាតិ ដែលកម្រមានប្រទេសណាទទួលបាន ព្រោះវាជាពានរង្វាន់ពិសេសដែលបង្កើតឡើងសម្រាប់ប្រគល់ជូនបុគ្គលដែលយកចិត្តទុកដាក់ខ្ពស់ក្នុងចលនាអូឡាំពិក។ ពានរង្វាន់ដែលសម្តេច ហ៊ុន សែន ទទួលនៅថ្ងៃនេះជាពានរង្វាន់ជាពិសេសដែលឆ្លាក់រូបលោកស្ថាបនិកគណៈកម្មាធិការអូឡាំពិកអន្តរជាតិ។
ពាក់ព័ន្ធនឹងបញ្ហានេះ លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានពន្យល់ពីមូលហេតុដែល IOC សម្រេចប្រគល់ពានរង្វាន់ជូនកម្ពុជាថា ដោយសារសម្តេច ហ៊ុន សែន យកចិត្តទុកដាក់ឧបត្ថម្ភ គាំទ្រ និងអភិវឌ្ឍន៍វិស័យកីឡាកម្ពុជា ជាពិសេសជួយក្នុងចលនាអូឡាំពិក។ ម្យ៉ាងវិញទៀត តាមរយៈការសាងសង់អគារ និងទីលានដែលបម្រើឲ្យចលនាអូឡាំពិកជូនគណៈកម្មាធិការជាតិអូឡាំពិកកម្ពុជា។
អគ្គលេខាធិការ NOCC រូបនេះបានបញ្ជាក់យ៉ាងដូច្នេះថា៖«ពានរង្វាន់នេះកម្រនឹងប្រគល់ជូនណាស់ទាល់តែមានលក្ខណពិសេសទើបគេបង្កើតឲ្យ វាមិនមែនជាពានប្រចាំឆ្នាំនោះទេ។ ជាក់ស្តែងដូចសម្តេចគាត់បានកសាងអគារ NOCC ឲ្យគណៈកម្មាធិការជាតិអូឡាំពិកកម្ពុជា គឺកម្រមានប្រទេសណាធ្វើដូច្នេះណាស់។ ម្យ៉ាងវិញទៀតដោយសារគាត់យកចិត្តទុកដាក់ឧបត្ថម្ភគាំទ្រ និងជួយអភិវឌ្ឍន៍វិស័យកីឡាជាតិ ជាពិសេសគេវាយតម្លៃខ្ពស់បំផុតនោះ គឺរាជរដ្ឋាភិបាលកម្ពុជាបានប្រគល់ពហុកីឡដ្ឋានមរតកតេជោឲ្យ NOCC កាន់កាប់ នេះជាចំណុចដែលមិនមានប្រទេសណាធ្វើដូច»។
លោកបានបន្តទៀតថា តាមរយៈការទទួលបានពានរង្វាន់នេះ វានឹងក្លាយជាចលករមួយដ៏សំខាន់ក្នុងជំរុញទឹកចិត្តរាជរដ្ឋាភិបាលកម្ពុជាយកចិត្តទុកដាក់កាន់តែខ្លាំងក្នុងការអភិវឌ្ឍន៍វិស័យកីឡានៅកម្ពុជា។ លើសពីនេះ កម្ពុជានឹងទទួលបានផលប្រយោជន៍កាន់តែច្រើនតាមរយៈ IOC ដូចជាធ្វើឲ្យប្រទេសដទៃស្គាល់កម្ពុជាកាន់ច្រើន។
«កម្ពុជានឹងទទួលបានច្រើនពីវា ទី១គេនឹងប្រកាសពីពានរង្វាន់នេះនៅ IOC ឲ្យប្រទេសដែលជាសមាជិក IOC បានដឹងទាំងអស់ធ្វើឲ្យគេវាយខ្ពស់ពីកម្ពុជា។ អ៊ីចឹងវាធ្វើយើងមានមុខមានមាត់នៅក្នុងចលនាអូឡាំពិកអន្តរជាតិ។ ថ្ងៃក្រោយបើយើងចង់ក្លាយសមាជិកប្រតិបត្តិរបស់ IOC គឺយើងមានអត្ថិភាព»។ នេះជាប្រសាសន៍លោក វ៉ាត់ ចំរើន។
បើយោងតាម លោក វ៉ាត់ ចំរើន ពានរង្វាន់ ICO President’s Trophy ដែលឆ្លាក់រូបលោកដែលជាស្ថានិកអូឡាំពិកទំនើបនេះ ដែលបានប្រគល់ជូនសម្តេច ហ៊ុន សែន វាលើកទី១ក្នុងពិភពលោក ទោះបីពានរង្វាន់នេះត្រូវបានប្រគល់ជូនប្រទេសដទៃប្រមាណជា៦ទៅ៧លើកក៏ដោយ។ ហើយការប្រគល់ជូននេះគឺឆ្លងកាត់តាមការស៊ើបអង្កេតយ៉ាងយកចិត្តទុកដាក់ពីគណៈកម្មាធិការអូឡាំពិកអន្តរអស់រយៈពេលជាច្រើនឆ្នាំមកហើយ៕
Tag:
ហ៊ុន សែន
IOC President’s Trophy
© រក្សាសិទ្ធិដោយ thmeythmey.com
