ពីនេះ ពីនោះ
ប្រយ័ត្ន! «គូទ» និង «គូថ» មានន័យខុសគ្នា
× ពន្យល់ពាក្យ៖ គូទ គូថ
វចនានុក្រមខ្មែររបស់សម្តេចព្រះសង្ឃរាជ ជួន ណាត បានពន្យល់អត្ថន័យពីរផ្សេងគ្នារវាងពាក្យ «គូទ» និងពាក្យ «គូថ» ដែលពលរដ្ឋខ្មែរជាច្រើនតែងតែយល់ច្រឡំថា ពាក្យទាំងពីរខាងលើនេះ មានន័យដូចគ្នា។
«គូទ» ថ្នាក់ពាក្យជានាម ដែលមានន័យថា ជាអវយវៈត្រង់ចំណែកកាយខាងក្រោយជិតវច្ចទ្វារ។ ឧទាហរណ៍ ដាក់គូទអង្គុយ។ ប៉ែកអវយវៈនេះ បុរាណពីដើមហៅថា តពោក ឬ ត្រពោក; សូម្បីសព្វថ្ងៃនេះអ្នកបាត់ដំបង, អ្នកសៀមរាបជាដើម ក៏នៅប្រើពាក្យនេះដែរ។ ឧទាហរណ៍ ដាក់តពោកអង្គុយ។ ប្រើដោយច្រឡំសរសេរ គូថ, ត្រូវប្រើ គូទ វិញទើបត្រឹមត្រូវ ។
«គូថ» ថ្នាក់ពាក្យជានាម បានន័យថា អាចម ឬ អាចម៍, ឧច្ចារៈ, លាមក។ ឧទាហរណ៍ អង្គុយបន្ទោគូថក្នុងបង្គន់។
© រក្សាសិទ្ធិដោយ thmeythmey.com