ពីនេះ ពីនោះ
ព័ត៍មានសុខភាព
ចេះតែឈឺក្បាលខ្ទក់ៗមិនឈប់ យកល្អគួរតែសាកល្បងវិធីធម្មជាតិទាំងនេះសិនទៅ
× វាពិតជាធ្វើឲ្យមនុស្សយើងពិបាកផ្ចង់អារម្មណ៍ខ្លាំងណាស់ខណៈពេលកំពុងតែឈឺក្បាល។ អ្វីដែលជារឿងដំបូងដែលយើងត្រូវធ្វើនៅពេលឈឺក្បាលម្តងៗ គឺតែងតែទៅបើកថ្នាំលេបហើយដើម្បីបំបាត់ការឈឺចាប់ទៅវិញ។
យ៉ាងណាមិញ មានកត្តាច្រើនណាស់ដែលធ្វើឲ្យមនុស្សយើងឈឺក្បាលដូចជា ស្ត្រេស អស់កម្លាំង អាឡែហ្ស៊ី ភ្នែកអស់កម្លាំងពេក គ្រឿងស្រវឹង ឬថ្នាំ ខ្វះជាតិស្ករ អ័រម៉ូន ការទល់លាមក និងកង្វះជីវជាតិក្នុងខ្លួន។ ដូច្នេះមុននឹងអ្នកសម្រេចចិត្តទាញថ្នាំមកលេបនោះ យកល្អគួរតែព្យាយាមប៉ះប៉ូវនូវមូលហេតុរបស់វាសិន និងធ្វើរឿងដូចខាងក្រោមនេះផងទៅ៖
ម៉ាញ៉េស្យូម
បើសិនជាអ្នកឧស្សាហ៍ឈឺក្បាល ចូរព្យាយាមញ៉ាំអាហារណាសម្បូរជាតិម៉ាញ៉េស្យូមដូចជា សណ្តែក គ្រាប់ធញ្ញជាតិ និងគ្រាប់ផ្លែឈើជាដើម។ បន្លែដូចជា ប្រូខូលី និងបន្លែពណ៌បៃតងផ្សេងទៀតក៏ជាប្រភពដ៏ល្អនៃជាតិម៉ាញ៉េស្យូមដែរ។
រៀបជំហររាងកាយឲ្យបានត្រឹមត្រូវ
ការរក្សាជំហររាងកាយបានត្រឹមត្រូវនឹងជួយកាត់បន្ថយសម្ពាធចេញពីឆ្អឹងកងខ្នង ព្រមទាំងការឈឺក្បាលផងដែរ។ ករណីបែបនេះគ្រូពេទ្យព្យាបាលដោយចលនាអាចជួយអ្នកបាន។
វីតាមីន B កំផ្លេច
កាលណារាងកាយមិនសូវមានសារធាតុ Serotonin វាក៏ជាហេតុផលមួយនាំឲ្យឈឺក្បាលបែបប្រកាំងដែរ។ វីតាមីន B កំផ្លេចនឹងជួយបង្កើតជា Serotonin ក្នុងរាងកាយ ហើយវាក៏មានអត្ថប្រយោជន៍ជាច្រើនទៀតផងដែរ។
ញ៉ាំទឹកគ្រប់គ្រាន់
ការខ្សោះជាតិទឹកនឹងនាំឲ្យមានការឈឺក្បាលខ្ទកៗ ដូច្នេះយកល្អគួរតែថែរក្សាខ្លួនឯង ដោយធ្វើយ៉ាងណាញ៉ាំទឹកឲ្យបានគ្រប់គ្រាន់។ ចូរញ៉ាំទឹក ៩ ទៅ១២កែវជារៀងរាល់ថ្ងៃ។ ចូរចាប់ផ្តើមត្រឹម ៥កែវក្នុងមួយថ្ងៃ និងបង្កើនមួយកែវជាប់ជារៀងរាល់ថ្ងៃ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com