អន្តរជាតិ
ទីប្រឹក្សាច្បាប់បក្សកាន់អំណាចនៅមីយ៉ាន់ម៉ា ត្រូវបានបាញ់សម្លាប់នៅអាកាសយានដ្ឋាន លោកមេធាវី Ko Ni ដែលត្រូវឃាតករបាញ់សម្លាប់កាលពីថ្ងៃអាទិត្យ។ រូបថត Reuters
× លោក Ko Ni មេធាវី និងជាទីប្រឹក្សាច្បាប់គណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) របស់លោកស្រី អ៊ុងសាន ស៊ូជី ត្រូវបានបាញ់សម្លាប់នៅអាកាសយានដ្ឋានអន្តរជាតិយ៉ាំងហ្គោន កាលពីថ្ងៃអាទិត្យ។
លោក Ko Ni អាយុ៦៥ឆ្នាំ ដែលជាសមាជិកដ៏សំខាន់មួយរូបក្នុងសហគមន៍ជនជាតិភាគតិចមូស្លីម បានវិលត្រឡប់ពីចូលរួមកិច្ចប្រជុំថ្នាក់រដ្ឋមួយនៅឥណ្ឌូនេស៊ី ។ លោកត្រូវបានឃាតករបាញ់សម្លាប់ចំក្បាល នៅពេលដែលលោកកាន់ដៃចៅរបស់ខ្លួន ហើយត្រៀមចាកចេញពីអាកាសយានដ្ឋានតាមរថយន្តផ្ទាល់ខ្លួន។
អ្នកបើកតាក់ស៊ីម្នាក់ដែលបានព្យាយាមឃាត់ខ្លួនខ្មាន់កាំភ្លើង ក៏ត្រូវបានសម្លាប់ផងដែរ។ ឃាតករត្រូវបានឃាត់ខ្លួនកាលពីវេលាម៉ោង៥ថ្ងៃដដែល។ នេះបើយោងតាមលោក Zaw Htay អ្នកនាំពាក្យលោកប្រធានាធិបតី Htin Kyaw ដែលដកស្រង់ដោយ Reuters៕
© រក្សាសិទ្ធិដោយ thmeythmey.com