កីឡាជាតិ
ជាតិ
ថ្នាក់ដឹកនាំកីឡាទោចក្រយានប្តេជ្ញាធ្វើកំណែទម្រង់ ប៉ុន្តែស្នើឲ្យសមាជិកកុំអាក់អន់ចិត្ត
កីឡាទោចក្រយាន
×![]()
ថ្នាក់ដឹកនាំសហព័ន្ធកីឡាទោចក្រយានកាលពីពេលថ្មីៗកន្លងទៅ បានប្រកាសនៅមុខសមាជិកប្រតិបត្តិក្នុងអង្គមហាសន្និបាតបញ្ចប់អាណត្តិទី៣បន្តអាណត្តិទី៤ថា នឹងធ្វើការកំណែទម្រង់ស៊ីជម្រៅក្នុងអាណត្តិនេះ។ ប៉ុន្តែថ្នាក់ដឹកនាំសហព័ន្ធនេះស្នើឲ្យសមាជិកទាំងអស់ចូលរួមសហការ និងកុំឲ្យមានការអាក់អន់ស្រពន់ចិត្ត។ ការស្នើដូច្នេះដោយសារការកំណែទម្រង់អាចប៉ះពាល់ដល់ផលប្រយោជន៍ និងសតិអារម្មណ៍។
ប្រធានសហព័ន្ធកីឡាទោចក្រយានលោក នុត សាអាន បានប្តេជ្ញាថា នឹងធ្វើការកំណែទម្រង់ឲ្យកាន់ស៊ីជម្រៅក្នុងអាណត្តិទី៤ពីឆ្នាំ២០១៧ដល់ឆ្នាំ២០២០។ ប៉ុន្តែដើម្បីឲ្យការកំណែទម្រង់ប្រកបដោយប្រិសិទ្ធភាព និងទទួលបានលទ្ធផលល្អ លោកបានជំរុញឲ្យសមាជិកប្រតិបត្តិទាំងអស់ត្រូវចូលរួមសហការក្នុងការធ្វើកំណែទម្រង់ ជាពិសេសត្រូវហ៊ានប្រឈមនឹងបញ្ហា ព្រោះការកំណែទម្រង់អាចប៉ះពាល់ដល់ប្រយោជន៍ និងសតិអារម្មណ៍។
«ដើម្បីសម្រេចបាននូវលទ្ធផលនៃការកំណែទម្រង់របស់សហព័ន្ធយើង ខ្ញុំសូមស្នើឲ្យសមាជិក-សមាជិកាប្រតិបត្តិទាំងអស់កុំអាក់អន់ស្រពន់ចិត្តក្នុងប្រការណាមួយ ព្រោះការធ្វើកំណែទម្រង់តិច ឬច្រើនអាចប៉ះពាល់ដល់ផលប្រយោជន៍ និងសតិអារម្មណ៍ខ្លះហើយ តែគោលបំណងនៃការកំណែទម្រង់គឺស្វែងរកគុណភាពឲ្យកាន់តែល្អ»។ នេះជាប្រសាសន៍របស់ លោក នុត សាអាន។
ជាមួយគ្នានេះ លោក វ៉ាត់ ចំរើន អគ្គលេខាធិការ NOCC បានចាត់ទុការកំណែទម្រង់ក្នុងវិស័យកីឡាជារឿងមួយដ៏លំបាក ព្រោះវាអាចប៉ះពាល់ដល់ផលប្រយោជន៍សាច់ញាតិ និងក្រុមគ្រួសារ។ លោកបញ្ជាក់ថា៖«ការទម្រង់ក្នុងវិស័យកីឡារបស់យើងគឺមិនមែនងាយស្រួលនោះឡើយ ព្រោះការកែទម្រង់ខ្លះអាចប៉ះចំផលប្រយោជន៍គេ ប៉ះចំសាច់ញាតិគេ និងការកែទម្រង់ខ្លះប៉ះចំគ្រួសារគេ»។
គួររំលឹកថា កាលពីពេលកន្លងទៅថ្មីៗ សហព័ន្ធកីឡាទោចក្រយាន បានរៀបចំមហាសន្និបាតបញ្ចប់អាណត្តិទី៣ និងដាក់ទិសដៅអាណត្តិទី៤នៅទីស្នាក់ការគណៈកម្មាធិការជាតិអូឡាំពិកកម្ពុជា(NOCC)។ លោក នុត សាអាន បានចាត់ទុកអង្គមហាសន្និបាតនេះ ជារបត់ថ្មីដែលស្របតាមគោលការណ៍កំណែទម្រង់ស៊ីជម្រៅរបស់ NOCC និងក្រសួងអប់រំយុវជន និងកីឡា ដែលបានកំណត់យក៤ឆ្នាំខាងមុននេះជាឆ្នាំបញ្ជាក់ពីជោគជ័យរបស់កម្ពុជា។
លោកបានបន្តទៀតថា តាមរយៈអង្គមហាសន្និបាទនេះលោករំពឹងថា វានឹងក្លាយជាកត្តាមួយដ៏សំខាន់ក្នុងការជួយជំរុញ និងពង្រឹងផ្នែករដ្ឋបាលកីឡា និងបច្ចេកទេសរបស់សហព័ន្ធកីឡាទោចក្រយាន សម្រាប់ត្រៀមចូលរួមប្រកួតក្នុងព្រឹត្តិការណ៍អន្តរជាតិនានា ជាពិសេសស៊ីហ្គេមឆ្នាំ២០២៣ដែលកម្ពុជាធ្វើជាម្ចាស់ផ្ទះ។
តាមរយៈការបោះឆ្នោតដោយសម្ងាត់របស់តំណាងក្លិប-សមាគមដែលជាសមាជិករបស់សហព័ន្ធកីឡាទោចក្រយាននៅទីស្នាក់ការ NOCC កាលពីថ្ងៃទី២៦ ខែមករាក្នុងនោះ លោក នុត សាអាន បន្តធ្វើជាប្រធាន, លោក វ៉ាន់ ថន ឡើងជាអនុប្រធានទី១, លោក ញឹម ខេមរា និងលោក ត្រាក់ ថៃសៀង ជាអនុប្រធាន។ ចំណែកលោកឧកញ៉ា វង្ស ខាន់ពៅ ជាអគ្គលេខាធិការ, លោក ព្យែរ អ៊ីវកាទ្រី ជាអគ្គលេខាធិការរង និងកញ្ញា តៃ លីដា ជាអគ្គហេរញ្ញិក៕
ប្រធានសហព័ន្ធកីឡាទោចក្រយានលោក នុត សាអាន បានប្តេជ្ញាថា នឹងធ្វើការកំណែទម្រង់ឲ្យកាន់ស៊ីជម្រៅក្នុងអាណត្តិទី៤ពីឆ្នាំ២០១៧ដល់ឆ្នាំ២០២០។ ប៉ុន្តែដើម្បីឲ្យការកំណែទម្រង់ប្រកបដោយប្រិសិទ្ធភាព និងទទួលបានលទ្ធផលល្អ លោកបានជំរុញឲ្យសមាជិកប្រតិបត្តិទាំងអស់ត្រូវចូលរួមសហការក្នុងការធ្វើកំណែទម្រង់ ជាពិសេសត្រូវហ៊ានប្រឈមនឹងបញ្ហា ព្រោះការកំណែទម្រង់អាចប៉ះពាល់ដល់ប្រយោជន៍ និងសតិអារម្មណ៍។
«ដើម្បីសម្រេចបាននូវលទ្ធផលនៃការកំណែទម្រង់របស់សហព័ន្ធយើង ខ្ញុំសូមស្នើឲ្យសមាជិក-សមាជិកាប្រតិបត្តិទាំងអស់កុំអាក់អន់ស្រពន់ចិត្តក្នុងប្រការណាមួយ ព្រោះការធ្វើកំណែទម្រង់តិច ឬច្រើនអាចប៉ះពាល់ដល់ផលប្រយោជន៍ និងសតិអារម្មណ៍ខ្លះហើយ តែគោលបំណងនៃការកំណែទម្រង់គឺស្វែងរកគុណភាពឲ្យកាន់តែល្អ»។ នេះជាប្រសាសន៍របស់ លោក នុត សាអាន។
ជាមួយគ្នានេះ លោក វ៉ាត់ ចំរើន អគ្គលេខាធិការ NOCC បានចាត់ទុការកំណែទម្រង់ក្នុងវិស័យកីឡាជារឿងមួយដ៏លំបាក ព្រោះវាអាចប៉ះពាល់ដល់ផលប្រយោជន៍សាច់ញាតិ និងក្រុមគ្រួសារ។ លោកបញ្ជាក់ថា៖«ការទម្រង់ក្នុងវិស័យកីឡារបស់យើងគឺមិនមែនងាយស្រួលនោះឡើយ ព្រោះការកែទម្រង់ខ្លះអាចប៉ះចំផលប្រយោជន៍គេ ប៉ះចំសាច់ញាតិគេ និងការកែទម្រង់ខ្លះប៉ះចំគ្រួសារគេ»។
គួររំលឹកថា កាលពីពេលកន្លងទៅថ្មីៗ សហព័ន្ធកីឡាទោចក្រយាន បានរៀបចំមហាសន្និបាតបញ្ចប់អាណត្តិទី៣ និងដាក់ទិសដៅអាណត្តិទី៤នៅទីស្នាក់ការគណៈកម្មាធិការជាតិអូឡាំពិកកម្ពុជា(NOCC)។ លោក នុត សាអាន បានចាត់ទុកអង្គមហាសន្និបាតនេះ ជារបត់ថ្មីដែលស្របតាមគោលការណ៍កំណែទម្រង់ស៊ីជម្រៅរបស់ NOCC និងក្រសួងអប់រំយុវជន និងកីឡា ដែលបានកំណត់យក៤ឆ្នាំខាងមុននេះជាឆ្នាំបញ្ជាក់ពីជោគជ័យរបស់កម្ពុជា។
លោកបានបន្តទៀតថា តាមរយៈអង្គមហាសន្និបាទនេះលោករំពឹងថា វានឹងក្លាយជាកត្តាមួយដ៏សំខាន់ក្នុងការជួយជំរុញ និងពង្រឹងផ្នែករដ្ឋបាលកីឡា និងបច្ចេកទេសរបស់សហព័ន្ធកីឡាទោចក្រយាន សម្រាប់ត្រៀមចូលរួមប្រកួតក្នុងព្រឹត្តិការណ៍អន្តរជាតិនានា ជាពិសេសស៊ីហ្គេមឆ្នាំ២០២៣ដែលកម្ពុជាធ្វើជាម្ចាស់ផ្ទះ។
តាមរយៈការបោះឆ្នោតដោយសម្ងាត់របស់តំណាងក្លិប-សមាគមដែលជាសមាជិករបស់សហព័ន្ធកីឡាទោចក្រយាននៅទីស្នាក់ការ NOCC កាលពីថ្ងៃទី២៦ ខែមករាក្នុងនោះ លោក នុត សាអាន បន្តធ្វើជាប្រធាន, លោក វ៉ាន់ ថន ឡើងជាអនុប្រធានទី១, លោក ញឹម ខេមរា និងលោក ត្រាក់ ថៃសៀង ជាអនុប្រធាន។ ចំណែកលោកឧកញ៉ា វង្ស ខាន់ពៅ ជាអគ្គលេខាធិការ, លោក ព្យែរ អ៊ីវកាទ្រី ជាអគ្គលេខាធិការរង និងកញ្ញា តៃ លីដា ជាអគ្គហេរញ្ញិក៕
Tag:
ទោចក្រយាន
នុត សាអាន
វ៉ាត់ ចំរើន
© រក្សាសិទ្ធិដោយ thmeythmey.com
