កងពលធំលេខ៣, ក្រសួងមហាផ្ទៃ និងកំពង់ចាមយកឈ្នះគូប្រកួត ៣-០ ដូចគ្នា

កីឡាជាតិ

ជាតិ

កងពលធំលេខ៣, ក្រសួងមហាផ្ទៃ និងកំពង់ចាមយកឈ្នះគូប្រកួត ៣-០ ដូចគ្នា

11, Feb 2017 , 8:51 pm

រូបភាព

ដោយ:

ក្រុមបាល់ទះកងពលធំអន្តរាគមន៍លេខ៣, ក្រសួងមហាផ្ទៃ និងក្រុមសាលាខេត្តកំពង់ចាមសុទ្ធតែបានលត់គូប្រជែងក្នុងលទ្ធផល៣សិតទល់នឹង០ដូចគ្នា នាការប្រកួតបាល់ទះដណ្តើមពានរង្វាន់ក្របខណ្ឌខេមបូឌាបៀរលីកឆ្នាំ២០១៧ កាលពីថ្ងៃទី១១ ខែកុម្ភៈ នៅវិមានពហុកីឡដ្ឋានជាតិ។

ក្រុមបាល់ទះកងពលធំអន្តរាគមន៍លេខ៣បានយកឈ្នះក្រុមបាល់ទះវិសាខាក្នុងលទ្ធផល ៣-០ ក្នុងនោះសិតទី១បានយកឈ្នះក្នុងលទ្ធផល ២៥-២២ សិតទី២ ២៥-១២ និងសិតទី៣ក្នុងលទ្ធផល ២៦-២៤។ រីឯក្រុមសាលាខេត្តកំពង់ចាមបានយកឈ្នះក្រុមបញ្ជាការដ្ឋានកងអង្គរក្ស ៣-០ ដូចគ្នាដោយសិតទី១បញ្ចប់ក្នុងលទ្ធផល ២៥-១៨ សិតទី២បញ្ចប់ត្រឹម ២៥-១២ និងសិតទី៣បញ្ចប់ត្រឹម ២៥-២២។

ចំណែកក្រុមបាល់ទះរបស់ក្រសួងមហាផ្ទៃបានយកក្រុមខេត្តបាត់ដំបងក្នុងលទ្ធផល ៣-០ ក្នុងនោះទាំងសិតទី១ សិតទី២ និងសិតទី៣សុទ្ធតែបញ្ចប់ដោយលទ្ធផល ២៥-០ គ្នា។ ឆ្លងតាមការប្រកួត៣លើកជាប់គ្នានៅវិមានពហុកីឡដ្ឋានជាតិក្រុមបាល់ទះកងពលធំអន្តរាគមន៍លេខ៣គឺយកឈ្នះគូប្រកួតទាំងបីលើក។

គួរបញ្ជាក់ថា នេះជាការប្រកួតវគ្គជម្រុះសន្សំពិន្ទុដើម្បីស្វែងរកក្រុមជើងខ្លាំងចំនួន៤ក្នុងចំណោម៦ក្រុមឡើងទៅប្រកួតនៅវគ្គពាក់កណ្តាលផ្តាច់ព្រ័ត្រ និងផ្តាច់ព្រ័ត្រនៃពានរង្វាន់ក្របខណ្ឌខេមបូឌាបៀរលីកប្រចាំឆ្នាំ២០១៧៕