ពីនេះ ពីនោះ
ព័ត៍មានសុខភាព
អាការៈទាំងនេះហើយដែលសម្គាល់ថា អ្នកកំពុងតែឈឺក្បាលបែបប្រកាំងហើយ
× ប្រកាំង គឺជាលក្ខណៈនៃការឈឺក្បាលខ្លាំងមួយដែលមានជាប់ទាក់ទងនឹងអាការៈផ្សេងៗទៀតដូចជា ចង្អោ មានបញ្ហានៅភ្នែក និងឈឺនៅកញ្ចឹងក។ វាអាចមានរយៈពេលពីពីរបីម៉ោងទៅច្រើនថ្ងៃ អាស្រ័យទៅតាមភាពធ្ងន់ធ្ងររបស់វា។ វាក៏មានលក្ខណៈខុសៗគ្នាពីមនុស្សម្នាក់ទៅម្នាក់ទៀតដែរ។ ខណៈពេលដែលអាការៈមួយចំនួនអាចបញ្ជាក់អំពីការឈឺក្បាលបែបប្រកាំងនឹងកើតឡើងនៅថ្ងៃអនាគត់ តែខ្លះទៀតក៏កើតឡើងជាប់រហូតក្នុងពេល និងក្រោយពេលវាធ្វើទុក្ខដែរ។
ខាងក្រោមនេះគឺជាអាការៈច្បាស់លាស់មួយចំនួននៃការឈឺក្បាលបែបប្រកាំង៖
ភ្នែកចាប់ផ្តើមមានបញ្ហា ដោយអាចមានអារម្មណ៍ថាស្របាំងៗ ឬមានបន្ទាត់ច្រើនក្នុងគំហើញ ឬអ៊ុចៗពណ៌ខ្មៅច្រើន
នៅសុខៗស្រាប់តែមានការភ្ញាក់ផ្អើល បាក់ទឹកចិត្ត ឆេវឆាវ និងខឹងក្នុងកម្រិតកំពូលតែម្តង
ស្ងាបញឹកញាប់
ឃ្លានអាហារខ្លាំង ទោះបីជាក្រោយពីញ៉ាំរួចហើយក៏ដោយ
ហៀរសម្បោ ហូរទឹកភ្នែក និងរលាកក្នុងច្រមុះ
នោមញឹក
ពិបាកក្នុងការនិយាយ ឬបញ្ចេញសូរសម្លេងឲ្យត្រូវពាក្យ
ឈឺក្បាលខ្ទក់ៗនៅមួយចំហៀងក្បាល
ឈឺនៅកញ្ចឹងក
មានអារម្មណ៍ថារាងកាយមួយចំហៀងស្ពឹកៗ
ខ្លាចពន្លឺ និងសម្លេងខ្លាំងៗ
ក្អួត និងចង្អោ
ឈឺក្នុងភ្នែក
ភ្នែកមើលឃើញពីរៗ
អស់កម្លាំង
ដូច្នេះ ក្រោយពីអ្នកយល់ថាខ្លួនឯងមានអាការៈទាំងអស់ខាងលើរួចហើយ យកល្អគួរតែស្វែងរកការព្យាបាលពីគ្រូពេទ្យឲ្យលឿន ដើម្បីកុំឲ្យអាការៈនេះធ្ងន់ធ្ងរទាន់៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com