កីឡាជាតិ
ជាតិ
លោក វ៉ាត់ ចំរើន៖«បើចំបាប់មិនអាចឈរលេខ១នៅអាស៊ានក្នុងរយៈពេល៤ឆ្នាំ នឹងជួបការលំបាកនៅ២០២៣»
×![]()
បន្ទាប់ពីដាក់ចេញផែនការយុទ្ធសាស្ត្រ៣ចំណុចសម្រាប់អនុវត្តន៍ដើម្បីអភិវឌ្ឍន៍កីឡាចំបាប់ឲ្យកាន់តែរីកចម្រើន ក្នុងអាណត្តិថ្មី២០១៧-២០២០។ ប្រធានសហព័ន្ធកីឡាចំបាប់កម្ពុជា លោក វ៉ាត់ ចំរើន បានកំណត់យក៤ឆ្នាំនេះជាកត្តាកំណត់ពីភាពជោគជ័យរបស់កម្ពុជានៅស៊ីហ្គេមឆ្នាំ២០២៣។ លោកបានបញ្ជាក់ថា ប្រសិនបើចំបាប់កម្ពុជាមិនអាចឈរលេខ១នៅអាស៊ានក្នុងរយៈពេល៤ឆ្នាំនេះទេ នឹងជួបការលំបាកពេលធ្វើជាម្ចាស់ផ្ទះ។
នៅក្នុងមហាសន្និបាតនៅទីស្នាក់ការគណៈកម្មាធិការជាតិអូឡាំពិកកម្ពុជា(NOCC)កាលពីខែមករា កន្លងទៅ លោក វ៉ាត់ ចំរើន ក្រោយជ្រើសតាំងជាប្រធានសហព័ន្ធកីឡាចំបាប់កម្ពុជា បន្តដឹកនាំអាណត្តិថ្មី ឆ្នាំ២០១៧-២០២០។ លោក បានជំរុញឲ្យមន្ត្រី និងកីឡាករទាំងអស់ត្រូវខិតខំប្រឹងប្រែងឲ្យអស់ពីសមត្ថភាពក្នុងការអភិវឌ្ឍន៍កីឡាចំបាប់កម្ពុជាឲ្យលេចធ្លោនៅក្នុងតំបន់។ លើសពីនេះធ្វើយ៉ាងណាត្រូវឈរលេខ១នៅតំបន់អាស៊ាន បើពុំដូច្នេះទេកម្ពុជានឹងជួបការលំបាកក្នុងការប្រជែងយកមេដាយពីការធ្វើម្ចាស់ផ្ទះស៊ីហ្គេមឆ្នាំ២០២៣។
ប្រធានសហព័ន្ធកីឡាចំបាប់រូបនេះសង្កត់ធ្ងន់យ៉ាងដូច្នេះថា៖«ចំបាប់បើមិនអាចឈរលេខ១នៅអាស៊ានក្នុងរយៈពេល៤នេះទេ នឹងមានការលំបាកក្នុងប្រជែងយកមេដាយពីព្រឹត្តិការណ៍ស៊ីហ្គេមឆ្នាំ២០២៣ ជូនជាតិកម្ពុជា។ ដូច្នេះត្រូវយោគយល់ និងខិតខំធ្វើការទាំងអស់គ្នា ជាពិសេសត្រូវមានសាមគ្គីផ្ទៃក្នុងឲ្យបានល្អ»។
លោកបានបញ្ជាក់ផងដែរថា ទោះបីមានយុទ្ធសាស្ត្រ និងធនធានគ្រប់គ្រាន់ក្នុងការអនុវត្តក៏ដោយ ប៉ុន្តែបើខ្វះឆន្ទៈក៏មិនអាចជោគជ័យដែរ។«យើងមានយុទ្ធសាស្ត្រ មានធនធានគ្រប់គ្រាន់ តែបើខ្វះឆន្ទៈក៏មិនអាចជោគជ័យបានដែរ»។ នេះជាប្រសាសន៍របស់លោក វ៉ាត់ ចំរើន ជំរុញដល់មន្ត្រី និងកីឡាកររបស់ខ្លួន។
យ៉ាងណាមិញ លោកប្រធានសហព័ន្ធកីឡាចំបាប់ដែលទើបតែងតាំងថ្មីរូបនេះបានកំណត់ផងដែរថា ក្នុងរយៈពេល៤ឆ្នាំខាងមុខនេះ ប្រសិនបើចំបាប់អាចទទួលបានលទ្ធផលស្មើនឹងការប្រកួតស៊ីហ្គេមលើកទី២៧នៅសិង្ហបុរី ក៏ជាជោគជ័យផងដែរ។ គួររំលឹកថា ការប្រកួតកីឡាស៊ីហ្គេមលើកទី២៧នៅសិង្ហបុរីចំបាប់កម្ពុជាឈ្នះមេដាយមាស ២ ប្រាក់២ និងសំរឹទ្ធ៤។ ប៉ុន្តែជារួមកម្ពុជាឈ្នះមេដាយមាស៨ ប្រាក់១១ និងសំរឹទ្ធ២៨ ដោយមេដាយមាសទាំងនេះកម្ពុជាឈ្នះលើប្រភេទកីឡាចំបាប់(៤) វ៉ូវីណាម(២) ប៉េតង់(១) និងតេក្វាន់ដូ WTF(១)។
ក្រោយដាក់ទិសដៅ និងជំរុញឲ្យកីឡាករព្រមទាំងមន្ត្រីខិតខំធ្វើការរួចមក លោក វ៉ាត់ ចំរើន អគ្គលេខាធិការ NOCC បានដាក់ចេញការងារ៣ចំណុច សម្រាប់អភិវឌ្ឍន៍កីឡាចំបាប់ក្នុងអាណត្តិថ្មី។ ទី១ត្រូវធ្វើការអភិវឌ្ឍន៍ជំនាញ និងបច្ចេកទេសរបស់កីឡាករ, ទី២បំផុសឲ្យមានការចូលរួម និងគាំទ្រឲ្យបានច្រើនកុះករ និងទី៣ត្រូវគោរព និងរៀបចំប្រព័ន្ធគ្រប់គ្រងឲ្យមានប្រសិទ្ធភាពទាំងផ្នែករដ្ឋបាល និងការរៀបចំ។
ជាមួយគ្នានេះ គណៈកម្មាធិការជាតិអូឡាំពិកកម្ពុជា និងក្រសួងអប់រំយុវជន និងកីឡាបានកំណត់យករយៈពេល៤ខាងមុខជារយៈពេលវាស់ស្ទង់ពីភាពជោគជ័យរបស់កម្ពុជាក្នុងព្រឹត្តិការណ៍ស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ ដោយថ្នាក់ដឹកនាំទាំងពីរកំណត់ថា ប្រសិនបើ៤ឆ្នាំនេះទទួលបានជោគជ័យ នោះស៊ីហ្គេមឆ្នាំ២០២៣ នឹងទទួលបានជោគជ័យ តែបើមិនទទួលបានជោគជ័យ នោះស៊ីហ្គេមឆ្នាំ២០២៣ ក៏មិនអាចទទួលជោគជ័យដែរ៕
នៅក្នុងមហាសន្និបាតនៅទីស្នាក់ការគណៈកម្មាធិការជាតិអូឡាំពិកកម្ពុជា(NOCC)កាលពីខែមករា កន្លងទៅ លោក វ៉ាត់ ចំរើន ក្រោយជ្រើសតាំងជាប្រធានសហព័ន្ធកីឡាចំបាប់កម្ពុជា បន្តដឹកនាំអាណត្តិថ្មី ឆ្នាំ២០១៧-២០២០។ លោក បានជំរុញឲ្យមន្ត្រី និងកីឡាករទាំងអស់ត្រូវខិតខំប្រឹងប្រែងឲ្យអស់ពីសមត្ថភាពក្នុងការអភិវឌ្ឍន៍កីឡាចំបាប់កម្ពុជាឲ្យលេចធ្លោនៅក្នុងតំបន់។ លើសពីនេះធ្វើយ៉ាងណាត្រូវឈរលេខ១នៅតំបន់អាស៊ាន បើពុំដូច្នេះទេកម្ពុជានឹងជួបការលំបាកក្នុងការប្រជែងយកមេដាយពីការធ្វើម្ចាស់ផ្ទះស៊ីហ្គេមឆ្នាំ២០២៣។
ប្រធានសហព័ន្ធកីឡាចំបាប់រូបនេះសង្កត់ធ្ងន់យ៉ាងដូច្នេះថា៖«ចំបាប់បើមិនអាចឈរលេខ១នៅអាស៊ានក្នុងរយៈពេល៤នេះទេ នឹងមានការលំបាកក្នុងប្រជែងយកមេដាយពីព្រឹត្តិការណ៍ស៊ីហ្គេមឆ្នាំ២០២៣ ជូនជាតិកម្ពុជា។ ដូច្នេះត្រូវយោគយល់ និងខិតខំធ្វើការទាំងអស់គ្នា ជាពិសេសត្រូវមានសាមគ្គីផ្ទៃក្នុងឲ្យបានល្អ»។
លោកបានបញ្ជាក់ផងដែរថា ទោះបីមានយុទ្ធសាស្ត្រ និងធនធានគ្រប់គ្រាន់ក្នុងការអនុវត្តក៏ដោយ ប៉ុន្តែបើខ្វះឆន្ទៈក៏មិនអាចជោគជ័យដែរ។«យើងមានយុទ្ធសាស្ត្រ មានធនធានគ្រប់គ្រាន់ តែបើខ្វះឆន្ទៈក៏មិនអាចជោគជ័យបានដែរ»។ នេះជាប្រសាសន៍របស់លោក វ៉ាត់ ចំរើន ជំរុញដល់មន្ត្រី និងកីឡាកររបស់ខ្លួន។
យ៉ាងណាមិញ លោកប្រធានសហព័ន្ធកីឡាចំបាប់ដែលទើបតែងតាំងថ្មីរូបនេះបានកំណត់ផងដែរថា ក្នុងរយៈពេល៤ឆ្នាំខាងមុខនេះ ប្រសិនបើចំបាប់អាចទទួលបានលទ្ធផលស្មើនឹងការប្រកួតស៊ីហ្គេមលើកទី២៧នៅសិង្ហបុរី ក៏ជាជោគជ័យផងដែរ។ គួររំលឹកថា ការប្រកួតកីឡាស៊ីហ្គេមលើកទី២៧នៅសិង្ហបុរីចំបាប់កម្ពុជាឈ្នះមេដាយមាស ២ ប្រាក់២ និងសំរឹទ្ធ៤។ ប៉ុន្តែជារួមកម្ពុជាឈ្នះមេដាយមាស៨ ប្រាក់១១ និងសំរឹទ្ធ២៨ ដោយមេដាយមាសទាំងនេះកម្ពុជាឈ្នះលើប្រភេទកីឡាចំបាប់(៤) វ៉ូវីណាម(២) ប៉េតង់(១) និងតេក្វាន់ដូ WTF(១)។
ក្រោយដាក់ទិសដៅ និងជំរុញឲ្យកីឡាករព្រមទាំងមន្ត្រីខិតខំធ្វើការរួចមក លោក វ៉ាត់ ចំរើន អគ្គលេខាធិការ NOCC បានដាក់ចេញការងារ៣ចំណុច សម្រាប់អភិវឌ្ឍន៍កីឡាចំបាប់ក្នុងអាណត្តិថ្មី។ ទី១ត្រូវធ្វើការអភិវឌ្ឍន៍ជំនាញ និងបច្ចេកទេសរបស់កីឡាករ, ទី២បំផុសឲ្យមានការចូលរួម និងគាំទ្រឲ្យបានច្រើនកុះករ និងទី៣ត្រូវគោរព និងរៀបចំប្រព័ន្ធគ្រប់គ្រងឲ្យមានប្រសិទ្ធភាពទាំងផ្នែករដ្ឋបាល និងការរៀបចំ។
ជាមួយគ្នានេះ គណៈកម្មាធិការជាតិអូឡាំពិកកម្ពុជា និងក្រសួងអប់រំយុវជន និងកីឡាបានកំណត់យករយៈពេល៤ខាងមុខជារយៈពេលវាស់ស្ទង់ពីភាពជោគជ័យរបស់កម្ពុជាក្នុងព្រឹត្តិការណ៍ស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ ដោយថ្នាក់ដឹកនាំទាំងពីរកំណត់ថា ប្រសិនបើ៤ឆ្នាំនេះទទួលបានជោគជ័យ នោះស៊ីហ្គេមឆ្នាំ២០២៣ នឹងទទួលបានជោគជ័យ តែបើមិនទទួលបានជោគជ័យ នោះស៊ីហ្គេមឆ្នាំ២០២៣ ក៏មិនអាចទទួលជោគជ័យដែរ៕
Tag:
ចំបាប់
វ៉ាត់ ចំរើន
SEA Games 2023
© រក្សាសិទ្ធិដោយ thmeythmey.com
