អន្តរជាតិ
×![]()
ដោយ: ថ្មីៗ
អគ្គលេខាធិការអង្គការសហហប្រជាជាតិបានលើកឡើងក្នុងសន្និសីទសារព័ត៌មានជាមួយមេដឹកនាំអារ៉ាប៊ីសាអូឌីតថា «ការស្អប់ខ្ពើមនិងរើសអើងអ្នកកាន់សាសនាឥស្លាម»ជាផ្នែកមួយដែលជួយគាំទ្រចលនាភេរវកម្ម។ ការដោះស្រាយបញ្ហានេះមិនអាចបញ្ចប់បានឡើយបើសិនជាអ្នកនយោបាយនៅបន្តកងចំណេញនយោបាយដោយបញ្ឆេះការស្អប់ខ្ពើមឬរើសអើងប្រជាជនឥស្លាមនោះ។
ក្នុងដំណើរទស្សនកិច្ចទៅកាន់ប្រទេសអារ៉ាប៊ីសាអូឌីតនិងជួបពិភាក្សាជាមួយមេដឹកនាំរដ្ឋអារ៉ាប់នេះ ប្រមុខស្ថាប័នអង្គការសហប្រជាជាតិ Antonio Guterres បានកត់សម្គាល់ផងថា ការស្អប់ខ្ពើមនិងរើសអើងអ្នកកាន់សាសនាឥស្លាមជាផ្នែកមួយដែលជួយបញ្ឆេះចលនាភេរវកម្មសាកល។
អគ្គលេខាធិការនៃអន្តររដ្ឋាភិបាលរូបនេះបានថ្លែងក្នុងសន្និសីទសារព័ត៌មានជាមួយរដ្ឋមន្ត្រីការបរទេសអារ៉ាប៊ីសាអូឌីតលោក Adel al-Jubeir ថា៖« រឿងមួយដែលបញ្ឆេះចលនាភេរវកម្មគឺការបញ្ចេញអារម្មណ៍ស្អប់, គោលនយោបាយ, និងសម្តីដែលបង្កប់ដោយការស្អប់ខ្ពើមប្រជាជនឥស្លាម»។
លោកបានបន្តថា៖« ពេលខ្លះវាជាការគាំទ្រមួយដ៏ល្អបំផុតសម្រាប់ក្រុម ដែស្ហឬក្រុមភេរវជនរដ្ឋឥស្លាម ក្នុងការបង្កើតការឃោសនារបស់ខ្លូនក្នុងការទាក់ទាញអ្នកគាំទ្របាន»។
ក្រៅពីចូលរួមក្នុងសន្និសីទសារព័ត៌មាន លោក Antonio Guterres ជួបជាមួយព្រះមហាក្សត្រអារ៉ាប៊ីសាអូឌីត Salman, រជ្ជទាយាទនិងជារដ្ឋមន្ត្រីមហាផ្ទៃព្រះអង្គម្ចាស់ Mohammed bin Nayef និងរជ្ជទាយាទរងព្រះអង្គម្ចាស់ Mohammed bin Salman។
លោក Antonio Guterres បានកត់សម្គាល់ផងដែរថា បច្ចុប្បន្ននេះ វាមានការកើនឡើងនៃចលនាប្រឆាំងជនអន្តោប្រវេសន៍នៅប្រទេសមួយចំនួននៅលើពិភពលោក។ នយោបាយប្រឆាំងជនអន្តោប្រវេស៍ត្រូវបានអ្នកនយោបាយជាច្រើនយកមកប្រើប្រាស់ដើម្បីទាក់ទាញជនប្រជាប្រិយភាព។
លោក ដូណាល់ ត្រាំ ទទួលបានការគាំទ្រខ្លាំងពីប្រជាជននៅក្នុងការបោះឆ្នោតកាលពីចុងឆ្នាំមុនក៏ដោយសារគោលនយោបាយប្រឆាំងជនអន្តោប្រវេសន៍នេះដែរ។ ក្រោយចូលកាន់តំណែងបានប្រហែលពីរសប្តាហ៍ លោកបានចេញបទបញ្ជាប្រធានាធិបតីឬក្រឹត្យដើម្បីហាមប្រជាជន មកពីប្រទេសម៉ូស្លីមចំនួន ៧ចូលដីអាមេរិក ប៉ុន្តែបទបញ្ជានេះត្រូវតុលាការព្យួរការអនុវត្ត។ ហើយអាមេរិកក៏ផ្អាកទទួលយកជនភៀសខ្លួនរយៈពេល ១២០ថ្ងៃ និងលែងទទួលជនភៀសខ្លួនពីប្រទេសស៊ីរីផងដែរ។
ក្រៅពីដូណាល់ ត្រាំ ចលនាប្រឆាំងជនអន្តោប្រវេសន៍និងជនភៀសខ្លួនកើនឡើងខ្លាំងនៅបារាំង។ លោកស្រី Marine Le Pen បេក្ខជនប្រធានាធិបតីបក្សស្តាំនិយមជ្រុលទទួលបានការគាំទ្រច្រើនដោយសារលោកស្រីមានគោលនយោបាយប្រឆាំងជនអន្តោប្រវេសន៍ និងជនភៀសខ្លួន ក៏ដូចជាប្រឆាំងសហភាពអឺរ៉ុប។ អឺរ៉ុបប្រឈមវិបត្តិជនអន្តោប្រវេសន៍និងជនភៀសខ្លួនកន្លងមក ដោយសារប្រជាជនជាច្រើនម៉ឺននាក់រត់ភៀសខ្លួនពីមជ្ឈិមបូព៌ាជាពិសេសមកពីប្រទេសរងគ្រោះដោយសង្គ្រាមមានលីប៊ី និងស៊ីរី ជាដើមនោះ៕
ក្នុងដំណើរទស្សនកិច្ចទៅកាន់ប្រទេសអារ៉ាប៊ីសាអូឌីតនិងជួបពិភាក្សាជាមួយមេដឹកនាំរដ្ឋអារ៉ាប់នេះ ប្រមុខស្ថាប័នអង្គការសហប្រជាជាតិ Antonio Guterres បានកត់សម្គាល់ផងថា ការស្អប់ខ្ពើមនិងរើសអើងអ្នកកាន់សាសនាឥស្លាមជាផ្នែកមួយដែលជួយបញ្ឆេះចលនាភេរវកម្មសាកល។
អគ្គលេខាធិការនៃអន្តររដ្ឋាភិបាលរូបនេះបានថ្លែងក្នុងសន្និសីទសារព័ត៌មានជាមួយរដ្ឋមន្ត្រីការបរទេសអារ៉ាប៊ីសាអូឌីតលោក Adel al-Jubeir ថា៖« រឿងមួយដែលបញ្ឆេះចលនាភេរវកម្មគឺការបញ្ចេញអារម្មណ៍ស្អប់, គោលនយោបាយ, និងសម្តីដែលបង្កប់ដោយការស្អប់ខ្ពើមប្រជាជនឥស្លាម»។
លោកបានបន្តថា៖« ពេលខ្លះវាជាការគាំទ្រមួយដ៏ល្អបំផុតសម្រាប់ក្រុម ដែស្ហឬក្រុមភេរវជនរដ្ឋឥស្លាម ក្នុងការបង្កើតការឃោសនារបស់ខ្លូនក្នុងការទាក់ទាញអ្នកគាំទ្របាន»។
ក្រៅពីចូលរួមក្នុងសន្និសីទសារព័ត៌មាន លោក Antonio Guterres ជួបជាមួយព្រះមហាក្សត្រអារ៉ាប៊ីសាអូឌីត Salman, រជ្ជទាយាទនិងជារដ្ឋមន្ត្រីមហាផ្ទៃព្រះអង្គម្ចាស់ Mohammed bin Nayef និងរជ្ជទាយាទរងព្រះអង្គម្ចាស់ Mohammed bin Salman។
លោក Antonio Guterres បានកត់សម្គាល់ផងដែរថា បច្ចុប្បន្ននេះ វាមានការកើនឡើងនៃចលនាប្រឆាំងជនអន្តោប្រវេសន៍នៅប្រទេសមួយចំនួននៅលើពិភពលោក។ នយោបាយប្រឆាំងជនអន្តោប្រវេស៍ត្រូវបានអ្នកនយោបាយជាច្រើនយកមកប្រើប្រាស់ដើម្បីទាក់ទាញជនប្រជាប្រិយភាព។
លោក ដូណាល់ ត្រាំ ទទួលបានការគាំទ្រខ្លាំងពីប្រជាជននៅក្នុងការបោះឆ្នោតកាលពីចុងឆ្នាំមុនក៏ដោយសារគោលនយោបាយប្រឆាំងជនអន្តោប្រវេសន៍នេះដែរ។ ក្រោយចូលកាន់តំណែងបានប្រហែលពីរសប្តាហ៍ លោកបានចេញបទបញ្ជាប្រធានាធិបតីឬក្រឹត្យដើម្បីហាមប្រជាជន មកពីប្រទេសម៉ូស្លីមចំនួន ៧ចូលដីអាមេរិក ប៉ុន្តែបទបញ្ជានេះត្រូវតុលាការព្យួរការអនុវត្ត។ ហើយអាមេរិកក៏ផ្អាកទទួលយកជនភៀសខ្លួនរយៈពេល ១២០ថ្ងៃ និងលែងទទួលជនភៀសខ្លួនពីប្រទេសស៊ីរីផងដែរ។
ក្រៅពីដូណាល់ ត្រាំ ចលនាប្រឆាំងជនអន្តោប្រវេសន៍និងជនភៀសខ្លួនកើនឡើងខ្លាំងនៅបារាំង។ លោកស្រី Marine Le Pen បេក្ខជនប្រធានាធិបតីបក្សស្តាំនិយមជ្រុលទទួលបានការគាំទ្រច្រើនដោយសារលោកស្រីមានគោលនយោបាយប្រឆាំងជនអន្តោប្រវេសន៍ និងជនភៀសខ្លួន ក៏ដូចជាប្រឆាំងសហភាពអឺរ៉ុប។ អឺរ៉ុបប្រឈមវិបត្តិជនអន្តោប្រវេសន៍និងជនភៀសខ្លួនកន្លងមក ដោយសារប្រជាជនជាច្រើនម៉ឺននាក់រត់ភៀសខ្លួនពីមជ្ឈិមបូព៌ាជាពិសេសមកពីប្រទេសរងគ្រោះដោយសង្គ្រាមមានលីប៊ី និងស៊ីរី ជាដើមនោះ៕
© រក្សាសិទ្ធិដោយ thmeythmey.com
