អន្តរជាតិ
កងទ័ពអ៊ីរ៉ាក់ បើកប្រតិបត្តិការផ្ដាច់ព្រ័ត្ររំដោះក្រុង Mosul ពីដៃក្រុមISIS
×![]()
ដោយ: តន ចាន់រិទ្ធារ៉ា
កងទ័ពអ៊ីរ៉ាក់ ដែលជួយគាំទ្រដោយកងកម្លាំងអាមេរិក នៅថ្ងៃទី១៩ ខែកុម្ភៈ បានបើកប្រតិបត្តិការផ្លូវគោកទ្រង់ទ្រាយធំដើម្បីរំដោះទីក្រុង Mosul ភាគខាងលិចពីដៃក្រុមជ្រុលនិយមរដ្ឋឥស្លាម និងដើម្បីបញ្ចប់មហិច្ឆតាបង្កើតរដ្ឋឯករាជ្យរបស់ក្រុមនេះលើទឹកដីអ៊ីរ៉ាក់។ កងទ័ពអ៊ីរ៉ាក់ជាច្រើនមុខព្រួញ បានសម្រុកទៅកាន់អាកាសយានដ្ឋាន Mosul ដើម្បីបណ្ដេញក្រុមរដ្ឋឥស្លាម ដែលរំពឹងថានឹងតស៊ូយ៉ាងប្ដូរផ្ដាច់ការពារមូលដ្ឋានរឹងមាំចុងក្រោយពួកគេលើទឹកដីអ៊ីរ៉ាក់។
នាយករដ្ឋមន្ត្រីអ៊ីរ៉ាក់ Haider al-Abadi បានប្រកាសបើកយុទ្ធនាការយោធាដ៏ធំមួយ ដើម្បីដណ្ដើមយកភាគខាងលិចក្រុង Mosul ពីការគ្រប់គ្រងរបស់ក្រុមរដ្ឋឥស្លាម បន្ទាប់ពីរំដោះបានតំបន់ភាគខាងកើតកាលពីខែមករា។ លោកនាយករដ្ឋមន្ត្រី al-Abadi ក៏បានប្រាប់កងទ័ពទាំងអស់ ឲ្យគោរពសិទ្ធិមនុស្ស និងជួយការពារប្រជាជនរត់ភៀសខ្លួនចេញពីការវាយប្រយុទ្ធនេះ ដ្បិតជនស៊ីវិលអ៊ីរ៉ាក់ប្រមាណជាង៦សែននាក់ កំពុងតែជាប់ខ្លួនក្នុងតំបន់នេះ។
ថ្លែងតាមទូរទស្សន៍នៅថ្ងៃទី១៩ ខែកុម្ភៈ នាយករដ្ឋមន្ត្រី al-Abadi និយាយថា កងទ័ពបានចាប់ផ្ដើមប្រតិបត្តិការយោធារុលសំដៅភាគលិច Mosul ដើម្បីរំដោះតំបន់នោះ។ កងកម្លាំងប៉ូលិសអ៊ីរ៉ាក់ ជាកម្លាំងជួរមុខក្នុងប្រតិបត្តិការនេះ ដោយវាយសម្រុកទៅកាន់ព្រលានយន្តហោះ Mosul ដែលស្ថិតនៅខាងត្បូងទីក្រុងនេះ។ ផ្សែងខ្មួលខ្មាញ់ហុយឡើងលើតំបន់នេះ ខណៈកងទ័ពអ៊ីរ៉ាក់ ដែលគាំទ្រដោយកាំភ្លើងធំ ពើបប្រយុទ្ធជាមួយសកម្មជនរដ្ឋឥស្លាម ដែលព្យាយាមការពារទីតាំងដូចគ្នានោះ។
បើតាមទីភ្នាក់ងារព័ត៌មាន Reuters កងកម្លាំងសម្ព័ន្ធមិត្តដឹកមុខដោយអាមេរិក ក៏បានបើកប្រតិបត្តិការដែនអាកាស ដើម្បីជួយការពារ និងបោសសម្អាតសកម្មជនរដ្ឋឥស្លាមក្នុងសមរភូមិក្ដៅគគុកនេះ។ មកទល់ពេលនេះ កងកម្លាំងសម្ព័ន្ធមិត្តដើរតួយ៉ាងសំខាន់ក្នុងជួយហ្វឹកហ្វឺន និងបំពាក់អាវុធសម្រាប់កងកម្លាំងអ៊ីរ៉ាក់ជាង៧ម៉ឺននាក់ ដើម្បីតទល់ក្រុមជ្រុលនិយមនេះ។ មេបញ្ជាការទ័ពសម្ព័ន្ធមិត្ត Stephen Townsend និយាយថា សមរភូមិ Mosul ជាទីលានប្រយុទ្ធដ៏លំបាកបំផុតសម្រាប់ទាហានលើលោក។
អ្វីដែលជាការព្រួយបារម្ភសម្រាប់កងទ័ពអ៊ីរ៉ាក់ គឺរថក្រោះ និងរថយន្តធុនធំខ្លះ មិនអាចធ្វើដំណើរលើផ្លូវតូចៗនៅតំបន់ភាគខាងលិចបានឡើយ។ តំបន់នេះ ជាទីក្រុងបុរាណ និងជាទីសម្បូរដោយអាគាររដ្ឋបាលទីក្រុង ហើយវាក៏ជាទីតាំងដែលប្រមុខដឹកនាំក្រុមរដ្ឋឥស្លាម Abu Bakr al-Baghdadi ប្រកាសបង្កើតរដ្ឋគ្រប់គ្រងដោយខ្លួនឯងលើទឹកដីស៊ីរី និងអ៊ីរ៉ាក់ កាលពីឆ្នាំ២០១៤ នោះ។ សកម្មជនរដ្ឋឥស្លាមប្រមាណ៦ពាន់នាក់ បានបន្តប្រយុទ្ធរបៀបវាយឆ្មក់លើកងទ័ពរដ្ឋាភិបាល ដើម្បីការពារមូលដ្ឋានខ្លួន។
សូមរម្លឹកថា ប្រតិបត្តិការយោធារំដោះ Mosul បានចាប់ផ្ដើមតាំងពីខែតុលាមកម្ល៉េះ។ កងទ័ពរដ្ឋាភិបាលអ៊ីរ៉ាក់សហការជាមួយសកម្មជនស៊ីអ៊ីត ព្រមទាំងមានការជួយពីសម្ព័ន្ធមិត្តអាមេរិក បានបើកយុទ្ធានាការរំដោះទីក្រុងដែលជារដ្ឋធានីក្រុមរដ្ឋឥស្លាមនៅអ៊ីរ៉ាក់។ ប្រជាជនរាប់សែននាក់ បានភៀសខ្លួនចេញពីការប្រយុទ្ធ សំដៅទៅកាន់តំបន់ខាងកើត ដែលទើបដណ្ដើមបានមកវិញថ្មីៗនេះ និងរាប់សែននាក់ទៀត ប្រឈមមុខបញ្ហាអត់ស្បៀងអាហារ ទឹក ដោយសារការហ៊ុមព័ទ្ធតំបន់ខាងលិច៕
នាយករដ្ឋមន្ត្រីអ៊ីរ៉ាក់ Haider al-Abadi បានប្រកាសបើកយុទ្ធនាការយោធាដ៏ធំមួយ ដើម្បីដណ្ដើមយកភាគខាងលិចក្រុង Mosul ពីការគ្រប់គ្រងរបស់ក្រុមរដ្ឋឥស្លាម បន្ទាប់ពីរំដោះបានតំបន់ភាគខាងកើតកាលពីខែមករា។ លោកនាយករដ្ឋមន្ត្រី al-Abadi ក៏បានប្រាប់កងទ័ពទាំងអស់ ឲ្យគោរពសិទ្ធិមនុស្ស និងជួយការពារប្រជាជនរត់ភៀសខ្លួនចេញពីការវាយប្រយុទ្ធនេះ ដ្បិតជនស៊ីវិលអ៊ីរ៉ាក់ប្រមាណជាង៦សែននាក់ កំពុងតែជាប់ខ្លួនក្នុងតំបន់នេះ។
ថ្លែងតាមទូរទស្សន៍នៅថ្ងៃទី១៩ ខែកុម្ភៈ នាយករដ្ឋមន្ត្រី al-Abadi និយាយថា កងទ័ពបានចាប់ផ្ដើមប្រតិបត្តិការយោធារុលសំដៅភាគលិច Mosul ដើម្បីរំដោះតំបន់នោះ។ កងកម្លាំងប៉ូលិសអ៊ីរ៉ាក់ ជាកម្លាំងជួរមុខក្នុងប្រតិបត្តិការនេះ ដោយវាយសម្រុកទៅកាន់ព្រលានយន្តហោះ Mosul ដែលស្ថិតនៅខាងត្បូងទីក្រុងនេះ។ ផ្សែងខ្មួលខ្មាញ់ហុយឡើងលើតំបន់នេះ ខណៈកងទ័ពអ៊ីរ៉ាក់ ដែលគាំទ្រដោយកាំភ្លើងធំ ពើបប្រយុទ្ធជាមួយសកម្មជនរដ្ឋឥស្លាម ដែលព្យាយាមការពារទីតាំងដូចគ្នានោះ។
បើតាមទីភ្នាក់ងារព័ត៌មាន Reuters កងកម្លាំងសម្ព័ន្ធមិត្តដឹកមុខដោយអាមេរិក ក៏បានបើកប្រតិបត្តិការដែនអាកាស ដើម្បីជួយការពារ និងបោសសម្អាតសកម្មជនរដ្ឋឥស្លាមក្នុងសមរភូមិក្ដៅគគុកនេះ។ មកទល់ពេលនេះ កងកម្លាំងសម្ព័ន្ធមិត្តដើរតួយ៉ាងសំខាន់ក្នុងជួយហ្វឹកហ្វឺន និងបំពាក់អាវុធសម្រាប់កងកម្លាំងអ៊ីរ៉ាក់ជាង៧ម៉ឺននាក់ ដើម្បីតទល់ក្រុមជ្រុលនិយមនេះ។ មេបញ្ជាការទ័ពសម្ព័ន្ធមិត្ត Stephen Townsend និយាយថា សមរភូមិ Mosul ជាទីលានប្រយុទ្ធដ៏លំបាកបំផុតសម្រាប់ទាហានលើលោក។
អ្វីដែលជាការព្រួយបារម្ភសម្រាប់កងទ័ពអ៊ីរ៉ាក់ គឺរថក្រោះ និងរថយន្តធុនធំខ្លះ មិនអាចធ្វើដំណើរលើផ្លូវតូចៗនៅតំបន់ភាគខាងលិចបានឡើយ។ តំបន់នេះ ជាទីក្រុងបុរាណ និងជាទីសម្បូរដោយអាគាររដ្ឋបាលទីក្រុង ហើយវាក៏ជាទីតាំងដែលប្រមុខដឹកនាំក្រុមរដ្ឋឥស្លាម Abu Bakr al-Baghdadi ប្រកាសបង្កើតរដ្ឋគ្រប់គ្រងដោយខ្លួនឯងលើទឹកដីស៊ីរី និងអ៊ីរ៉ាក់ កាលពីឆ្នាំ២០១៤ នោះ។ សកម្មជនរដ្ឋឥស្លាមប្រមាណ៦ពាន់នាក់ បានបន្តប្រយុទ្ធរបៀបវាយឆ្មក់លើកងទ័ពរដ្ឋាភិបាល ដើម្បីការពារមូលដ្ឋានខ្លួន។
សូមរម្លឹកថា ប្រតិបត្តិការយោធារំដោះ Mosul បានចាប់ផ្ដើមតាំងពីខែតុលាមកម្ល៉េះ។ កងទ័ពរដ្ឋាភិបាលអ៊ីរ៉ាក់សហការជាមួយសកម្មជនស៊ីអ៊ីត ព្រមទាំងមានការជួយពីសម្ព័ន្ធមិត្តអាមេរិក បានបើកយុទ្ធានាការរំដោះទីក្រុងដែលជារដ្ឋធានីក្រុមរដ្ឋឥស្លាមនៅអ៊ីរ៉ាក់។ ប្រជាជនរាប់សែននាក់ បានភៀសខ្លួនចេញពីការប្រយុទ្ធ សំដៅទៅកាន់តំបន់ខាងកើត ដែលទើបដណ្ដើមបានមកវិញថ្មីៗនេះ និងរាប់សែននាក់ទៀត ប្រឈមមុខបញ្ហាអត់ស្បៀងអាហារ ទឹក ដោយសារការហ៊ុមព័ទ្ធតំបន់ខាងលិច៕
Tag:
អ៊ីរ៉ាក់
អាមេរិក
ក្រុមរដ្ឋឥស្លាម
Mosul
© រក្សាសិទ្ធិដោយ thmeythmey.com
