ជាតិ
ពីនេះ ពីនោះ
×![]()
ដោយ: ថ្មីៗ
សីលធម៌ គឺជាតម្លៃស្នូលរបស់មនុស្ស។ ប្រសិនបើមនុស្សខ្វះសីលធម៌ មិនមែនធ្វើឲ្យខាត់តែប្រយោជន៍បុគ្គលប៉ុណ្ណោះទេ ប៉ុន្តែ វាថែមទាំងបង្កគ្រោះថ្នាក់ធ្ងន់ធ្ងរដល់សង្គមជាតិទៀតផង។ ចំណែកឯ គ្រូបង្រៀនប្រសិនបើខ្វះសីលធម៌ផ្នែកអប់រំ ឬហៅថា សីលធម៌វិជ្ជាជីវៈគ្រូបង្រៀន នោះនឹងបង្កឲ្យប៉ះពាល់ដល់គុណភាព នៃការផលិតធនធានមនុស្សរបស់ប្រទេសជាតិទាំងមូល។ ដូច្នេះគ្រូបង្រៀនត្រូវតែជាមនុស្សដែល មានចិត្ត មានឆន្ទះ មានមនសិកា មានសុភវិនិច្ឆ័យត្រឹមត្រូវ។ ជាពិសេស គ្រូបង្រៀនត្រូវតែមានសីលធម៌៦យ៉ាង៖
ទី១. ការស្រឡាញ់ និងការថ្នាក់ថ្នមសិស្ស គ្រូបង្រៀនល្អ គឺជាអ្នកដែលស្រឡាញ់ អាណិតអាសូរសិស្ស។ សេចក្ដីស្រឡាញ់នេះនាំមកនូវការស្រឡាញ់រាប់អានតប់មកវិញ ពីសិស្ស និងបង្កឲ្យកាន់តែមានភាពស្និតស្នាលរវាងសិស្សនិងគ្រូ។
ទី២. ត្រូវមានភាពម៉ឺងម៉ាត់ ចិត្តទូលាយ និងសណ្ដោស ក្នុងនាមជាគ្រូបង្រៀនមួយរូប គឺជាគំរូភាពចំពោះយុវវ័យរាប់រយអ្នក ហេតុនេះនាមជាគ្រូត្រូវតែបង្ហាញនូវលក្ខណៈរឹងមាំ ដើម្បីជាទីទុកចិត្តចំពោះសិស្សនិស្សិត។ គ្រូមិនត្រូវប្រកាន់នូវចិត្តចង្អៀតចង្អល់ចំពោះសិស្ស ឬបង្ហាញនូវសកម្មភាពណាមួយ ដែលមានលក្ខណៈប្រកាន់ខឹង ឬចាប់កំហុសសិស្សឡើយ។ តែគ្រូត្រូវតែមានសណ្ដានអាណិតសណ្ដោសចំពោះសិស្ស ហើយធ្វើការអប់រំសិស្សដោយស្មារតីទទួលខុសត្រូវ។
ទី៣. រក្សាទឹកមុខល្អជានិច្ច ទោះស្ថិតនៅក្នុងកាលៈទេសៈណាក៏ដោយ ឬបើទោះបីជាគ្រូជួបប្រទះបាតុភូតអាក្រក់ សេចក្ដីខឹងបែបណាក្ដី គ្រូគប្បីចេះសម្រួលអារម្មណ៍ ទប់កំហឹងចំពោះការមិនសប្បាយចិត្តណាមួយ ដោយមិនត្រូវបង្ហាញឲ្យសិស្សដឹងពីអារម្មណ៍របស់ខ្លួនឡើយ។
ទី៤. មានស្មារតីយុត្តិធម៌ ក្នុងនាមជាគ្រូបង្រៀនត្រូវតែប្រកាន់ភ្ជាប់នូវគោការណ៍យុត្តិធម៌ចំពោះសិស្សទាំងអស់ ទាំងនៅក្នុងថ្នាក់ និងក្រៅថ្នាក់រៀនក្ដី។ គ្រូត្រូវស្រឡាញ់សិស្សឲ្យបានស្មើៗគ្នាក្នុងនាមជាគ្រូនិងសិស្ស រាល់ការផ្ទេរចំណេះដឹង ផ្តល់ឯកសារ ឬការដាក់ពិន្ទុលើកិច្ចការរបស់សិស្ស ជៀសវាងការប្រព្រឹត្តអំពើពុករលួយ។ នេះគឺជាគំរូល្អមួយដើម្បីជាកញ្ចក់បង្ហាញឱ្យមនុស្សជំនាន់ថ្មី នៃជាតិមួយមានមនសិការស្រឡាញ់យុត្តិធម៌ សច្ចធម៌ តម្លាភាព ភាពស្មោះត្រង់ជាដើម។
ទី៥. ភក្តីភាព និងអំណត់អត់ធន់ គ្រូបង្រៀនត្រូវមានភក្ដីភាពចំពោះសិស្ស មានភាពស្មោះត្រង់ជាមួយសិស្ស មិនមែនជាទង្វើពុតត្បត់ឡើយ។ កិច្ចការងារជាគ្រូបង្រៀន គឺជាប្រភេទការងារដែលតម្រូវឲ្យមានការតស៊ូព្យាយាម និងអំណត់អត់ធ្មត់។ ហេតុនេះភាពឧស្សារហ៍ព្យាយាមជាមូលដ្ឋានសម្រាប់អាជីពជាគ្រូបង្រៀន។
ទី៦. មនសិការវិជ្ជាជីវៈ ក្នុងនាមជាគ្រូត្រូវមានស្មារតីភ្ញាក់រលឹកក្នុងការទទួលខុសត្រូវចំពោះមុខសិស្ស ចំពោះមុខឪពុកម្ដាយ និងសង្គមជាតិទាំងមូល។ វាសនាអនាគតរបស់យុវវ័យជំនាន់ក្រោយ គឺស្ថិតនៅក្នុងកណ្ដាប់ដៃរបស់អ្នកអប់រំ ហេតុនេះវាសនារបស់ប្រទេសជាតិក៏អ្នកអប់រំចូលរួមកំណត់ដែរ។ តួនាទីរបស់គ្រូបង្រៀនគឺជាអ្នកបណ្ដុះ អប់រំកុមារ យុវវ័យ ឲ្យមានពុទ្ធិ ចំណេះដឹង ចំណេះធ្វើ ស្គាល់ពីតម្លៃរបស់មនុស្ស តម្លៃរបស់សង្គមជាតិ និងសកលលោក៕
ទី១. ការស្រឡាញ់ និងការថ្នាក់ថ្នមសិស្ស គ្រូបង្រៀនល្អ គឺជាអ្នកដែលស្រឡាញ់ អាណិតអាសូរសិស្ស។ សេចក្ដីស្រឡាញ់នេះនាំមកនូវការស្រឡាញ់រាប់អានតប់មកវិញ ពីសិស្ស និងបង្កឲ្យកាន់តែមានភាពស្និតស្នាលរវាងសិស្សនិងគ្រូ។
ទី២. ត្រូវមានភាពម៉ឺងម៉ាត់ ចិត្តទូលាយ និងសណ្ដោស ក្នុងនាមជាគ្រូបង្រៀនមួយរូប គឺជាគំរូភាពចំពោះយុវវ័យរាប់រយអ្នក ហេតុនេះនាមជាគ្រូត្រូវតែបង្ហាញនូវលក្ខណៈរឹងមាំ ដើម្បីជាទីទុកចិត្តចំពោះសិស្សនិស្សិត។ គ្រូមិនត្រូវប្រកាន់នូវចិត្តចង្អៀតចង្អល់ចំពោះសិស្ស ឬបង្ហាញនូវសកម្មភាពណាមួយ ដែលមានលក្ខណៈប្រកាន់ខឹង ឬចាប់កំហុសសិស្សឡើយ។ តែគ្រូត្រូវតែមានសណ្ដានអាណិតសណ្ដោសចំពោះសិស្ស ហើយធ្វើការអប់រំសិស្សដោយស្មារតីទទួលខុសត្រូវ។
ទី៣. រក្សាទឹកមុខល្អជានិច្ច ទោះស្ថិតនៅក្នុងកាលៈទេសៈណាក៏ដោយ ឬបើទោះបីជាគ្រូជួបប្រទះបាតុភូតអាក្រក់ សេចក្ដីខឹងបែបណាក្ដី គ្រូគប្បីចេះសម្រួលអារម្មណ៍ ទប់កំហឹងចំពោះការមិនសប្បាយចិត្តណាមួយ ដោយមិនត្រូវបង្ហាញឲ្យសិស្សដឹងពីអារម្មណ៍របស់ខ្លួនឡើយ។
ទី៤. មានស្មារតីយុត្តិធម៌ ក្នុងនាមជាគ្រូបង្រៀនត្រូវតែប្រកាន់ភ្ជាប់នូវគោការណ៍យុត្តិធម៌ចំពោះសិស្សទាំងអស់ ទាំងនៅក្នុងថ្នាក់ និងក្រៅថ្នាក់រៀនក្ដី។ គ្រូត្រូវស្រឡាញ់សិស្សឲ្យបានស្មើៗគ្នាក្នុងនាមជាគ្រូនិងសិស្ស រាល់ការផ្ទេរចំណេះដឹង ផ្តល់ឯកសារ ឬការដាក់ពិន្ទុលើកិច្ចការរបស់សិស្ស ជៀសវាងការប្រព្រឹត្តអំពើពុករលួយ។ នេះគឺជាគំរូល្អមួយដើម្បីជាកញ្ចក់បង្ហាញឱ្យមនុស្សជំនាន់ថ្មី នៃជាតិមួយមានមនសិការស្រឡាញ់យុត្តិធម៌ សច្ចធម៌ តម្លាភាព ភាពស្មោះត្រង់ជាដើម។
ទី៥. ភក្តីភាព និងអំណត់អត់ធន់ គ្រូបង្រៀនត្រូវមានភក្ដីភាពចំពោះសិស្ស មានភាពស្មោះត្រង់ជាមួយសិស្ស មិនមែនជាទង្វើពុតត្បត់ឡើយ។ កិច្ចការងារជាគ្រូបង្រៀន គឺជាប្រភេទការងារដែលតម្រូវឲ្យមានការតស៊ូព្យាយាម និងអំណត់អត់ធ្មត់។ ហេតុនេះភាពឧស្សារហ៍ព្យាយាមជាមូលដ្ឋានសម្រាប់អាជីពជាគ្រូបង្រៀន។
ទី៦. មនសិការវិជ្ជាជីវៈ ក្នុងនាមជាគ្រូត្រូវមានស្មារតីភ្ញាក់រលឹកក្នុងការទទួលខុសត្រូវចំពោះមុខសិស្ស ចំពោះមុខឪពុកម្ដាយ និងសង្គមជាតិទាំងមូល។ វាសនាអនាគតរបស់យុវវ័យជំនាន់ក្រោយ គឺស្ថិតនៅក្នុងកណ្ដាប់ដៃរបស់អ្នកអប់រំ ហេតុនេះវាសនារបស់ប្រទេសជាតិក៏អ្នកអប់រំចូលរួមកំណត់ដែរ។ តួនាទីរបស់គ្រូបង្រៀនគឺជាអ្នកបណ្ដុះ អប់រំកុមារ យុវវ័យ ឲ្យមានពុទ្ធិ ចំណេះដឹង ចំណេះធ្វើ ស្គាល់ពីតម្លៃរបស់មនុស្ស តម្លៃរបស់សង្គមជាតិ និងសកលលោក៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 5 ថ្ងៃ
