ជាតិ
សេដ្ឋកិច្ច
ក្រុមហ៊ុនបារាំងធំៗចំនួន១៥ ពិភាក្សារកដំណោះស្រាយ ក្នុងការអភិវឌ្ឍទីក្រុងដោយចីរភាព
×![]()
ភ្នំពេញ៖ ស្ថានទូតបារាំងនៅកម្ពុជា និងទីភ្នាក់ងារជាតិបារាំង Business France បានរៀបចំសន្និសីទបច្ចេកទេស លើប្រធានបទ «ទីក្រុងចីរភាព» កាលពីថ្ងៃទី២៤ ខែកុម្ភៈកន្លងទៅ។ សន្និសីទនេះ ផ្ដោតលើនគរូបនីយកម្ម ការគ្រប់គ្រងលំហរ និងមធ្យោបាយដឹកជញ្ជូនសាធារណៈ។ ជាមួយគ្នានេះ ប្រទេសបារាំង តាមរយៈទីភ្នាក់ងារអភិវឌ្ឍបារាំង បានគាំទ្រគម្រោងជាច្រើន ដែលមានការលើកស្ទួយបរិស្ថាន និងគុណភាពនៃការរស់នៅតាមទីក្រុង។
សន្និសីទនេះ ធ្វើឡើងស្របតាមកិច្ចព្រមព្រៀមទីក្រុងប៉ារីសស្ដីពីអាកាសធាតុ ដែលមានគោលដៅជំរុញសកម្មភាព និងការវិនិយោគ សម្រាប់ធានាអនាគតមួយប្រកបដោយចីរភាព និងបន្ស៉ាំនិងផលវិបាកនៃការប្រែប្រួលអាកាសធាតុ។ ក្នុងសន្និសីទនេះ មានការអញ្ជើញចូលរួមពីសំណាក់ ឯកអគ្គរដ្ឋទូតបារាំងប្រចាំកម្ពុជា លោក ហ្សង់-ក្លូដ ពាំបឺហ្វ រួមទាំងលោក សាយ សំអាល់, លោក ត្រាក់ ថៃសៀង និងតំណាងក្រុមហ៊ុនបារាំងធំៗ ដែលកំពុងធ្វើទស្សនកិច្ចនៅកម្ពុជា ដើម្បីចែករំលែកចំណេះដឹងលើផ្នែកអភិវឌ្ឍន៍ទីក្រុងប្រកបដោយចីរភាព។
នៅក្នុងសន្និសីទ លោកឯកអគ្គរដ្ឋទូតបារាំងប្រចាំកម្ពុជា ហ្សង់-ក្លូដ ពាំបឺហ្វ បានមានប្រសាសន៍ថា៖ «កំណើនសេដ្ឋកិច្ចស្ថិតស្ថេរ រយៈ ពេល២០ឆ្នាំមកនេះ បានធ្វើឲ្យប្រទេសកម្ពុជាមានការផ្លាស់ប្ដូរ ពិសេសនៅក្នុងតំបន់ទីប្រជុំជន ដូចជារាជធានីភ្នំពេញជាដើម»។ លោក ហ្សង់-ក្លូដ ពាំបឺហ្វ បានលើកឡើង៖ «ខណៈដែលប្រជាជននៅតំបន់ប្រជុំជនអាចកើនឡើងទ្វេដងនៅឆ្នាំ២០៣០ បញ្ហាប្រឈមនាពេលបច្ចុប្បន្ន ដូចជាការបំពុលបរិស្ថាន និងចរាចរណ៍ បានចោទកាន់តែខ្លាំងនៅពេលខាងមុខ ហើយយើងបានឃើញតាំងពីពេលនេះទៅហើយនូវតម្រូវការផ្នែកហេដ្ឋារចនាសម្ព័ន្ធ និងសេវាទីក្រុងក្នុងគ្រប់វិស័យទាំងអស់»។
ក្រុមហ៊ុនបារាំងធំៗចំនួន ១៥ ដែលបានទស្សនកិច្ចនៅកម្ពុជា គឺជាការឆ្លើយតបទៅនឹងបញ្ហា ដែលត្រូវបានពិភាក្សានៅក្នុងសន្និសីទ។ ការពិភាក្សានៅក្នុងសន្និសីទ ទាក់ទងនឹង ការគ្រប់គ្រងទឹកប្រកបដោយចីរភាព ការផលិតនិងប្រើប្រាស់ថាមពលដោយសមស្រប មធ្យោបាយដឹកជញ្ជូនសាធារណៈ ការកែច្នៃកាកសំណល់ និងការសាងសង់ដោយគិតគូរដល់បរិស្ថានជាដើម។
គួរបញ្ជាក់ផងដែរ កិច្ចពិភាក្សា ក្រុមហ៊ុនបារាំងបានស្នើឡើងនូវដំណោះស្រាយនានា ដើម្បីជួយរាជរដ្ឋាភិបាលកម្ពុជាស្របតាមយុទ្ធសាស្ត្រចតុកោណ ដែលផ្ដោតលើការអភិវឌ្ឍប្រកបដោយចីរភាព។ បន្ថែមលើនេះ ក្រុមហ៊ុនបារាំងបានជួបពិភាក្សាដាច់ដោយឡែកជាមួយតំណាងក្រុមហ៊ុនក្នុងស្រុក និងស្ថាប័នពាក់ព័ន្ធនានា៕
សន្និសីទនេះ ធ្វើឡើងស្របតាមកិច្ចព្រមព្រៀមទីក្រុងប៉ារីសស្ដីពីអាកាសធាតុ ដែលមានគោលដៅជំរុញសកម្មភាព និងការវិនិយោគ សម្រាប់ធានាអនាគតមួយប្រកបដោយចីរភាព និងបន្ស៉ាំនិងផលវិបាកនៃការប្រែប្រួលអាកាសធាតុ។ ក្នុងសន្និសីទនេះ មានការអញ្ជើញចូលរួមពីសំណាក់ ឯកអគ្គរដ្ឋទូតបារាំងប្រចាំកម្ពុជា លោក ហ្សង់-ក្លូដ ពាំបឺហ្វ រួមទាំងលោក សាយ សំអាល់, លោក ត្រាក់ ថៃសៀង និងតំណាងក្រុមហ៊ុនបារាំងធំៗ ដែលកំពុងធ្វើទស្សនកិច្ចនៅកម្ពុជា ដើម្បីចែករំលែកចំណេះដឹងលើផ្នែកអភិវឌ្ឍន៍ទីក្រុងប្រកបដោយចីរភាព។
នៅក្នុងសន្និសីទ លោកឯកអគ្គរដ្ឋទូតបារាំងប្រចាំកម្ពុជា ហ្សង់-ក្លូដ ពាំបឺហ្វ បានមានប្រសាសន៍ថា៖ «កំណើនសេដ្ឋកិច្ចស្ថិតស្ថេរ រយៈ ពេល២០ឆ្នាំមកនេះ បានធ្វើឲ្យប្រទេសកម្ពុជាមានការផ្លាស់ប្ដូរ ពិសេសនៅក្នុងតំបន់ទីប្រជុំជន ដូចជារាជធានីភ្នំពេញជាដើម»។ លោក ហ្សង់-ក្លូដ ពាំបឺហ្វ បានលើកឡើង៖ «ខណៈដែលប្រជាជននៅតំបន់ប្រជុំជនអាចកើនឡើងទ្វេដងនៅឆ្នាំ២០៣០ បញ្ហាប្រឈមនាពេលបច្ចុប្បន្ន ដូចជាការបំពុលបរិស្ថាន និងចរាចរណ៍ បានចោទកាន់តែខ្លាំងនៅពេលខាងមុខ ហើយយើងបានឃើញតាំងពីពេលនេះទៅហើយនូវតម្រូវការផ្នែកហេដ្ឋារចនាសម្ព័ន្ធ និងសេវាទីក្រុងក្នុងគ្រប់វិស័យទាំងអស់»។
ក្រុមហ៊ុនបារាំងធំៗចំនួន ១៥ ដែលបានទស្សនកិច្ចនៅកម្ពុជា គឺជាការឆ្លើយតបទៅនឹងបញ្ហា ដែលត្រូវបានពិភាក្សានៅក្នុងសន្និសីទ។ ការពិភាក្សានៅក្នុងសន្និសីទ ទាក់ទងនឹង ការគ្រប់គ្រងទឹកប្រកបដោយចីរភាព ការផលិតនិងប្រើប្រាស់ថាមពលដោយសមស្រប មធ្យោបាយដឹកជញ្ជូនសាធារណៈ ការកែច្នៃកាកសំណល់ និងការសាងសង់ដោយគិតគូរដល់បរិស្ថានជាដើម។
គួរបញ្ជាក់ផងដែរ កិច្ចពិភាក្សា ក្រុមហ៊ុនបារាំងបានស្នើឡើងនូវដំណោះស្រាយនានា ដើម្បីជួយរាជរដ្ឋាភិបាលកម្ពុជាស្របតាមយុទ្ធសាស្ត្រចតុកោណ ដែលផ្ដោតលើការអភិវឌ្ឍប្រកបដោយចីរភាព។ បន្ថែមលើនេះ ក្រុមហ៊ុនបារាំងបានជួបពិភាក្សាដាច់ដោយឡែកជាមួយតំណាងក្រុមហ៊ុនក្នុងស្រុក និងស្ថាប័នពាក់ព័ន្ធនានា៕
© រក្សាសិទ្ធិដោយ thmeythmey.com
