ជាតិ
ឧទ្ធរណ៍ ប្រកាសសាលដីកា លើរឿងក្តីលោកស្រីទេព វន្នី និងស្ត្រីបីនាក់ នៅថ្ងៃទី២៧ កុម្ភៈ
×![]()
ភ្នំពេញ៖ សាលាឧទ្ធរណ៍ នឹងប្រកាសសាលដីកាលើសំណុំរឿងលោកស្រី ទេព វន្នី រួមទាំងស្ត្រីបឹងកក់បីនាក់ទៀត នៅថ្ងៃទី២៧ ខែកុម្ភៈ ឆ្នាំ២០១៧។ សំណុំរឿងនេះ គឺទាក់ទងនឹងអំពើហិង្សា ដែលកើតឡើងនៅមុខសាលារាជធានីភ្នំពេញ តាំងពីឆ្នាំ២០១១មកម្ល៉េះ។
លោកស្រី ទេព វន្នី រួមទាំងស្ត្រីបឹងកក់បីនាក់ទៀត គឺលោកស្រី បូ ឆវី លោកស្រី គង់ ចន្ថា និងលោកស្រី ហេង មុំ បានប្តឹងទៅសាលាឧទ្ធរណ៍ ដើម្បីជំទាស់នឹងសាលាដំបូងរាជធានីភ្នំពេញ ដែលដាក់ទោសពួកគេ ឲ្យជាប់ពន្ធនាគាររយៈពេល៦ខែក្នុងម្នាក់ៗ ពីបទប្រឆាំងមន្ត្រីរាជការសាធារណៈ កាលពីឆ្នាំ២០១១។ ក្រោយទទួលបណ្តឹងរបស់ស្ត្រីសកម្មជនបឹងកក់ទាំងបួននាក់នេះហើយ សាលាឧទ្ធរណ៍ ក៏បានបើកសវនាការ កាលពីថ្ងៃទី១៥ ខែកុម្ភៈ ឆ្នាំ ២០១៧។ ប៉ុន្តែក្រោយបញ្ចប់សវនាការ សាលាឧទ្ធរណ៍ មិនបានប្រកាសសាលដីកាភ្លាមៗនោះទេ ដោយលើកពេលប្រកាសនៅថ្ងៃទី២៧ ខែកុម្ភៈ ឆ្នាំ២០១៧។
បច្ចុប្បន្ននេះ លោកស្រី ទេព វន្នី កំពុងតែជាប់ពន្ធនាគារ។ រីឯ លោកស្រី បូ ឆវី លោកស្រី គង់ ចន្ថា និងលោកស្រី ហេង មុំ ត្រូវបានដោះលែងឲ្យនៅក្រៅឃុំជាបណ្តោះអាសន្ន។
កាលពីប៉ុន្មានថ្ងៃមុន លោកសី ទេព វន្នី ទើបតែត្រូវបានសាលាដំបូងរាជធានីភ្នំពេញ កាត់ទោសឲ្យជាប់ពន្ធនាគាររយៈពេលពីរឆ្នាំកន្លះ ទាក់ទងនឹងបទល្មើសមួយផ្សេងទៀត ដែលកើតឡើងនៅមុខផ្ទះសម្តេច ហ៊ុន សែន ក្បែរវិមានឯករាជ្យ កាលពីឆ្នាំ២០១៣។ ក្នុងសំណុំរឿងនេះ លោកស្រី ទេព វន្នី ត្រូវបានចោទពីបទ «បង្កហិង្សាដោយចេតនាមានស្ថានទម្ងន់ទោស»។
សកម្មជនបឹងកក់មួយចំនួន តែងនាំគ្នាទាមទារឲ្យដោះលែងលោកស្រី ទេព វន្នី ជាញឹកញាប់ ជាពិសេសតាមរយៈ «យុទ្ធនាការថ្ងៃចន្ទពណ៌ខ្មៅ»។ យ៉ាងណាក៏ដោយ ការតវ៉ារបស់ពួកគេ ហាក់មានសង្ឃឹមតិចតួចណាស់ ដោយសារតែកន្លងមក បក្សកាន់អំណាច បានប្រកាសជាច្រើនដងមកហើយថា សំណុំរឿងខាងលើ គឺស្ថិតនៅក្រោមចំណាត់ការរបស់តុលាការ ដោយមិនមានស្ថាប័នណាមួយ អាចលូកដៃចូល ដើម្បីសុំឲ្យដោះលែងអ្នកទោស នោះទេ៕
លោកស្រី ទេព វន្នី រួមទាំងស្ត្រីបឹងកក់បីនាក់ទៀត គឺលោកស្រី បូ ឆវី លោកស្រី គង់ ចន្ថា និងលោកស្រី ហេង មុំ បានប្តឹងទៅសាលាឧទ្ធរណ៍ ដើម្បីជំទាស់នឹងសាលាដំបូងរាជធានីភ្នំពេញ ដែលដាក់ទោសពួកគេ ឲ្យជាប់ពន្ធនាគាររយៈពេល៦ខែក្នុងម្នាក់ៗ ពីបទប្រឆាំងមន្ត្រីរាជការសាធារណៈ កាលពីឆ្នាំ២០១១។ ក្រោយទទួលបណ្តឹងរបស់ស្ត្រីសកម្មជនបឹងកក់ទាំងបួននាក់នេះហើយ សាលាឧទ្ធរណ៍ ក៏បានបើកសវនាការ កាលពីថ្ងៃទី១៥ ខែកុម្ភៈ ឆ្នាំ ២០១៧។ ប៉ុន្តែក្រោយបញ្ចប់សវនាការ សាលាឧទ្ធរណ៍ មិនបានប្រកាសសាលដីកាភ្លាមៗនោះទេ ដោយលើកពេលប្រកាសនៅថ្ងៃទី២៧ ខែកុម្ភៈ ឆ្នាំ២០១៧។
បច្ចុប្បន្ននេះ លោកស្រី ទេព វន្នី កំពុងតែជាប់ពន្ធនាគារ។ រីឯ លោកស្រី បូ ឆវី លោកស្រី គង់ ចន្ថា និងលោកស្រី ហេង មុំ ត្រូវបានដោះលែងឲ្យនៅក្រៅឃុំជាបណ្តោះអាសន្ន។
កាលពីប៉ុន្មានថ្ងៃមុន លោកសី ទេព វន្នី ទើបតែត្រូវបានសាលាដំបូងរាជធានីភ្នំពេញ កាត់ទោសឲ្យជាប់ពន្ធនាគាររយៈពេលពីរឆ្នាំកន្លះ ទាក់ទងនឹងបទល្មើសមួយផ្សេងទៀត ដែលកើតឡើងនៅមុខផ្ទះសម្តេច ហ៊ុន សែន ក្បែរវិមានឯករាជ្យ កាលពីឆ្នាំ២០១៣។ ក្នុងសំណុំរឿងនេះ លោកស្រី ទេព វន្នី ត្រូវបានចោទពីបទ «បង្កហិង្សាដោយចេតនាមានស្ថានទម្ងន់ទោស»។
សកម្មជនបឹងកក់មួយចំនួន តែងនាំគ្នាទាមទារឲ្យដោះលែងលោកស្រី ទេព វន្នី ជាញឹកញាប់ ជាពិសេសតាមរយៈ «យុទ្ធនាការថ្ងៃចន្ទពណ៌ខ្មៅ»។ យ៉ាងណាក៏ដោយ ការតវ៉ារបស់ពួកគេ ហាក់មានសង្ឃឹមតិចតួចណាស់ ដោយសារតែកន្លងមក បក្សកាន់អំណាច បានប្រកាសជាច្រើនដងមកហើយថា សំណុំរឿងខាងលើ គឺស្ថិតនៅក្រោមចំណាត់ការរបស់តុលាការ ដោយមិនមានស្ថាប័នណាមួយ អាចលូកដៃចូល ដើម្បីសុំឲ្យដោះលែងអ្នកទោស នោះទេ៕
© រក្សាសិទ្ធិដោយ thmeythmey.com
