អន្តរជាតិ
×![]()
ដោយ: ធីតា
អ៊ីតាលី៖ លោក Luciano Baietti ដែលរស់នៅតំបន់ Velletri ភាគខាងត្បូងទីក្រុងរ៉ូម ប្រទេសអ៊ីតាលី មានឈ្មោះក្នុងបញ្ជីកំណត់ត្រាពិភពលោកក្នុងនាមជាមនុស្សម្នាក់ដែលរៀនសូត្រមិនចេះជិនណាយ។ បុរសវ័យ៧០ឆ្នាំរូបនេះ ទើបទទួលបានសញ្ញាបត្រទី១៥ ហើយកំពុងបន្តការសិក្សាដើម្បីយកសញ្ញាបត្រទី១៦បន្ថែមទៀត។
ចាប់តាំងពីឆ្នាំ២០០២មក លោក Luciano Baietti ត្រូវបានចុះឈ្មោះក្នុងសៀវភៅ Guinness World Records បន្ទាប់ពីលោកទទួលបានសញ្ញាបត្រ (Laurea) លើជំនាញវិទ្យាសាស្ត្រចលនាពីសាកលវិទ្យាល័យ La Sapienza នៅទីក្រុងរ៉ូម ហើយនេះក៏ជាសញ្ញាបត្រ (កម្រិតបរិញ្ញា និងអនុបណ្ឌិត) លើកទី៨របស់លោកផងដែរ។
ក្នុងបទសម្ភាសជាមួយសារព័ត៌មាន AFP លោក Luciano Baietti ដែលងុបងល់នឹងការរៀនសូត្រនោះ ត្រៀមទទួលសញ្ញាបត្រទី១៦របស់ខ្លួន លើជំនាញវិទ្យាសាស្ត្រចំណីអាហារ។ សញ្ញាបត្រផ្សេងទៀតដែលលោកទទួលបានរួមមានលើជំនាញ អប់រំកាយ សង្គមវិទ្យា អក្សរសាស្ត្រ នីតិសាស្ត្រ វិទ្យាសាស្ត្រនយោបាយ ទស្សនវិទ្យា ស្ថិតិ ឧក្រិដ្ឋវិទ្យា និងទេសចរណ៍ ជាដើម។
បុរសដែលមានវ័យ៧០ឆ្នាំ ហើយមានកូនប្រុសម្នាក់អាយុ២២ឆ្នាំរូបនេះ បានអះអាងថា ការសិក្សាបានក្លាយជាចំណង់ចំណូលចិត្តរបស់លោក ដោយលោកតែងតែចង់ទទួលបានចំណេះដឹងថ្មីៗជានិច្ចសម្រាប់ខ្លួន។
«ខ្ញុំចាប់អារម្មណ៍ស្រឡាញ់ការសិក្សាកាន់តែខ្លាំងបន្ទាប់ពី ទទួលបានសញ្ញាបត្រផ្នែកអប់រំកាយកាលពីឆ្នាំ១៩៧២»។ នេះជាការអះអាងរបស់លោក Luciano Baietti ដោយបន្ថែមថា សញ្ញាបត្រដែលមានកម្រិតបរិញ្ញាបត្រ និងអនុបណ្ឌិតដែលលោកបានសិក្សានោះ គឺលោកបានផ្ទាល់ផង និងអនឡាញផង។ សញ្ញាបត្រទាំងនោះ បានមកពីសាកលវិទ្យាល័យនៅទីក្រុងរ៉ូម ក្រុង Turin ក្រុងណាប៉ូលី ជាដើម។
លោក Baietti ធ្លាប់ធ្វើជាបុគ្គលិកស្ម័គ្រចិត្តកាកបាទក្រហម ហើយមុនពេលចូលនិវត្តន៍លោកជាអតីតមន្ត្រីរដ្ឋបាលប្រចាំសាលា និងជាគ្រូបង្រៀនផ្នែកអប់រំកាយ។ លោកបានអះអាងថា ពេលខ្លះលោកក៏មានការភ្ញាក់ផ្អើលនឹងខ្លួនឯងផងដែរ ប៉ុន្តែលោកជាមនុស្សដែលឲ្យតម្លៃខ្ពស់លើការសិក្សា និងចូលចិត្តអានសៀវភៅបំផុត៕
សូមទស្សនាវីដេអូ៖
ចាប់តាំងពីឆ្នាំ២០០២មក លោក Luciano Baietti ត្រូវបានចុះឈ្មោះក្នុងសៀវភៅ Guinness World Records បន្ទាប់ពីលោកទទួលបានសញ្ញាបត្រ (Laurea) លើជំនាញវិទ្យាសាស្ត្រចលនាពីសាកលវិទ្យាល័យ La Sapienza នៅទីក្រុងរ៉ូម ហើយនេះក៏ជាសញ្ញាបត្រ (កម្រិតបរិញ្ញា និងអនុបណ្ឌិត) លើកទី៨របស់លោកផងដែរ។
ក្នុងបទសម្ភាសជាមួយសារព័ត៌មាន AFP លោក Luciano Baietti ដែលងុបងល់នឹងការរៀនសូត្រនោះ ត្រៀមទទួលសញ្ញាបត្រទី១៦របស់ខ្លួន លើជំនាញវិទ្យាសាស្ត្រចំណីអាហារ។ សញ្ញាបត្រផ្សេងទៀតដែលលោកទទួលបានរួមមានលើជំនាញ អប់រំកាយ សង្គមវិទ្យា អក្សរសាស្ត្រ នីតិសាស្ត្រ វិទ្យាសាស្ត្រនយោបាយ ទស្សនវិទ្យា ស្ថិតិ ឧក្រិដ្ឋវិទ្យា និងទេសចរណ៍ ជាដើម។
បុរសដែលមានវ័យ៧០ឆ្នាំ ហើយមានកូនប្រុសម្នាក់អាយុ២២ឆ្នាំរូបនេះ បានអះអាងថា ការសិក្សាបានក្លាយជាចំណង់ចំណូលចិត្តរបស់លោក ដោយលោកតែងតែចង់ទទួលបានចំណេះដឹងថ្មីៗជានិច្ចសម្រាប់ខ្លួន។
«ខ្ញុំចាប់អារម្មណ៍ស្រឡាញ់ការសិក្សាកាន់តែខ្លាំងបន្ទាប់ពី ទទួលបានសញ្ញាបត្រផ្នែកអប់រំកាយកាលពីឆ្នាំ១៩៧២»។ នេះជាការអះអាងរបស់លោក Luciano Baietti ដោយបន្ថែមថា សញ្ញាបត្រដែលមានកម្រិតបរិញ្ញាបត្រ និងអនុបណ្ឌិតដែលលោកបានសិក្សានោះ គឺលោកបានផ្ទាល់ផង និងអនឡាញផង។ សញ្ញាបត្រទាំងនោះ បានមកពីសាកលវិទ្យាល័យនៅទីក្រុងរ៉ូម ក្រុង Turin ក្រុងណាប៉ូលី ជាដើម។
លោក Baietti ធ្លាប់ធ្វើជាបុគ្គលិកស្ម័គ្រចិត្តកាកបាទក្រហម ហើយមុនពេលចូលនិវត្តន៍លោកជាអតីតមន្ត្រីរដ្ឋបាលប្រចាំសាលា និងជាគ្រូបង្រៀនផ្នែកអប់រំកាយ។ លោកបានអះអាងថា ពេលខ្លះលោកក៏មានការភ្ញាក់ផ្អើលនឹងខ្លួនឯងផងដែរ ប៉ុន្តែលោកជាមនុស្សដែលឲ្យតម្លៃខ្ពស់លើការសិក្សា និងចូលចិត្តអានសៀវភៅបំផុត៕
សូមទស្សនាវីដេអូ៖
Tag:
អប់រំ
Guinness World Records
© រក្សាសិទ្ធិដោយ thmeythmey.com
