ពីនេះ ពីនោះ
ព័ត៍មានសុខភាព
មានជំងឺរលាកសន្លាក់ហ្គោដអាចញ៉ាំស៊ុត និងទឹកដោះគោបានទេ?
× ស៊ុត និងទឹកដោះគោ ច្រើនតែត្រូវបានគេជឿថា ធ្វើឲ្យអាការៈជំងឺរលាកសន្លាក់ហ្គោដកាន់តែធ្ងន់ធ្ងរ ប៉ុន្តែវាច្រើនតែល្អចំពោះសុខភាពទៅវិញទេ។ នៅពេលយើងនិយាយដល់ជំងឺនេះ ពាក្យថាអាស៊ីតអ៊ុយរិក និងប្រូតេអ៊ីនច្រើនតែជាបញ្ហា។ សម្រាប់អ្នកដែលមានជំងឺរលាកសន្លាក់ហ្គោដប្រហែលធា្លប់លឺច្រើនដងហើយអំពីមូលហេតុដែលពួកគេត្រូវឈប់ញ៉ាំប្រូតេអ៊ីន។ ពីមួយថ្ងៃទៅមួយថ្ងៃ អ្នកទំនងជាធ្លាប់លឺគេនិយាយថា ចូរកុំញ៉ាំស៊ុត និងទឹកដោះគោអី ព្រោះវាមានជាតិប្រូតេអ៊ីនធ្វើឲ្យសន្លាក់កាន់តែឈឺខ្លាំង។ យ៉ាងណាមិញ អ្វីដែលយើងត្រូវដឹងនោះគឺថា ប្រូតេអ៊ីនដែលមានក្នុងអាហារទាំងពីរមុខនេះមិនមែនជាប្រូតេអ៊ីនធ្វើឲ្យជំងឺរលាកសន្លាក់ហ្គោដធ្វើទុក្ខនោះទេ។
ស៊ុត
កំហុសដ៏ធំបំផុតដែលយើងធ្វើនោះគឺថា យើងចាត់ទុកប្រូតេអ៊ីនថាដូចៗគ្នាទាំងអស់។ ផ្ទុយទៅវិញ មិនមែនអាហារសម្បូរជាតិប្រូតេអ៊ីនសុទ្ធតែអាចបំលែងទៅជាសារធាតុអាស៊ីតអ៊ុយរិកទាំងអស់នោះទេ។ ប្រូតេអ៊ីនខ្លះដូចជាបន្លែ និងគ្រាប់ធញ្ញជាតិមិនត្រូវបានគេចាត់ទុកថាអាក្រក់ចំពោះអ្នកជំងឺរលាកសន្លាក់ប្រភេទនេះឡើយ។ ស៊ុតមានជាតិ Purine ដែលបំលែងទៅជាអាស៊ីតអ៊ុយរិកតិចបំផុត។ ស៊ុតក៏ជាប្រភពនៃអាស៊ីតខ្លាញ់អូមេហ្គាបីដ៏ល្អមួយដែរ។ វាក៏ពោរពេញទៅដោយវីតាមីន B សំខាន់ៗដូចជា Choline, Biotin និង Folic Acidដែរ។
ទឹកដោះគោ
ការសិក្សាបានបញ្ជាក់ថា ទឹកគោល្អបំផុតសម្រាប់កាត់បន្ថយអាស៊ីតអ៊ុយរិកក្នុងឈាម ដូច្នេះ វាក៏កាត់បន្ថយភាពធ្ងន់ធ្ងររបស់ជំងឺរលាកសន្លាក់ហ្គោដែរ។ ទឹកដោះគោផ្តល់នូវជាតិកាលស្យូមគ្រប់គ្រាន់សម្រាប់ការបង្កើតឆ្អឹង និងកាត់បន្ថយអាស៊ីតអ៊ុយរិក។
តើស៊ុត និងទឹកដោះគោប៉ុន្មានដែលអ្នកអាចញ៉ាំក្នុងរយៈពេលមួយថ្ងៃ?
អ្នកអាចញ៉ាំទឹកដោះគោ ៤០០មីលីលីត្រជារៀងរាល់ថ្ងៃ។ ចំពោះស៊ុតវិញ អាចញ៉ាំមួយថ្ងៃមួយគ្រាប់។ ការបញ្ចូលស៊ុត និងទឹកដោះគោក្នុងរបបអាហារ គឺជាជំហ៊ានដ៏សំខាន់មួយដើម្បីច្បាស់ថា រាងកាយអ្នកទទួលបានជាតិប្រូតេអ៊ីនគ្រប់គ្រាន់៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com